21

മലപ്പുറം: ദുരന്തബാധിത മേഖലയായ വണ്ടൂരിലേക്കുള്ള പ്രിയങ്ക ഗാന്ധി എംപിയുടെ ഇന്നത്തെ സന്ദർശനം മാറ്റിവച്ചു. ചില സാങ്കേതിക കാരണങ്ങളാൽ സന്ദർശനം മാറ്റിവച്ചത്. ബുധനാഴ്ച പ്രിയങ്ക വണ്ടൂരിലെത്തും.

അതേസമയം മുഖ്യമന്ത്രി ഇന്ന് മലപ്പുറത്തെത്തി. ചോക്കാട് കോട്ടപ്പുഴയിലുണ്ടായ മലവെള്ളപ്പാച്ചിലിൽ ജീവൻ നഷ്ടപ്പെട്ടവരുടെ കുടുംബാംഗങ്ങൾക്ക് ആവശ്യമായ എല്ലാവിധ സഹായങ്ങളും സർക്കാർ ചെയ്തുകൊടുക്കുമെന്നും മുഖ്യമന്ത്രി വി.ഡി. സതീശൻ പറഞ്ഞു. പൂക്കോട്ടുംപാടം സന്ദർശിച്ചശേഷമായിരുന്നു മുഖ്യമന്ത്രിയുടെ പ്രതികരണം.

വളരെ നിർഭാഗ്യകരമായ സംഭവമാണ് നടന്നതെന്നും ദുരന്തത്തിൽ കാണാതായവർക്ക് വേണ്ടിയുള്ള തെരച്ചിൽ തുടരുമെന്നും മുഖ്യമന്ത്രി പറഞ്ഞു. മഴക്കാലം പോലുമല്ലാതിരുന്ന സമയത്ത് അപ്രതീക്ഷിതമായിയെത്തിയ മലവെള്ളം വലിയ ദുരന്തമായി മാറുകയായിരുന്നുവെന്നും മുഖ്യമന്ത്രി പറഞ്ഞു.

Tags : PriyankaGandhi Disaster Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash