17

അ​ങ്ങ​നെ ലോ​ക​ക​പ്പ് ഫൈ​ന​ൽ പോ​രാ​ട്ടം ഉ​റ​പ്പി​ച്ചു! മെ​സി മാ​ജി​ക്കി​ൽ അ​ർ​ജ​ന്‍റീ​ന​യോ, ക​ര​ളു​റ​പ്പി​ന്‍റെ വീ​റി​ൽ സ്പെ​യി​നോ? കാ​ൽ​പ​ന്താ​ട്ടം ഒ​രു മാ​സം പി​ന്നി​ടു​മ്പോ​ൾ അ​വ​ശേ​ഷി​ക്കു​ന്ന ഏ​ക ചോ​ദ്യം! ഫു​ട്ബോ​ളി​ലെ സു​വ​ർ​ണ സിം​ഹാ​സ​ന​ത്തി​നാ​യി ലോ​ക ചാ​മ്പ്യ​ന്മാ​രാ​യ അ​ർ​ജ​ന്‍റീ​ന യൂ​റോ​പ്യ​ൻ ചാ​മ്പ്യ​ന്മാ​രാ​യ സ്പെ​യി​നു​മാ​യി മു​ട്ടു​മ്പോ​ൾ ആ​രാ​ധ​ക​രു​ടെ ഉ​ദ്വേ​ഗ​ത്തി​ന് പെ​രു​മ്പ​റ​യു​ടെ മു​ഴ​ക്കം. പ്ര​തീ​ക്ഷ​ക​ൾ​ക്ക് ആ​വേ​ശ​ത്തി​ന്‍റെ വ​ർ​ണ​പ്പ​കി​ട്ട്.

സെ​മി​യി​ൽ ഫ്രാ​ൻ​സി​നെ ചി​ത​റി​ച്ച ക​ളി ക​ണ്ടോ?... സ്പാ​നി​ഷ് ആ​രാ​ധ​ക​ർ നീ​ല​പ്പ​ട​യു​ടെ മൂ​ക്ക് തൊ​ടു​ന്നു. എ​ത്ര പി​ന്നി​ൽ പോ​യാ​ലും മെസി അ​വ​ത​രി​ക്കും... കാ​ള​ക്കൂ​റ്റ​ന്‍റെ കൊ​മ്പി​ൽ​ത്ത​ന്നെ​യാ​ണ് അ​ർ​ജ​ന്‍റീ​ന ആ​രാ​ധ​ക​രു​ടെ മ​ര​ണ​പ്പി​ടി​ത്തം. ലാ​മി​ൻ യ​മാ​ൽ എ​ന്ന പേ​ര് പ​റ​ഞ്ഞു​തീ​രും​മു​മ്പ് എ​തി​രാ​ളി​ക​ളു​ടെ മു​ഖ​ത്ത് കൊ​ച്ചു​പ​യ്യ​ൻ പാ​വം എ​ന്ന പു​ച്ഛം. ഉ​രു​ക്കു പ​ട​ക്ക​പ്പ​ലു​ക​ളാ​ണ് സ്പാ​നി​ഷ് അ​ർ​മാ​ഡ​യു​ടേ​തെ​ന്ന് നെ​ഞ്ചു​വി​രി​ച്ച് ലാ ​റോ​ജ​യു​ടെ പ​ട​പ്പാ​ട്ടു​കാ​ർ. തി​ങ്ക​ളാ​ഴ്ച പു​ല​ർ​ച്ചെ 12.30ന്‍റെ കി​ക്കോ​ഫ് വ​രെ സ​മ്മ​ർ​ദം മു​റു​കി​ക്കൊ​ണ്ടി​രി​ക്കും. ഫൈ​ന​ൽ വി​സി​ലി​ൽ ആ​ഘോ​ഷ​വി​സ്ഫോ​ട​നം യൂ​റോ​പ്പി​ലോ ലാ​റ്റി​ൻ അ​മേ​രി​ക്ക​യി​ലോ?

