തളിപ്പറമ്പ്: കണ്ണൂർ ലോക്സഭാ മണ്ഡലം എൽഡിഎഫ് സ്ഥാനാർഥി എം.വി. ജയരാജന്‍റെ തെരഞ്ഞെടുപ്പ് പ്രചാരണാർഥം തളിപ്പറമ്പിൽ നടന്ന മണ്ഡലം തെരഞ്ഞെടുപ്പ് റാലി മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. മണ്ഡലം കമ്മിറ്റി ചെയർമാൻ കെ.വി. ഗോപിനാഥ് അധ്യക്ഷത വഹിച്ചു.
കൺവീനർ കെ. സന്തോഷ്, സിപിഎം ജില്ലാ ആക്ടിംഗ് സെക്രട്ടറി ടി.വി. രാജേഷ്, നേതാക്കളായ എൻ. ചന്ദ്രൻ, സി.എൻ. ചന്ദ്രൻ, കെ.സി. രാമചന്ദ്രൻ, എം.ജെ. ജോസഫ്, കെ. സാജൻ, സി. വത്സൻ, അനിൽ പുതിയവീട്ടിൽ, പി.എൻ. മധുസൂദനൻ, ടി.എസ്. ജയിംസ്, ബി. ഹംസ ഹാജി, പി.കെ. ശ്രീമതി, പി.കെ. ശ്യാമള, പി. മുകുന്ദൻ, പി.കെ. മുജീബ് റഹ്മാൻ എന്നിവർ പ്രസംഗിച്ചു. രക്തസാക്ഷി ധീരജ് രാജേന്ദ്രന്‍റെ അച്ഛൻ രാജേന്ദ്രനും റാലിയിൽ പങ്കെടുത്തു.