22

സെ​പ്റ്റം​ബ​ര്‍ ഏ​ഴി​ന് ബ​ഹാ​മ​സി​ലെ ഗ്രേ​റ്റ് ഹാ​ര്‍​ബ​ര്‍ സി​റ്റി​യി​ല്‍​നി​ന്ന് മ​യാ​മി​ലേ​ക്ക് പ​റ​ക്കു​ക​യാ​യി​രു​ന്നു, അ​ഞ്ചു സീ​റ്റു​ള്ള പൈ​പ്പ​ര്‍ പി​എ 34 വി​മാ​നം. രാ​വി​ലെ പ​തി​നൊ​ന്നോ​ടെ ബാ​ഹാ​മ​സ് ദ്വീ​പു​ക​ളി​ലൊ​ന്നാ​യ അ​ന്‍​ഡ്രോ​സി​ന് പ​ടി​ഞ്ഞാ​റ് ക​ട​ലി​ല്‍ വീ​ണ് വി​മാ​ന​ത്തി​ലു​ണ്ടാ​യി​രു​ന്ന നാ​ലു പേ​രും മ​രി​ച്ച സം​ഭ​വം, അ​മേ​രി​ക്ക​യ്ക്ക് പു​റ​ത്ത് ഏ​റെ​യൊ​ന്നും റി​പ്പോ​ര്‍​ട്ട് ചെ​യ്യ​പ്പെ​ടു​മാ​യി​രു​ന്നി​ല്ല, അ​പ​ക​ട​മു​ണ്ടാ​യ സ്ഥ​ലം അ​താ​യി​രു​ന്നി​ല്ലെ​ങ്കി​ല്‍.

ബ​ര്‍​മു​ഡ ദ്വീ​പ്, അ​മേ​രി​ക്ക​യു​ടെ കി​ഴ​ക്കേ തീ​ര​ത്തു​ള്ള ഫ്ളോ​റി​ഡ, മ​യാ​മി​ക്ക് 1600 കി.​മീ‍ തെ​ക്കു കി​ഴ​ക്കു​ള്ള ക​രീ​ബി​യ​ന്‍ ദ്വീ​പ്, പോ​ര്‍​ട്ടോ റീ​ക്കോ ഈ ​മൂ​ന്നി​നും ഇ​ട​യി​ല്‍, ബ​ര്‍​മു​ഡ ട്ര​യാ​ങ്കി​ള്‍ എ​ന്നു വി​ളി​ക്കു​ന്ന വ​ട​ക്ക​ന്‍ അ​റ്റ്‌​ലാ​ന്‍റി​ക് പ്ര​ദേ​ശ​ത്തി​നു​ള്ളി​ലാ​ണ് ഈ ​ചെ​റു​വി​മാ​ന​വും അ​പ​ക​ട​ത്തി​ല്‍​പ്പെ​ട്ട​ത്. ആ ​മേ​ഖ​ല​യെ​പ്പ​റ്റി കാ​ലാ​കാ​ല​ങ്ങ​ളാ​യു​ള്ള ഭീ​തി​ക​ളും കേ​ട്ടു​കേ​ഴ്‌​വി​ക​ളും ക​ഥ​ക​ളു​മാ​ണ് അ​പ​ക​ടം വീ​ണ്ടും വാ​ര്‍​ത്ത​ക​ളി​ല്‍ ഇ​ടം​പി​ടി​ക്കാ​ൻ കാ​ര​ണം.

