തിരുവല്ല: നഗരസഭയിൽ രണ്ട് സ്റ്റാൻഡിംഗ് കമ്മിറ്റികളുടെ അധ്യക്ഷ സ്ഥാനം എൽഡിഎഫിനു ലഭിച്ചു. വിദ്യാഭ്യാസം - കലാ, കായികം, ക്ഷേമകാര്യം സ്റ്റാൻഡിംഗ് കമ്മിറ്റികളാണ് എൽഡിഎഫിനു ലഭിച്ചത്.
ഭരണകക്ഷിയായ യുഡിഎഫിൽ വൈസ് ചെയർമാൻ അധ്യക്ഷനായ ധനകാര്യ സ്റ്റാൻഡിംഗ് കമ്മിറ്റി കൂടാതെ പൊതുമരാമത്ത്, വികസനം സ്ഥിരം സമിതികളുടെ അധ്യക്ഷ സ്ഥാനം കൂടി കേരള കോൺഗ്രസ് ജോസഫിനു ലഭിച്ചു. ആരോഗ്യം സ്റ്റാൻഡിംഗ് കമ്മിറ്റി അധ്യക്ഷ സ്ഥാനം മാത്രമാണ് കോൺഗ്രസിനുള്ളത്.
വിദ്യാഭ്യാസം, കലാകായിക സ്റ്റാൻഡിംഗ് കമ്മിറ്റി അധ്യക്ഷയായി എൽഡിഎഫിലെ ഷീജ കരിന്പുകാലായിലിനെ തെരഞ്ഞെടുത്തു.
ഷീനാ ശാമുവേൽ, ഇന്ദു ചന്ദ്രൻ, ബിന്ദുകാശ്, സുനിൽ ജേക്കബ്, ജി.എം.വിമൽ എന്നിവരാണ് സമിതി അംഗങ്ങൾ. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാനായി എൻസിപിയിലെ ജിജി വട്ടശേരിയെ തെരഞ്ഞെടുത്തു. കമ്മിറ്റിയംഗങ്ങളായി ബിന്ദു ജേക്കബ്, മാത്യു ചാക്കോ, ഷിനു ഈപ്പൻ, ഷാനി താജ്, ശ്രീനിവാസ് പുറയാറ്റ് എന്നിവരെയും തെരഞ്ഞെടുത്തു.
ഭരണകക്ഷിയിലെ അംഗങ്ങളുടെ ഇടയിലെ ഏറ്റവും ശ്രദ്ധേയമായ സ്റ്റാൻഡിംഗ് കമ്മിറ്റിയായ ആരോഗ്യം ഏറെ വടംവലികൾക്ക് ശേഷം കോൺഗ്രസിലെ അനു ജോർജിനെ അധ്യക്ഷ സ്ഥാനത്തേക്ക് തെരഞ്ഞെടുത്തു.
ഇതിൽ അംഗങ്ങളായി സാറാമ്മ ഫ്രാൻസീസ്, മേഘ എം. ശമുവേൽ, ജാസ് പോത്തൻ, അന്നമ്മ മത്തായി, ശോഭ വിനു എന്നിവരെയും തെരഞ്ഞെടുത്തു.
പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാനായി കേരള കോൺഗ്രസ് - ജോസഫ് വിഭാഗത്തിലെ ജേക്കബ് ജോർജ് മനക്കലിനെ തെരഞ്ഞെടുത്തു.
കമ്മിറ്റിയംഗങ്ങളായി എം.ആർ. ശ്രീജ, തോമസ് വഞ്ചിപ്പാലം, മാത്യൂസ് ചാലക്കുഴി, രാഹുൽ സിജു, സജി എം.മാത്യു എന്നിവരാണ്.വികസന സ്റ്റാൻഡിംഗ് കമ്മിറ്റി അധ്യക്ഷയായി കേരള കോൺഗ്രസ് ജോസഫ് വിഭാഗത്തിലെ ഷീല വർഗീസിനെ തെരഞ്ഞെടുത്തു. കമ്മിറ്റിയംഗങ്ങളായി ലെജു എം.സഖറിയ, പ്രദീപ് മാമ്മൻ മാത്യു, അനു സോമൻ, ജോസ് പഴയിടം, വിജയൻ തലവന, ശാന്തമ്മ വർഗീസ് എന്നിവരാണ് അംഗങ്ങൾ.ധനകാര്യ സ്റ്റാൻഡിംഗ് കമ്മിറ്റി ചെയർമാനായി വൈസ് ചെയർമാൻ ഫിലിപ്പ് ജോർജ് പ്രവർത്തിക്കും. കമ്മിറ്റിയംഗങ്ങളായി ലിൻഡ തോമസ്, സബിതാ സലിം, ഡോ. റെജിനോൾഡ് വർഗീസ്, ഗംഗാ രാധാകൃഷ്ണൻ, പൂജാ ജയൻ, മിനി കുമാരി എന്നിവരെയാണ് നിശ്ചയിച്ചിരിക്കുന്നത്.