ആ ​കാ​ത്തി​രി​പ്പി​നൊ​രു സു​ഖ​മു​ണ്ട്. ക​ടു​ത്ത ക​ളി​ജ്വ​ര​ത്തി​ന്‍റെ​യും അ​ന്ത​മി​ല്ലാ​ത്ത പ്ര​തീ​ക്ഷ​ക​ളു​ടെ​യും ഉ​ച്ച​സ്ഥാ​യി​യി​ലേ​ക്കു​ള്ള യാ​ത്ര​യും അ​വി​ടന്ന് ആ​ഘോ​ഷ​രാ​വി​ന്‍റെ വ​ന്യ​ത​യി​ലേ​ക്കു​ള്ള കൂ​പ്പു​കു​ത്ത​ലും. ഫു​ട്ബോ​ൾ എ​ന്ന ക​ല അ​തി​ന്‍റെ സ​ർ​വ​സൗ​ന്ദ​ര്യ​ത്തോ​ടെ ന്യൂ​ജ​ഴ്സി സ്റ്റേ​ഡി​യ​ത്തി​ൽ അ​ർ​മാ​ദി​ക്ക​ട്ടെ!

സെ​മി ഫൈ​ന​ലി​ൽ ശ​ക്ത​രാ​യ ഫ്രാ​ൻ​സി​നെ ഞെ​ട്ടി​ച്ച​താ​ണ് സ്പെ​യി​ൻ. അ​തു​വ​രെ ക​ണ്ട ഫ്രാ​ൻ​സി​ന്‍റെ ക​ളി ചാ​മ്പ്യ​ന്മാ​രു​ടേ​താ​യി​രു​ന്നു. അ​വ​രു​ടെ ആ​രാ​ധ​ക​ർ​ക്കെ​ങ്കി​ലും അ​ക്കാ​ര്യ​ത്തി​ൽ സം​ശ​യ​മി​ല്ലാ​യി​രു​ന്നു. എ​ന്നാ​ൽ, മ​ത്സ​ര​ത്തി​ന്‍റെ തു​ട​ക്കം മു​ത​ൽ ഒ​ടു​ക്കം വ​രെ ആ​ധി​പ​ത്യം പു​ല​ർ​ത്തി​യ ലൂ​യി​സ് ഡെ ​ലാ ഫ്യൂ​ന്‍റെ​യു​ടെ സം​ഘം ആ ​വി​ശ്വാ​സം പൊ​ളി​ച്ച​ടു​ക്കി. കൃ​ത്യ​ത​യാ​ർ​ന്ന ഫി​നി​ഷിം​ഗി​ലൂ​ടെ​യും പ​ന്ത് കൈ​യ​ട​ക്കി​യു​ള്ള മി​ക​ച്ച ക​ളി​യി​ലൂ​ടെ​യും ഫ്ര​ഞ്ച് പ​ട​യെ അ​വ​ർ അ​ക്ഷ​രാ​ർ​ഥ​ത്തി​ൽ ശ്വാ​സം മു​ട്ടി​ക്കു​ക​യാ​യി​രു​ന്നു.

ഈ ​ലോ​ക​ക​പ്പി​ൽ സ്പെ​യി​നി​ന്‍റെ ഏ​റ്റ​വും മി​ക​ച്ച പ്ര​ക​ട​ന​മാ​യി​രു​ന്നു അ​ത്. ഗ്രൂ​പ്പ് എ​ച്ചി​ൽ ഒ​ന്നാ​മ​ന്മാ​രാ​യാ​ണ് സ്പെ​യി​ൻ ലോ​ക​ക​പ്പ് പ്ര​യാ​ണം ആ​രം​ഭി​ച്ച​തെ​ങ്കി​ലും കാ​ര്യ​ങ്ങ​ൾ അ​ത്ര സു​ഗ​മ​മാ​യി​രു​ന്നി​ല്ല. ഉ​ദ്ഘാ​ട​ന മ​ത്സ​ര​ത്തി​ൽ അ​പ്ര​തീ​ക്ഷി​ത കു​തി​പ്പ് ന​ട​ത്തി​യ കേ​പ് വെ​ർ​ദെ അ​വ​രെ ഗോ​ളി​ല്ലാ സ​മ​നി​ല​യി​ൽ ത​ള​ച്ചു. എ​ന്നാ​ൽ, സൗ​ദി അ​റേ​ബ്യ​ക്കെ​തി​രേ ഉ​ണ​ർ​ന്നു നാ​ല് ഗോ​ളു​ക​ൾ അ​ടി​ച്ചുകൂ​ട്ടി. ഒ​ടു​വി​ൽ ക​ടു​ത്ത പോ​രാ​ട്ടം ന​ട​ത്തി​യ ഉ​റു​ഗ്വേ​യെ 1-0ന് ​പ​രാ​ജ​യ​പ്പെ​ടു​ത്തി ഗ്രൂ​പ്പ് ഘ​ട്ടം മി​ക​ച്ച രീ​തി​യി​ൽ അ​വ​സാ​നി​പ്പി​ച്ചു.