1950 സെ​പ്റ്റം​ബ​ര്‍ 17ന് ​മ​യാ​മി ഹെ​റാ​ള്‍​ഡ് പ​ത്ര​ത്തി​ല്‍, അ​സോ​സി​യേ​റ്റ​ഡ് പ്ര​സ് ലേ​ഖ​ക​ൻ എ​ഡ്വാ​ര്‍​ഡ് വാ​ന്‍ വി​ങ്കി​ള്‍ ജോ​ണ്‍​സ് എ​ഴു​തി​യ ഒ​രു ലേ​ഖ​ന​മാ​ണ്, പ്ര​ദേ​ശ​ത്തെ​പ്പ​റ്റി​യു​ള്ള ഭീ​തി​ക​ള്‍​ക്ക് ലി​ഖി​ത​രൂ​പം കൊ​ടു​ത്ത​തെ​ങ്കി​ലും നാ​ല്‍​പ്പ​തു​ക​ള്‍ മു​ത​ല്‍ സ​മു​ദ്ര​സ​ഞ്ചാ​രി​ക​ളു​ടെ​യും വൈ​മാ​നി​ക​രു​ടെ​യും ഇ​ട​യി​ല്‍ പ്ര​ച​രി​ച്ചി​രു​ന്ന അ​നേ​കം ക​ഥ​ക​ളു​ടെ കേ​ന്ദ്ര​മാ​യി​രു​ന്നു ബ​ര്‍​മു​ഡ ത്രി​കോ​ണം. 1945 ജൂ​ലൈ 10ന് ​അ​മേ​രി​ക്ക​ന്‍ നാ​വി​ക​സേ​ന​യു​ടെ പി​ബി​എം 3 സി ​മ​റീ​ന​ര്‍, ബ്യൂ​ണോ 6545 വി​മാ​നം പ​രി​ശീ​ല​ന​പ്പ​റ​ക്ക​ലി​നി​ടെ, ബ​ഹാ​മാ​സി​ലെ പ്രോ​വി​ഡ​ന്‍​സ് ദ്വീ​പി​നു സ​മീ​പം 12 പേ​രു​മാ​യി കാ​ണാ​താ​യ​താ​ണ് ബ​ര്‍​മു​ഡ അ​പ​ക​ട​ങ്ങ​ളു​ടെ തു​ട​ക്ക​മെ​ന്നു ക​രു​തു​ന്നു. പി​ന്നീ​ട് അ​പ​ക​ട​ങ്ങ​ളു​ടെ പ​ര​മ്പ​ര​യാ​യി​രു​ന്നു.

ക​പ്പ​ലു​ക​ളും വി​മാ​ന​ങ്ങ​ളും ഒ​രേ​പോ​ലെ അ​പ​ക​ട​ത്തി​ല്‍​പ്പെ​ട്ടി​ട്ടു​ള്ള ഈ ​മേ​ഖ​ല​യി​ലെ അ​പ​ക​ട​ങ്ങ​ളു​ടെ കൃ​ത്യ​മാ​യ നാ​ളും തീ​യ​തി​യും വി​വ​ര​ങ്ങ​ളു​മെ​ല്ലാം സൂ​ക്ഷി​ക്ക​പ്പെ​ട്ടി​ട്ടു​ള്ള​ത് വി​മാ​ന​ങ്ങ​ളു​ടെ കാ​ര്യ​ത്തി​ലാ​ണ്. നാ​ല്‍​പ​തു​ക​ളി​ല്‍ ആ​റ് വി​മാ​നാ​പ​ക​ട​ങ്ങ​ള്‍, അ​ന്‍​പ​തു​ക​ളി​ല്‍ നാ​ല്, അ​റു​പ​തു​ക​ളി​ല്‍ 19, എ​ഴു​പ​തു​ക​ളി​ല്‍ 27, എ​ണ്‍​പ​തു​ക​ളി​ല്‍ 23, തൊ​ണ്ണൂ​റു​ക​ളി​ല്‍ 13, 2000 മു​ത​ല്‍ 2009 വ​രെ ആ​റ്, 2010 മു​ത​ല്‍ 2019 വ​രെ മൂ​ന്ന്, 2020 മു​ത​ല്‍ ഇ​ക്കൊ​ല്ലം ഇ​തേ​വ​രെ മൂ​ന്ന്. ഇ​താ​ണ് അ​പ​ക​ട​ങ്ങ​ളു​ടെ, അ​ല്ലെ​ങ്കി​ല്‍, കാ​ണാ​താ​ക​ലു​ക​ളു​ടെ എ​ണ്ണം.

