ബീഹാർ റോബിൻഹുഡിന്‍റെ കവർച്ച: ജോഷിയുടെ വീട്ടിൽ കയറിയത് 3 മോഷണശ്രമ പരാജയങ്ങൾക്ക് ശേഷം
Tuesday, April 23, 2024 6:52 AM IST
കൊ​ച്ചി: സം​വി​ധാ​യ​ക​ന്‍ ജോ​ഷി​യു​ടെ വീ​ട്ടി​ല്‍ മോ​ഷ​ണം ന​ട​ത്തി​യ പ്ര​തി മു​ഹ​മ്മ​ദ് ഇ​ര്‍​ഫാ​ന്‍ പ​ന​മ്പി​ള്ളി​ന​ഗ​ര്‍ ഭാ​ഗ​ത്ത് മൂ​ന്ന് വീ​ടു​ക​ളി​ല്‍ മോ​ഷ​ണത്തിനുശ്ര​മി​ച്ചശേ​ഷമാണ് ജോ​ഷി​യു​ടെ വീ​ട്ടി​ല്‍ ക​യ​റി​യ​ത്. സ്‌​ക്രൂ ഡ്രൈ​വ​ര്‍ മാ​ത്ര​മാ​ണ് മു​ഹ​മ്മ​ദ് ഇ​ര്‍​ഫാ​ന്‍ മോ​ഷ​ണ​ത്തി​ന് ഉ​പ​യോ​ഗി​ച്ച​ത്. ജോ​ഷി​യു​ടെ വീ​ട്ടി​ല്‍ ആ​ഭ​ര​ണ​ങ്ങ​ള്‍ സൂ​ക്ഷി​ച്ചി​രു​ന്ന ലോ​ക്ക​ര്‍ പൂ​ട്ടാ​തി​രു​ന്ന​ത് ഇ​ര്‍​ഫാ​ന് മോ​ഷ​ണം എ​ളു​പ്പ​മാ​ക്കാ​ന്‍ സ​ഹാ​യി​ച്ചു​വെ​ന്ന് സി​റ്റി പോ​ലീ​സ് ക​മ്മീ​ഷ​ണ​ര്‍ എ​സ്.​ശ്യാം സു​ന്ദ​ര്‍ പ​റ​ഞ്ഞു.

ഈ ​പ്ര​ദേ​ശ​ത്തു ത​ന്നെ മൂ​ന്നു വീ​ടു​ക​ളി​ല്‍ കൂ​ടി മോ​ഷ​ണ​ത്തി​നാ​യി ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ട്ടു. സാ​മ്പ​ത്തി​ക​മാ​യി മുന്നോ​ക്കം നി​ല്‍​ക്കു​ന്ന​വ​ര്‍ താ​മ​സി​ക്കു​ന്ന മേ​ഖ​ല എ​ന്ന​തു​കൊ​ണ്ടാ​വാം പ​ന​മ്പി​ള്ളി ന​ഗ​ര്‍ തെ​ര​ഞ്ഞെ​ടു​ത്ത​തെ​ന്നും ക​മ്മീ​ഷ​ണ​ര്‍ പ​റ​ഞ്ഞു. മോ​ഷ്ടി​ച്ച സ്വ​ര്‍​ണം ഈ ​കാ​റി​ല്‍​ത്ത​ന്നെ സൂ​ക്ഷി​ച്ചി​രു​ന്നു.

പ​രി​ശോ​ധ​ന​ക​ള്‍ ഒ​ഴി​വാ​ക്കാ​ന്‍ വേ​ണ്ടി​യാ​വാം പ​ഞ്ചാ​യ​ത്ത് പ്ര​സി​ഡ​ന്‍റിന്‍റെ ബോ​ര്‍​ഡ് കാ​റി​ല്‍ വ​ച്ചി​രു​ന്ന​ത്. മോ​ഷ​ണത്തിനുശേ​ഷം സ​മ​യം പാ​ഴാ​ക്കാ​തെ കൊ​ച്ചി സി​റ്റി പോ​ലീ​സി​ന്‍റെ മു​ഴു​വ​ന്‍ സം​വി​ധാ​ന​വും ഉ​പ​യോ​ഗ​പ്പെ​ടു​ത്തി ഉ​ന്ന​ത ഉ​ദ്യോ​ഗ​സ്ഥ​രു​ള്‍​പ്പെ​ടെ രം​ഗ​ത്തി​റ​ങ്ങി ന​ട​ത്തി​യ ഊ​ര്‍​ജി​ത അ​ന്വേ​ഷ​ണ​ത്തി​ലാ​ണു ഹൈ​ടെ​ക് ക​ള്ള​ന്‍ കു​ടു​ങ്ങി​യ​ത്. ആ​ളു​ക​ളു​ള്ള വീ​ടു​ക​ളി​ല്‍ ക​യ​റി ആ​രു​മ​റി​യാ​തെ മോ​ഷ​ണം ന​ട​ത്തു​ന്ന​തി​ല്‍ അ​തി​വി​ദ​ഗ്ധ​നാ​ണു മു​ഹ​മ്മ​ദ് ഇ​ര്‍​ഫാ​ന്‍.

Copyright @ 2022 , Rashtra Deepika Ltd.