ജ്വ​ല്ല​റി ഉ​ട​മ​യു​ടെ കൊ​ല​പാ​ത​കം: ‌സി​ബി​ഐ ഇ​നി ബം​ഗാ​ളി​ലേ​ക്ക്
Sunday, November 10, 2019 1:41 AM IST
ത​ല​ശേ​രി: ത​ല​ശേ​രി ന​ഗ​ര​ത്തി​ലെ മെ​യി​ൻ റോ​ഡി​ലെ സ​വി​ത ജ്വ​ല്ല​റി ഉ​ട​മ ച​ക്യ​ത്ത് മു​ക്കി​ലെ സ്നേ​ഹ​യി​ൽ പി.​കെ.​ദി​നേ​ശ​നെ ക​ട​യ്ക്കു​ള്ളി​ൽ കു​ത്തി​ക്കൊ​ല​പ്പെ​ടു​ത്തി​യ കേ​സി​ൽ പ്ര​തി​ക​ളെ തേ​ടി സി​ബി​ഐ സം​ഘം ബം​ഗാ​ളി​ലെ മെ​ദി​നി​പ്പൂ​ർ ജി​ല്ല​യി​ലേ​ക്ക് പോ​കും. അ​ന്വേ​ഷ​ണം ഏ​റ്റെ​ടു​ത്ത് അ​ഞ്ചു വ​ർ​ഷം പി​ന്നി​ട്ടി​ട്ടും തു​മ്പ് ല​ഭി​ക്കാ​ത്ത സാ​ഹ​ച​ര്യ​ത്തി​ൽ കേ​സ​ന്വേ​ഷ​ണം അ​വ​സാ​നി​പ്പി​ക്ക​ണ​മെ​ന്ന് ഉ​ന്ന​ത​ങ്ങ​ളി​ൽ​നി​ന്നു​ള്ള നി​ർ​ദേ​ശ​വും ഇ​തി​ന​കം സി​ബി​ഐ കേ​ര​ള​ഘ​ട​ക​ത്തി​ന് ല​ഭി​ച്ച​താ​യും അ​റി​യു​ന്നു.

കൊ​ല​പാ​ത​കം ന​ട​ന്നി​ട്ട് അ​ഞ്ചു വ​ർ​ഷം പൂ​ർ​ത്തി​യാ​കാ​ൻ ഒ​രു മാ​സം ബാ​ക്കി​നി​ൽ​ക്കെ​യാ​ണ് സി​ഐ കെ.​എം. സെ​ബാ​സ്റ്റ്യ​ന്‍റെ നേ​തൃ​ത്വ​ത്തി​ലു​ള്ള സം​ഘം അ​ന്വേ​ഷ​ണം ബം​ഗാ​ളി​ലേ​ക്ക് വ്യാ​പി​പ്പി​ച്ചി​ട്ടു​ള്ള​ത്. സം​ഭ​വം ന​ട​ന്ന സ​മ​യ​ത്ത് ജ്വ​ല്ല​റി​യു​ടെ പ​രി​സ​ര​പ്ര​ദേ​ശ​ങ്ങ​ളി​ൽ താ​മ​സി​ച്ചി​രു​ന്ന​വ​ർ ബം​ഗാ​ളി​ലെ മെ​ദി​നി​പ്പൂ​ർ സ്വ​ദേ​ശി​ക​ളാ​ണെ​ന്ന് ക​ണ്ടെ​ത്തി​യി​രു​ന്നു. ഇ​വ​രു​ടെ തി​രി​ച്ച​റി​യ​ൽ രേ​ഖ​ക​ൾ അ​ന്വേ​ഷ​ണ​സം​ഘം ശേ​ഖ​രി​ച്ചി​ട്ടു​ണ്ട്.

ക​രാ​റു​കാ​രി​ൽ​നി​ന്ന് ഇ​രു​ന്നൂ​റോ​ളം തി​രി​ച്ച​റി​യ​ൽ കാ​ർ​ഡു​ക​ളാ​ണ് ഇ​തി​ന​കം ശേ​ഖ​രി​ച്ചി​ട്ടു​ള്ള​ത്. ബ​ന്ധു​ക്ക​ളെ​യും സു​ഹൃ​ത്തു​ക്ക​ളെ​യും കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​ത്തി​ൽ തു​മ്പൊ​ന്നും ല​ഭി​ക്കാ​ത്ത സാ​ഹ​ച​ര്യ​ത്തി​ലാ​ണ് ഇ​ത​ര​സം​സ്ഥാ​ന തൊ​ഴി​ലാ​ളി​ക​ളി​ലേ​ക്ക് അ​ന്വേ​ഷ​ണം വ്യാ​പി​പ്പി​ച്ചി​ട്ടു​ള്ള​ത്. 2014 ഡി​സം​ബ​ർ 23 ന് ​രാ​ത്രി എ​ട്ടോ​ടെ​യാ​ണ് മെ​യി​ൻ റോ​ഡി​ലെ സ​വി​ത ജ്വ​ല്ല​റി​ക്കു​ള്ളി​ലെ പൂ​ജാ​മു​റി​യി​ൽ ദി​നേ​ശ​നെ കു​ത്തേ​റ്റു മ​രി​ച്ച​നി​ല​യി​ൽ ക​ണ്ടെ​ത്തി​യ​ത്.