അ​വ​ശി​ഷ്‌‌​ടം​പോ​ലും ക​ണ്ടെ​ത്താ​നാ​കാ​തെ​പോ​യ വി​മാ​ന​ങ്ങ​ളും ക​ഴി​ഞ്ഞ ഏ​ഴാം തീ​യ​തി​യി​ലെ അ​പ​ക​ടം പോ​ലെ മ​രി​ച്ച​വ​രു​ടെ ശ​രീ​ര​ങ്ങ​ള്‍ ക​ട​ലി​ല്‍​നി​ന്നു കി​ട്ടു​ക​യും അ​വ​ശി​ഷ്‌​ട​ങ്ങ​ള്‍ ക​ണ്ടെ​ത്താ​നാ​കാ​തെ വ​രി​ക​യും ചെ​യ്യു​ന്ന അ​പ​ക​ട​ങ്ങ​ളും ഇ​ക്കൂ​ട്ട​ത്തി​ലു​ണ്ട്. വി​ശ​ക​ല​ന​ത്തി​ലേ​ക്കു വ​രും​മു​മ്പ്, ഏ​ഴാം തീ​യ​തി​യി​ലെ അ​പ​ക​ടം എ​ങ്ങ​യാ​ണ് ഉ​ണ്ടാ​യ​തെ​ന്നു​കൂ​ടി നോ​ക്കാം.

നാ​ല്‍​പ​തു കൊ​ല്ലം പൈ​ല​റ്റ് പ​രി​ച​യ​മു​ണ്ടാ​യി​രു​ന്ന മ​രി​യോ ലാ​മ​ര്‍ സീ​നി​യ​ര്‍ എ​ന്ന എ​ണ്‍​പ​തു​കാ​ര​ന്‍ പ​റ​ത്തി​യി​രു​ന്ന വി​മാ​ന​ത്തി​ല്‍ അ​ദ്ദേ​ഹ​ത്തി​ന്‍റെ ഭാ​ര്യ ലി​ലി, കൊ​ച്ചു​മ​ക്ക​ൾ സോ​ഫി സോ​സ, ക്രി​സ്റ്റി​യ​ന്‍ സോ​സ എ​ന്നി​വ​രാ​യി​രു​ന്നു യാ​ത്ര​ക്കാ​ര്‍. ബ​ഹാ​മ​സി​ലെ ബെ​റി ഐ​ല​ന്‍​ഡ്സി​ലെ ഗ്രേ​റ്റ് ഹാ​ര്‍​ബ​ര്‍ കേ​യി​ലു​ള്ള വീ​ട്ടി​ല്‍​നി​ന്ന് മ​യാ​മി​യി​ലേ​ക്കാ​യി​രു​ന്നു യാ​ത്ര. എ​ന്‍ 212 എം​എ​ല്‍ റ​ജി​സ്ട്രേ​ഷ​നു​ള്ള പൈ​പ്പ​ര്‍ പി​എ 34 വി​മാ​നം രാ​വി​ലെ 10.12നാ​ണ് ടേ​ക്കോ​ഫ് ചെ​യ്ത​ത്. അ​ന്‍​ഡ്രോ​സ് ദ്വീ​പി​ന് 20 കി.​മീ പ​ടി​ഞ്ഞാ​റ്്, രാ​വി​ലെ 11.04ന് ​വി​മാ​നം റ​ഡാ​റി​ല്‍​നി​ന്ന് അ​പ്ര​ത്യ​ക്ഷ​മാ​യി. റോ​യ​ല്‍ ബ​ഹാ​മ​സ് ഡി​ഫ​ന്‍​സ് ഫോ​ഴ്സ്, ബ​ഹാ​മ​സ് എ​യ​ര്‍ റ​സ്ക്യൂ അ​സോ​സി​യേ​ഷ​ന്‍, യു​എ​സ് കോ​സ്റ്റ് ഗാ​ര്‍​ഡ് എ​ന്നി​വ​ര്‍ ന​ട​ത്തി​യ തെ​ര​ച്ചി​ലി​ല്‍ പി​ന്നീ​ട് കു​ടും​ബാം​ഗ​ങ്ങ​ളും ബോ​ട്ടു​ക​ളി​ല്‍ പ​ങ്കു​ചേ​ര്‍​ന്നു. മൃ​ത​ദേ​ഹ​ങ്ങ​ൾ‌ ‍ കി​ട്ടി​യെ​ങ്കി​ലും വി​മാ​ന അ​വ​ശി​ഷ്‌​ട​ങ്ങ​ളൊ​ന്നും ക​ണ്ടെ​ടു​ക്കാ​നാ​യി​ല്ല.

