ശ്രീ​കൃ​ഷ്ണ ജ​യ​ന്തി: ന​ഗ​ര​ത്തി​ല്‍ ഗ​താ​ഗ​ത നി​യ​ന്ത്ര​ണം
Friday, August 23, 2019 12:31 AM IST
കോ​ഴി​ക്കോ​ട്: ശ്രീ​കൃ​ഷ്ണ ജ​യ​ന്ത്രി ശോ​ഭ​യാ​ത്ര ന​ട​ക്കു​ന്ന​തി​ന്‍റെ ഭാ​ഗ​മാ​യി ഇ​ന്ന് ഉ​ച്ച​യ്ക്ക് ര​ണ്ട് മു​ത​ല്‍ ന​ഗ​ര​ത്തി​ല്‍ ഗ​താ​ഗ​ത നി​യ​ന്ത്ര​ണം ഏ​ര്‍​പ്പെ​ടു​ത്തി. മൊ​ഫ്യൂ​സില്‍ ബ​സ്റ്റാൻഡ്, പാ​ള​യം, അ​ര​യി​ട​ത്തു​പാ​ലം, ന​ട​ക്കാ​വ്, പു​ഷ്പ ജം​ഗ്ഷ​ന്‍, മി​നി ബൈ​പാ​സ് എ​ന്നി​വി​ട​ങ്ങ​ളി​ലാ​ണ് പ്ര​ധാ​ന ഗ​താ​ഗ​ത​ക്ര​മീ​ക​ര​ണം ഏ​ര്‍​പ്പെ​ടു​ത്തു​ന്ന​ത്. തെ​ക്കു ഭാ​ഗ​ത്തു നി​ന്നും വ​രു​ന്ന ബ​സു​ക​ള്‍ തൊ​ണ്ട​യാ​ട് ബൈ​പാ​സ് വ​ഴി പു​തി​യ സ്റ്റാ​ൻഡില്‍ പ്ര​വേ​ശി​ച്ച് അ​തു​വ​ഴി ത​ന്നെ തി​രി​ച്ചു പോ​കണം.
വ​ട​ക്കു​ഭാ​ഗ​ത്തു നി​ന്നും വ​രു​ന്ന ബ​സു​ക​ള്‍ വെ​സ്റ്റി​ഹി​ല്‍ ചു​ങ്കം, കാ​ര​പ്പ​റ​മ്പ്, എ​ര​ഞ്ഞി​പ്പാ​ലം, അ​ര​യി​ട​ത്തു​പാ​ലം വ​ഴി പു​തി​യ​സ്റ്റാ​ന്‍റി​ല്‍ പ്ര​വേ​ശി​ച്ച് അ​തു​വ​ഴി ത​ന്നെ തി​രി​ച്ചു പോ​കണം. കി​ഴ​ക്കു ഭാ​ഗ​ത്തു നി​ന്നും വ​രു​ന്ന ബ​സു​ക​ള്‍ പു​തി​യ​സ്റ്റാ​ൻഡില്‍ വ​ന്ന് തി​രി​ച്ചു​പോ​കു​മെ​ന്നും ട്രാ​ഫി​ക് അ​സി​സ്റ്റ​ന്‍റ് ക​മ്മീ​ഷ​ണ​ര്‍ അ​റി​യി​ച്ചു.
ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ല്‍ ന​ട​ക്കു​ന്ന ശോ​ഭാ​യാ​ത്ര വൈ​കി​ട്ട് 3.30 ന് ​ആ​രം​ഭി​ക്കും. കോ​ഴി​ക്കോ​ട് ന​ഗ​ര​ത്തി​ല്‍ സ്‌​റ്റേ​ഡി​യ​ത്തി​ന​ടു​ത്തു​ള്ള ശ്രീ​ക​ണ്‌​ഠേ​ശ്വ​ര ക്ഷേ​ത്രം, എ​ര​ഞ്ഞി​പ്പാ​ലം, അ​ഴ​കൊ​ടി ദേ​വീ ക്ഷേ​ത്രം, മാ​ങ്കാ​വ്, ക​ല്ലാ​യ് റെ​യി​ല്‍​വേസ്റ്റേ​ഷ​ന്‍ പ​രി​സ​രം എ​ന്നി​വി​ട​ങ്ങ​ളി​ല്‍ നി​ന്നും ആ​രം​ഭി​ച്ച് മു​ത​ല​ക്കു​ള​ത്ത് അ​വ​സാ​നി​ക്കും.