റൗ​ണ്ട് ഓ​ഫ് 32ൽ ​ഓ​സ്ട്രി​യ​യെ 3-0ന് ​ത​ക​ർ​ത്ത് സ്പെ​യി​ൻ സു​ഖ​ക​ര​മാ​യി മു​ന്നേ​റി. എ​ന്നാ​ൽ, തു​ട​ർ​ന്നു​ള്ള ര​ണ്ട് റൗ​ണ്ടു​ക​ളി​ലും യൂ​റോ​പ്യ​ൻ എ​തി​രാ​ളി​ക​ളു​ടെ ക​ടു​പ്പം മ​റി​ക​ട​ക്കാ​ൻ അ​വ​ർ​ക്ക് മൈ​ക്ക​ൽ മെ​റി​നോ​യു​ടെ അ​വ​സാ​ന നി​മി​ഷ വി​ജ​യ​ഗോ​ളു​ക​ൾ വേ​ണ്ടി​വ​ന്നു. റൗ​ണ്ട് ഓ​ഫ് 16ൽ ​പോ​ർ​ച്ചു​ഗ​ലി​നെ​തി​രേ (1-0) ആ​യി​രു​ന്നു മെ​റി​നോ​യു​ടെ ആ​ദ്യ ഗോ​ൾ. പി​ന്നാ​ലെ ബെ​ൽ​ജി​യ​ത്തി​നെ​തി​രാ​യ മ​ത്സ​ര​ത്തി​ൽ (2-1) വീ​ണ്ടു​മൊ​രു അ​വ​സാ​ന നി​മി​ഷ വി​ജ​യം. ടൂ​ർ​ണ​മെ​ന്‍റി​ൽ സ്പെ​യി​ൻ ഇ​തു​വ​രെ വ​ഴ​ങ്ങി​യ ഏ​ക ഗോ​ൾ.

ഓ​രോ മ​ത്സ​രം ക​ഴി​യു​ന്തോ​റും സ്പെ​യി​ൻ മെ​ച്ച​പ്പെ​ട്ടു​കൊ​ണ്ടി​രി​ക്കു​ന്നു. ഫ്രാ​ൻ​സി​നെ​തി​രാ​യ മ​ത്സ​രം അ​വ​രി​ലെ ചാ​മ്പ്യ​നെ പു​റ​ത്തു​കൊ​ണ്ടു​വ​ന്നു. ആ​ദ്യ​മാ​യി ഫൈ​ന​ലി​ലെ​ത്തി കി​രീ​ടം ചൂ​ടി​യ 2010ലെ ​ദ​ക്ഷി​ണാ​ഫ്രി​ക്ക​ൻ ലോ​ക​ക​പ്പി​ന് ശേ​ഷം മ​റ്റൊ​രു ഫൈ​ന​ൽ.

മ​റു​ഭാ​ഗ​ത്ത്, ആ​വേ​ശ​ക്ക​ട​ലി​ലൂ​ടെ​യാ​ണ് അ​ർ​ജ​ന്‍റീ​ന​യു​ടെ യാ​ത്ര. സ്വ​പ്ന​സ​മാ​നം, ഇ​തി​ഹാ​സ​തു​ല്യം എ​ന്നൊ​ക്കെ വി​ശേ​ഷി​പ്പി​ക്കാം. എ​ത്ര ഗോ​ൾ സ്വ​ന്തം വ​ല​യി​ൽ വീ​ണാ​ലും അ​തി​ല​പ്പു​റം എ​തി​ർ​വ​ല​യി​ൽ അ​ടി​ച്ചു​കൂ​ട്ടാ​നും അ​ടി​പ്പി​ക്കാ​നും കെ​ൽ​പ്പു​ള്ള മെസി അ​സാ​ധ്യ ഫോ​മി​ലാ​ണ്. തു​ട​ർ​ച്ച​യാ​യ ര​ണ്ടാം ലോ​ക​ക​പ്പ് ഫൈ​ന​ലാ​ണ​വ​ർ​ക്ക്. ച​രി​ത്ര​ത്തി​ലെ ഏ​ഴാം ഫൈ​ന​ലും. അ​ർ​ജ​ന്‍റീ​ന​യു​ടെ വ​ഴി ക​ഠി​ന​മെ​ങ്കി​ലും ആ​വേ​ശ​ഭ​രി​ത​മാ​യി​രു​ന്നു. ഗ്രൂ​പ്പി​ൽ മൂ​ന്നു വി​ജ​യ​ങ്ങ​ളോ​ടെ തു​ട​ക്കം. മെ​സി ഈ ​ടൂ​ർ​ണ​മെ​ന്‍റി​ൽ മാ​ത്രം ഇ​തു​വ​രെ എ​ട്ടു ഗോ​ളു​ക​ളും ത​ന്‍റെ ലോ​ക​ക​പ്പ് ക​രി​യ​റി​ലാ​കെ 21 ഗോ​ളു​ക​ളും നേ​ടി​ക്ക​ഴി​ഞ്ഞു.