ബ​ര്‍​മു​ഡ ട്ര​യാ​ങ്കി​ളി​ല്‍ എ​ണ്‍​പ​തു കൊ​ല്ല​മാ​യി ഉ​ണ്ടാ​യ അ​പ​ക​ട​ങ്ങ​ളു​ടെ കൂ​ട്ട​ത്തി​ല്‍ ഒ​ന്നു​കൂ​ടി എ​ന്ന് മാ​ധ്യ​മ​ങ്ങ​ള്‍ ഈ ​സം​ഭ​വ​ത്തെ വി​ശേ​ഷി​പ്പി​ക്കു​ന്ന​തി​ല്‍ അ​ദ്ഭു​തം ഇ​ല്ല. വ​സ്തു​ത​ക​ള്‍ കൃ​ത്യ​മാ​യി പ​രി​ശോ​ധി​ച്ചാ​ല്‍, ഈ ​സ​മു​ദ്ര​പ്ര​ദേ​ശ​ത്തു​ണ്ടാ​യി​ട്ടു​ള്ള വി​മാ​ന, ക​പ്പ​ല്‍ അ​പ​ക​ട​ങ്ങ​ളെ ത​മ്മി​ല്‍ കൃ​ത്യ​മാ​യി ബ​ന്ധി​പ്പി​ക്കു​ന്ന പൊ​തു​ഘ​ട​ക​ങ്ങ​ള്‍ ഏ​റെ​യൊ​ന്നും ഇ​ല്ലെ​ന്ന​താ​ണ് വാ​സ്ത​വം. ബ​ര്‍​മു​ഡ ട്ര​യാ​ങ്കി​ള്‍ പ്ര​ദേ​ശ​ത്തി​നു കൃ​ത്യ​മാ​യ അ​തി​രു​ക​ളും ആ​രും നി​ര്‍​വ​ചി​ച്ചി​ട്ടി​ല്ല.

