സൂ​ര്യ​കാ​ന്തി പൂ​പ്പാ​ട​ങ്ങ​ളി​ല്‍ ഇ​നി വി​ള​വെ​ടു​പ്പ് കാ​ലം
Friday, September 20, 2019 11:22 PM IST
പ​ത്ത​നാ​പു​രം: കാ​ഴ്ച​യു​ടെ വി​രു​ന്നൊ​രു​ക്കി​യ സൂ​ര്യ​കാ​ന്തി പൂ​പ്പാ​ട​ങ്ങ​ളി​ല്‍ ഇ​നി വി​ള​വെ​ടു​പ്പ് കാ​ലം. ത​മി​ഴ്പാ​ട​ങ്ങ​ളി​ല്‍ സൂ​ര്യ​കാ​ന്തി പൂ​ക്ക​ള്‍ കൊ​ഴി​ഞ്ഞു തു​ട​ങ്ങി. ഉ​ണ​ങ്ങി നി​ല്‍​ക്കു​ന്ന സൂ​ര്യ​കാ​ന്തി വി​ത്തു​ക​ള്‍ വി​ള​വെ​ടു​പ്പ് ആ​രം​ഭി​ച്ചു.
നോ​ക്കെ​ത്താ ദൂ​ര​ത്തോ​ളം പ​ര​ന്നു​കി​ട​ക്കു​ന്ന സൂ​ര്യ​കാ​ന്തി​പ്പാ​ട​ങ്ങ​ളി​ല്‍ ഓ​ണം ക​ഴി​ഞ്ഞ​ത് മു​ത​ലാ​ണ് വി​ള​വെ​ടു​പ്പ് തു​ട​ങ്ങി​യ​ത്. ക​മ്പി​ളി, സു​ന്ദ​ര​പാ​ണ്ഡ്യ​പു​രം, സൊ​റൈ​ണ്ടൈ എ​ന്നി​വി​ട​ങ്ങ​ളി​ലാ​ണ് പൂ​ക്ക​ള്‍ വി​ള​വെ​ടു​ക്കാ​റാ​യ​ത്. പൂ​ക്കു​ന്ന​ത് മു​ത​ല്‍ ഒ​രു മാ​സ​ത്തി​ല​ധി​കം പ്ര​ഭ ചൊ​രി​ഞ്ഞ് സൂ​ര്യ​നെ അ​ഭി​മു​ഖ​മാ​യി നി​ന്ന സൂ​ര്യ​കാ​ന്തി​പ്പൂ​ക്ക​ള്‍ സ​ഞ്ചാ​രി​ക​ളു​ടെ മ​നം​ക​വ​ര്‍​ന്നി​രു​ന്നു.
നാ​ലു​മാ​സ​മാ​ണ് സൂ​ര്യ​കാ​ന്തി കൃ​ഷി​യു​ടെ സ​മ​യം. എ​ണ്ണ​യെ​ടു​ക്കാ​നാ​ണ് സൂ​ര്യ​കാ​ന്തി കൃ​ഷി ചെ​യ്യു​ന്ന​ത്. കൊ​ഴു​പ്പി​ന്‍റെ അം​ശ​മി​ല്ലാ​ത്ത സൂ​ര്യ​കാ​ന്തി എ​ണ്ണ പാ​ച​ക​ത്തി​നാ​ണ് കൂ​ടു​ത​ലാ​യും ഉ​പ​യോ​ഗി​ക്കു​ന്ന​ത്.
കൃ​ഷി​യി​ട​ത്തി​ല്‍ നി​ന്ന് മു​റി​ച്ചെ​ടു​ക്കു​ന്ന പൂ​വ് യ​ന്ത്ര​ത്തി​ന്‍റെ സ​ഹാ​യ​ത്തോ​ടെ മെ​തി​ച്ച് എ​ണ്ണ​ക്കു​രു വേ​ര്‍​ത്തി​രി​ച്ചെ​ടു​ക്കു​ക​യാ​ണ് ചെ​യ്യു​ന്ന​ത്. വി​ദേ​ശ​രാ​ജ്യ​ങ്ങ​ളി​ലേ​ക്ക് വ​രെ ഇ​വി​ടെ നി​ന്നും പൂ​ക്ക​ളും വി​ത്തു​ക​ളും ക​യ​റ്റി അ​യ​ക്കു​ന്നു​ണ്ട്.
പൂ​ർ​ണ വ​ള​ർ​ച്ച​യെ​ത്തി​യ ഒ​രു ചെ​ടി​യി​ൽ നി​ന്നും ഒ​രു സീ​സ​ണി​ൽ പ​ത്തി​ല​ധി​കം പൂ​ക്ക​ളാ​ണ് ല​ഭി​ച്ചി​രു​ന്ന​ത്. നി​ര​വ​ധി സാ​ധ​ന​ങ്ങ​ൾ​ക്ക് അ​സം​സ്കൃ​ത​വ​സ്തു​വാ​യ പൂ​ക്ക​ൾ വി​ള​വെ​ടു​ക്കാ​റാ​യാ​ൽ മൊ​ത്ത​ത്തി​ൽ വ​ൻ​കി​ട ക​മ്പ​നി​ക​ൾ​ക്ക് വി​ൽ​ക്കു​ക​യാ​ണ് പ​തി​വ്. ഇ​ത്ത​വ​ണ നി​ര​വ​ധി ആ​ളു​ക​ളാ​ണ് സൂ​ര്യ​കാ​ന്തി കാ​ണാ​ന്‍ പൂ​പ്പാ​ട​ങ്ങ​ളി​ല്‍ എ​ത്തി​യി​രു​ന്ന​ത്.