മെ​സി​യു​ടെ ഹാ​ട്രി​ക് മി​ക​വി​ൽ അ​ൾ​ജീ​രി​യ​യെ 3-0നും, ​മെ​സി​യു​ടെ​ത​ന്നെ ര​ണ്ട് ഗോ​ളു​ക​ളു​ടെ ക​രു​ത്തി​ൽ ഓ​സ്ട്രി​യ​യെ 2-0നും ​അ​ർ​ജ​ന്‍റീ​ന പ​രാ​ജ​യ​പ്പെ​ടു​ത്തി. തു​ട​ർ​ന്ന് ജോ​ർ​ദാ​നെ​തി​രെ 3-1 ന് ​വി​ജ​യം നേ​ടി​യ​പ്പോ​ഴും മെ​സി​യു​ടെ ഒ​രു ഗോ​ൾ ഉ​ണ്ടാ​യി​രു​ന്നു. അ​ങ്ങ​നെ ഗ്രൂ​പ്പ് ഘ​ട്ട​ത്തി​ൽ പൂ​ർ​ണാ​ധി​പ​ത്യം. നോ​ക്കൗ​ട്ട് റൗ​ണ്ടു​ക​ളി​ൽ കാ​ര്യ​ങ്ങ​ൾ കൂ​ടു​ത​ൽ ക​ഠി​ന​മാ​യി. റൗ​ണ്ട് ഓ​ഫ് 32ൽ ​കേ​പ് വെ​ർ​ദെ​യു​ടെ ക​ന​ത്ത വെ​ല്ലു​വി​ളി. ക​ളി അ​ധി​ക സ​മ​യ​ത്തേ​ക്ക് നീ​ണ്ടു. 3-2ന് ​കൊ​ച്ചു​ദാ​വീ​ദി​നെ മ​റി​ക​ട​ക്കാ​ൻ ല​യ​ണ​ൽ സ്ക​ലോ​ണി​യു​ടെ സം​ഘ​ത്തി​ന് ന​ന്നാ​യി വി​യ​ർ​പ്പൊ​ഴു​ക്കേ​ണ്ടി വ​ന്നു.

റൗ​ണ്ട് ഓ​ഫ് 16ലാ​ക​ട്ടെ നാ​ട​കീ​യ​ത ഉ​ച്ചി​യി​ൽ ക​യ​റി. ഈ​ജി​പ്തി​നെ​തി​രേ 79-ാം മി​നി​റ്റ് വ​രെ 0-2ന് ​പു​റ​കി​ൽ. അ​വ​സാ​ന നി​മി​ഷ​ങ്ങ​ളി​ൽ അ​വി​ശ്വ​സ​നീ​യ​മാ​യ തി​രി​ച്ചു​വ​ര​വ്. 3-2 ന് ​വി​ജ​യം പി​ടി​ച്ച​ട​ക്കു​ക​യും ചെ​യ്തു. ക്വാ​ർ​ട്ട​ർ ഫൈ​ന​ലി​ൽ സ്വി​റ്റ്സ​ർ​ല​ൻ​ഡു​മാ​യി ക​ട്ട​ക്ക​ട്ട പോ​രാ​ട്ടം. സ്കോ​ർ 1-1ൽ ​നി​ൽ​ക്കേ എ​തി​രാ​ളി​ക​ൾ 10 പേ​രാ​യി​ട്ടും ജ​യി​ക്കാ​ൻ അ​ധി​ക​സ​മ​യം വേ​ണ്ടി​വ​ന്നു. ജൂ​ലി​യ​ൻ ആ​ൽ​വ​രെ​സി​ന്‍റെ ഉ​ജ്വ​ല ഗോ​ളാ​ണ് സ്വി​സ് പ്ര​തി​രോ​ധം ത​ക​ർ​ത്ത​ത്. ഒ​പ്പം ലൗ​താ​രൊ മാ​ർ​ട്ടി​നെ​സ് മൂ​ന്നാ​മ​തൊ​രു ഗോ​ൾ കൂ​ടി നേ​ടി വി​ജ​യം ഉ​റ​പ്പി​ച്ചു.