മ​രി​യോ ലാ​മ​റി​ന്‍റെ വി​മാ​നം അ​പ​ക​ട​ത്തി​ല്‍​പ്പെ​ട്ട സ​മ​യ​ത്തു​ണ്ടാ​യി​രു​ന്ന​തു​പോ​ലെ, ന​ല്ല കാ​റ്റും മ​ഴ​യും ഇ​ടി​മി​ന്ന​ലു​മു​ള്ള​പ്പോ​ഴാ​ണ് പ​ല അ​പ​ക​ട​ങ്ങ​ളും ഉ​ണ്ടാ​യി​ട്ടു​ള്ള​ത്. ക്യു​മി​ലോ നി​മ്പ​സ് എ​ന്ന മ​ഴ​മേ​ഘ കൂ​മ്പാ​ര​ങ്ങ​ളി​ല്‍ പെ​ട്ടു​പോ​കു​ന്ന വി​മാ​ന​ങ്ങ​ള്‍ ര​ക്ഷ​പ്പെ​ടു​ക. പ്ര​യാ​സ​മു​ള്ള കാ​ര്യ​മാ​ണ്. വി​മാ​ന​ങ്ങ​ളു​ടെ പ​ല വി​ധ ത​ക​രാ​റു​ക​ള്‍, പ​റ​ത്തി​യി​രു​ന്ന​വ​ര്‍​ക്കു പ​റ്റി​യ പി​ഴ​വു​ക​ള്‍, വ്യോ​മ​ഗ​താ​ഗ​ത നി​യ​ന്ത്ര​ക​രു​ടെ നി​ര്‍​ദ്ദേ​ശ​ങ്ങ​ളി​ല്‍ വ​ന്ന പാ​ളി​ച്ച​ക​ള്‍ അ​ങ്ങി​നെ പ​ല കാ​ര​ണ​ങ്ങ​ളും ഈ ​മേ​ഖ​ല​യി​ലെ അ​പ​ക​ട​ങ്ങ​ള്‍​ക്കു പി​ന്നി​ലു​ണ്ട്. ഇ​ക്ക​ഴി​ഞ്ഞ സം​ഭ​വ​ത്തി​ലെ​പ്പോ​ലെ അ​വ​ശി​ഷ്‌​ട​ങ്ങ​ള്‍ ക​ണ്ടു​കി​ട്ടാ​തി​രി​ക്കു​ന്ന​ത് ദു​രൂ​ഹ​ത തോ​ന്നി​പ്പി​ക്കു​മെ​ങ്കി​ലും ക​ട​ലി​ല്‍​നി​ന്ന് വി​മാ​ന​ങ്ങ​ള്‍ വീ​ണ്ടെ​ടു​ത്ത സം​ഭ​വ​ങ്ങ​ളും ഒ​ട്ടേ​റെ​യു​ണ്ട്. മു​ൻ​പു പ​റ​ഞ്ഞ അ​സോ​സി​യേ​ഡ് പ്ര​സ് വാ​ര്‍​ത്താ ഏ​ജ​ന്‍​സി ലേ​ഖ​ന​ത്തി​ല്‍, ഫ്ളോ​റി​ഡ, ബ​ര്‍​മു​ഡ, പോ​ര്‍​ട്ടോ റീ​ക്കോ എ​ന്നി​വ അ​തി​രി​ടു​ന്ന ക​ട​ല്‍​പ്ര​ദേ​ശം എ​ന്ന് ഒ​ഴു​ക്ക​ന്‍​മ​ട്ടി​ല്‍ പ​റ​ഞ്ഞു പോ​കു​ന്ന​തേ​യു​ള്ളൂ.

പി​ല്‍​ക്കാ​ല​ത്ത് മ​യാ​മി, സാ​ന്‍ ജു​വാ​ന്‍, ബെ​ര്‍​മു​ഡ എ​ന്നി​ങ്ങ​നെ, ബ​ര്‍​മു​ഡ ത്രി​കോ​ണ മൂ​ല​ക​ള്‍ പ​രി​ഷ്ക​രി​ക്ക​പ്പെ​ടു​ക​യും ചെ​യ്തു. ഈ ​സ​മു​ദ്ര​മേ​ഖ​ല​യു​ടെ വി​സ്തീ​ർ​ണം 1.3 ച.​കി.​മീ‍ മു​ത​ല്‍ 3.9 ച.​കി.​മീ ‍ വ​രെ​യു​ള്ള ക​ണ​ക്കു​ക​ള്‍ നി​ല​വി​ലു​ണ്ട്. അ​തി​ര്‍​ത്തി​ക​ളെ​പ്പ​റ്റി​യു​ള്ള അ​വ്യ​ക്ത​ത കാ​ര​ണം, ഒ​രു അ​പ​ക​ട​മു​ണ്ടാ​യാ​ല്‍ അ​ത് ബ​ര്‍​മു​ഡ ട്ര​യാ​ങ്കി​ളി​ന്‍റെ ഉ​ള്ളി​ലാ​ണോ പു​റ​ത്താ​ണോ ഉ​ണ്ടാ​യ​തെ​ന്ന് കൃ​ത്യ​മാ​യി പ​റ​യാ​നാ​വി​ല്ല.

