ഇന്‍ഡോര്‍ സെന്‍റ് ഫ്രാന്‍സിസ് കത്തീഡ്രലില്‍ ദുക്‌റാന തിരുനാള്‍ ആഘോഷിച്ചു
Monday, July 7, 2025 12:37 PM IST
ഇന്‍ഡോര്‍: ഇന്‍ഡോര്‍ മലയാളി കാത്തലിക് അസോസിയേഷന്‍(ഐഎംസിഎ) ആഭിമുഖ്യത്തില്‍ ഇന്‍ഡോര്‍ സെന്‍റ് ഫ്രാന്‍സിസ് കത്തീഡ്രലില്‍ ദുക്‌റാന തിരുനാളും പരീക്ഷകളില്‍ മികച്ച വിജയം നേടിയ വിദ്യാര്‍ഥികളെ ആദരിക്കുകയും ചെയ്തു.
വിശുദ്ധ കുര്‍ബാനയ്ക്കു ഇന്‍ഡോര്‍ ബിഷപ് ഡോ. തോമസ് മാത്യു മുഖ്യകാര്‍മികത്വം വഹിച്ചു. ഫാ. ജോര്‍ജ് പായറ്റിക്കാട് സഹകാര്‍മകത്വം വഹിച്ചു. തുടര്‍ന്നു നടന്ന പൊതുസമ്മേളനം ബിഷപ് ഡോ. തോമസ് മാത്യു ഉദ്ഘാടനം ചെയ്തു.
ഐഎംസിഎ പ്രസിഡന്‍റ് അലക്‌സ് കാലമുറിയില്‍, ഐഎംസിഎ വൈസ് പ്രസിഡന്‍റ് മാത്യു എബ്രാഹം, ജോയിന്‍റ് സെക്രട്ടറി എം.ജെ. എബ്രാഹം, ഫാ. ജോര്‍ജ് പായറ്റിക്കാട്, ട്രഷറാര്‍ ജോണ്‍സണ്‍ ജോര്‍ജ്, സെക്രട്ടറി ഡോ. ജോസഫ് തറയില്‍ എന്നിവര്‍ പ്രസംഗിച്ചു.
സമ്മേളനത്തില്‍ എല്ലാ തോമസ് നാമാധാരികളെയും അവരുടെ പങ്കാളികളെയും മക്കളെയും പൂക്കള്‍ നല്കി ആദരിച്ചു. ഈ വര്‍ഷത്തെ പരീക്ഷകളില്‍ ഉന്നത വിജയം നേടിയ നേടിയ 12 വിദ്യാര്‍ഥികളെ സര്‍ട്ടിഫിക്കറ്റും ട്രോഫിയും നല്കി ആദരിച്ചു.
തുടര്‍ന്നു വിഭവസൃമദ്ധമായ സ്‌നേഹ വിരുന്നുമുണ്ടായിരുന്നു.