സെ​മി ഫൈ​ന​ലി​ലും നാ​ട​കീ​യ​ത ഒ​ട്ടും കു​റ​ഞ്ഞി​ല്ല. ര​ണ്ടാം പ​കു​തി​യു​ടെ തു​ട​ക്ക​ത്തി​ൽ ആ​ന്‍റ​ണി ഗോ​ർ​ഡ​നി​ലൂ​ടെ ലീ​ഡ് നേ​ടി ഇം​ഗ്ല​ണ്ട് വി​ജ​യം ഉ​റ​പ്പി​ച്ച മ​ട്ടി​ലാ​യി​രു​ന്നു. എ​ന്നാ​ൽ, എ​ൻ​സോ ഫെ​ർ​ണാ​ണ്ട​സി​ന്‍റെ ലോം​ഗ് റേ​ഞ്ച് അ​വ​രു​ടെ നെ​ഞ്ചി​ൽ ഇ​ടി​വാ​ളാ​യി മി​ന്നി. പ​ക​ര​ക്കാ​ര​നാ​യി ഇ​റ​ങ്ങി​യ ലൗ​താരോ മാ​ർ​ട്ടി​നെ​സി​ന്‍റെ ഹെ​ഡ​ർ ഇം​ഗ്ല​ണ്ട് ഹൃ​ദ​യം പി​ള​ർ​ക്കു​ക​യും ചെ​യ്തു. ര​ണ്ടു ഗോ​ളും വ​ന്ന​ത് മെ​സി മാ​ന്ത്രി​ക​ത്തി​ലൂ​ടെ.

1966ൽ ​വി​ല്ല പാ​ർ​ക്കി​ലാ​യി​രു​ന്നു ഇ​തി​നു മു​മ്പ​ത്തെ ഏ​ക സ്പെ​യി​ൻ - അ​ർ​ജ​ന്‍റീ​ന ലോ​ക​ക​പ്പ് പോ​രാ​ട്ടം. ഗ്രൂ​പ്പ് ഘ​ട്ട​ത്തി​ലെ ഉ​ദ്ഘാ​ട​ന മ​ത്സ​ര​മാ​യി​രു​ന്നു അ​ത്. ര​ണ്ടാം പ​കു​തി​യി​ൽ പി​റ​ന്ന ഗോ​ളു​ക​ളു​ടെ ബ​ല​ത്തി​ൽ അ​ർ​ജ​ന്‍റീ​ന 2-1ന് ​ജ​യി​ച്ചു. ര​ണ്ട് ഗോ​ളും നേ​ടി​യ​ത് സെ​ന്‍റ​ർ ഫോ​ർ​വേ​ഡ് ലൂ​യി​സ് ആ​ർ​ട്ടിം. മി​ഡ്ഫീ​ൽ​ഡ​ർ പി​രി​യാ​ണ് സ്പെ​യി​നി​നു വേ​ണ്ടി ഗോ​ൾ മ​ട​ക്കി​യ​ത്.

ഫു​ട്ബോ​ളി​ന്‍റെ പ്ര​ണ​യ​ക്ക​ട​ലി​ൽ‌ സ്പാ​നി​ഷ് പ​ട​ക്ക​പ്പ​ൽ അ​ർ​ജ​ന്‍റൈ​ൻ ടൈ​റ്റാ​നി​ക്കി​നെ മു​ക്കു​മോ? ജീ​വി​തം​പോ​ലെ പ്ര​വ​ച​നാ​തീ​ത​മാ​ണ് ഫു​ട്ബോ​ളും. അ​വ​സാ​ന​വി​സി​ൽ വ​രെ ആ​ർ​ക്കും മോ​ഹി​ക്കാം...

Tags : Spain x Argentina Final