നാ​ല്‍​പ്പ​തു​ക​ള്‍ മു​ത​ല്‍ ഇ​ന്നേ​വ​രെ ഈ ​മേ​ഖ​ല​യി​ലു​ണ്ടാ​യ വി​മാ​നാ​പ​ക​ട​ങ്ങ​ളി​ല്‍ 20 എ​ണ്ണ​മെ​ങ്കി​ലും ദു​രൂ​ഹ​മാ​ണെ​ന്നും 50 ക​പ്പ​ല​പ​ക​ട​ങ്ങ​ള്‍​ക്ക് വി​ശ​ദീ​ക​ര​ണം ഇ​ല്ലെ​ന്നും പ​റ​യു​ന്നു​ണ്ടെ​ങ്കി​ലും, ആ ​അ​വ്യ​ക്ത​മാ​യ ക​ണ​ക്കി​ൽ​പ്പോ​ലും ക​ട​ലി​ന്‍റെ ഏ​തേ​ത് അ​തി​ര്‍​ത്തി​ക​ള്‍​ക്കു​ള്ളി​ലാ​ണ് സം​ഭ​വ​ങ്ങ​ള്‍ ഉ​ണ്ടാ​യ​തെ​ന്ന​തി​ന് കൃ​ത്യ​മാ​യ വി​വ​ര​ങ്ങ​ളി​ല്ല. പ്ര​കൃ​ത്യാ​തീ​ത ശ​ക്തി​ക​ള്‍ മു​ത​ല്‍, ഭൂ​മി​യു​ടെ കാ​ന്തി​ക​മ​ണ്ഡ​ല​ത്തി​ന്‍റെ പ്ര​ത്യേ​ക​ത​ക​ള്‍ വ​രെ വി​ശ​ദീ​ക​ര​ണ​ത്തി​ന് സാ​ധ്യ​ത​ക​ളാ​യി കൊ​ണ്ടു​വ​ന്നി​ട്ടു​ണ്ടെ​ങ്കി​ലും ഏ​റെ വ്യ​ത്യ​സ്ത​മാ​യ അ​പ​ക​ട​ങ്ങ​ള്‍ അ​ങ്ങ​നെ ഒ​രേ രീ​തി​യി​ല്‍ വി​ശ​ദീ​ക​രി​ക്കാ​ന്‍ എ​ളു​പ്പ​മ​ല്ല.

ബ​ര്‍​മു​ഡ ത്രി​കോ​ണ മേ​ഖ​ല​യി​ല്‍ ഒ​രു സ​മാ​ന്ത​ര പ്ര​പ​ഞ്ചം (പാ​ര​ല​ല്‍ യൂ​ണി​വേ​ഴ്സ്) നി​ല​വി​ലു​ണ്ടെ​ന്നും അ​ത് സ​മ​യ​കാ​ല​ങ്ങ​ളി​ലു​ണ്ടാ​ക്കു​ന്ന വ്യ​തി​ച​ല​ന​ങ്ങ​ളാ​ണ് വി​മാ​ന​ങ്ങ​ളെ​യും ക​പ്പ​ലു​ക​ളെ​യും വ​ലി​ച്ചെ​ടു​ത്തു കൊ​ണ്ടു​പോ​കു​ന്ന​തെ​ന്നു​മു​ള്ള സി​ദ്ധാ​ന്തം മു​ത​ല്‍, പു​രാ​ണ​ങ്ങ​ളി​ലും ഐ​തി​ഹ്യ​ങ്ങ​ളി​ലും പ​റ​യു​ന്ന അ​റ്റ്‌​ലാ​ന്‍റി​സ് എ​ന്ന, ന​ഷ്‌​ട​പ്പെ​ട്ടു​പോ​യ ന​ഗ​രം ക​ട​ലി​ല്‍ ഈ ​ഭാ​ഗ​ത്താ​ണെ​ന്നും അ​തി​ന്‍റെ സ്വാ​ധീ​ന​വ​ല​യ​ത്തി​ലാ​ണ് ക​പ്പ​ലു​ക​ളും (വി​മാ​ന​ങ്ങ​ളും) അ​പ​ക​ട​ത്തി​ല്‍​പ്പെ​ടു​ന്ന​തെ​ന്നു​മു​ള്ള ‍ ഭൗ​മി​ക​മാ​യ വി​ശ​ദീ​ക​ര​ണം​വ​രെ ഉ​ണ്ടാ​യി​ട്ടു​ണ്ട്.

യാ​ഥാ​ര്‍​ഥ്യ​ത്തോ​ട് അ​ടു​ത്തു​നി​ല്‍​ക്കു​ന്ന​തെ​ന്നു തോ​ന്നി​ക്കു​ന്ന മ​റ്റൊ​രു വി​ശ​ദീ​ക​ര​ണ​മാ​ണ് ഭൂ​മി​യു​ടെ കാ​ന്തി​ക​മ​ണ്ഡ​ല​ത്തി​ലെ വ്യ​തി​ച​ല​ന​ങ്ങ​ള്‍. ഈ ​പ്ര​ദേ​ശ​ത്ത് ഭൗ​മ​കാ​ന്തി​ക മ​ണ്ഡ​ല​ത്തി​ന് ചെ​റി​യ താ​ള​പ്പി​ഴ​ക​ളു​ണ്ടെ​ന്നും വി​മാ​ന​ങ്ങ​ളു​ടേ​യും ക​പ്പ​ലു​ക​ളു​ടേ​യും ഗ​തി നി​യ​ന്ത്രി​ക്കു​ന്ന സം​വി​ധാ​ന​ങ്ങ​ള്‍ അ​വ​താ​ള​ത്തി​ലാ​കു​ന്നു എ​ന്നു​മാ​ണ് വി​ശ​ദീ​ക​ര​ണ​ങ്ങ​ള്‍.

ഫ്ളോ​റി​ഡ​യ്ക്കു സ​മീ​പ​ത്തു​നി​ന്ന് അ​റ്റ്‌​ലാ​ന്‍റി​ക് സ​മു​ദ്ര​ത്തി​ലേ​ക്കു​ള്ള ഗ​ള്‍​ഫ് സ്ട്രീം ​എ​ന്ന സ​മു​ദ്ര​ജ​ല​പ്ര​വാ​ഹ​മാ​ണ് അ​പ​ക​ട​മു​ണ്ടാ​ക്കു​ന്ന​തെ​ന്ന സി​ദ്ധാ​ന്ത​വും ഉ​ണ്ടെ​ങ്കി​ലും അ​ത് വി​മാ​നാ​പ​ക​ട​ങ്ങ​ളെ വി​ശ​ദീ​ക​രി​ക്കു​ന്നി​ല്ല എ​ന്നൊ​രു പ​രി​മി​തി​യു​ണ്ട്. ഈ ​ഭൂ​പ്ര​ദേ​ശ​ത്തെ, അ​ല്ലെ​ങ്കി​ല്‍ സ​മു​ദ്ര​പ്ര​ദേ​ശ​ത്തെ, പ്ര​ക്ഷു​ബ്ധ​മാ​യ കാ​ലാ​വ​സ്ഥ​യാ​ണ് എ​ല്ലാ​റ്റി​നും കാ​ര​ണ​മെ​ന്ന് പ്ര​ശ്ന​ത്തെ ല​ളി​ത​വ​ത്ക​രി​ക്കു​ന്ന​വ​രു​മു​ണ്ട്. കാ​റ്റി​ലും കോ​ളി​ലും പെ​ട്ടാ​ല്‍ ക​പ്പ​ലു​ക​ളും വി​മാ​ന​ങ്ങ​ളും ഒ​രേ​പോ​ലെ അ​പ​ക​ട​ത്തി​ല്‍​പ്പ​ടാ​ന്‍ സാ​ധ്യ​ത ഏ​റെ​യ​ല്ലേ എ​ന്ന​താ​ണ് ചോ​ദ്യം.

Tags : Mystery maritime Sunday Deepika