സ​നു സി​റി​യ​ക്

ന്യൂ​ഡ​ൽ​ഹി: രാ​ജ്യ​ത്തെ ന​ടു​ക്കി​യ പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ൽ പാ​ക്കി​സ്ഥാ​ന്‍റെ പ​ങ്ക് കൂ​ടു​ത​ൽ തെ​ളി​യു​ന്ന​താ​യി ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ​ഐ​എ ) വൃ​ത്ത​ങ്ങ​ൾ.

പാ​ക്കി​സ്ഥാ​ൻ ആ​സ്ഥാ​ന​മാ​യു​ള്ള ഭീ​ക​ര സം​ഘ​ട​ന ല​ഷ്ക​ർ ഇ ​തൊ​യ്ബ (എ​ൽ​ഇ​ടി), പാ​ക്കി​സ്ഥാ​ൻ ചാ​ര​സം​ഘ​ട​ന ഐ​എ​സ്ഐ, പാ​ക്കി​സ്ഥാ​ൻ സൈ​ന്യം തു​ട​ങ്ങി​യ​വ​യു​ടെ പ​ങ്കാ​ളി​ത്തം തീ​വ്ര​വാ​ദ​ത്തി​ന് പി​ന്നി​ലു​ണ്ടെ​ന്ന് എ​ൻ​ഐ​എ യു​ടെ പ്രാ​ഥ​മി​ക റി​പ്പോ​ർ​ട്ടി​ൽ സ്ഥി​രീ​ക​രി​ച്ച​താ​യി ദേ​ശീ​യ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.

26 പേ​രു​ടെ മ​ര​ണ​ത്തി​ന് ഇ​ട​യാ​ക്കി​യ തീ​വ്ര​വാ​ദി​ക​ൾ​ക്ക് സ​ഹാ​യം ന​ൽ​കി​യ ഇ​രു​പ​തോ​ളം പ്ര​ദേ​ശ​വാ​സി​ക​ളെ അ​ന്വേ​ഷ​ണ സം​ഘം തി​രി​ച്ച​റി​ഞ്ഞു. ഇ​വ​രെ ചോ​ദ്യം​ചെ​യ്ത് വ​രി​ക​യാ​ണ്.

2023ൽ ​ജ​മ്മു​വി​ലെ ഭാ​ട്ട ധൂ​രി​യ​ൻ മേ​ഖ​ല​യി​ൽ സൈ​നി​ക വാ​ഹ​ന​ങ്ങ​ൾ​ക്കു നേരേയു​ണ്ടാ​യ ആ​ക്ര​മ​ണ​ത്തെ തു​ട​ർ​ന്ന് ജ​യി​ലി​ൽ ക​ഴി​യു​ന്ന ല​ഷ്ക​ർ ഇ ​തൊ​യ്ബ പ്ര​വ​ർ​ത്ത​ക​രാ​യ നി​സാ​ർ അ​ഹ​മ്മ​ദ് എ​ന്ന ഹാ​ജി, മു​ഷ്താ​ഖ് ഹു​സൈ​ൻ എ​ന്നി​വ​രെ ചോ​ദ്യം ചെ​യ്യാ​ൻ എ​ൻ​ഐ​എ ഒ​രു​ങ്ങു​ന്ന​താ​യും റി​പ്പോ​ർ​ട്ടു​ക​ളു​ണ്ട്.

പാ​ക്കി​സ്ഥാ​ന്‍റെ സ​മ്മ​ത​ത്തോ​ടു​കൂ​ടി ല​ഷ്ക​ർ ഇ ​തൊ​യ്ബ​യാ​ണ് ആ​ക്ര​മ​ണം ആ​സൂ​ത്ര​ണം ചെ​യ്ത​ത്. പ്ര​ധാ​ന പ്ര​തി​ക​ളെ​ന്ന് സം​ശ​യി​ക്കു​ന്ന ഹാ​ഷ്മി മൂ​സ, ത​ൽ​ഹ ഭാ​യ് എ​ന്നി​വ​ർ പാ​ക്കി​സ്ഥാ​ൻ പൗ​ര​ന്മാ​രാ​ണെ​ന്ന് ഇ​തി​നോ​ട​കം തി​രി​ച്ച​റി​ഞ്ഞി​ട്ടു​ണ്ട്.

ഭീ​ക​രാ​ക്ര​മ​ണം സം​ബ​ന്ധി​ച്ച ആ​ശ​യ​വി​നി​മ​യം പാ​ക്കി​സ്ഥാ​നു​മാ​യി ന​ട​ത്തി​യ​ത് ഇ​വ​രാ​ണെ​ന്നാ​ണ് എ​ൻ​ഐ​എ​യു​ടെ ക​ണ്ടെ​ത്ത​ലാ​യി ദേ​ശീ​യ മാ​ധ്യ​മ​ങ്ങ​ളു​ടെ റി​പ്പോ​ർ​ട്ട്. ആ​ക്ര​മ​ണം ന​ട​ക്കു​ന്ന​തി​ന് ആ​ഴ്ച​ക​ൾ​ക്ക് മു​ന്പ് ഭീ​ക​ര​ർ അ​തി​ർ​ത്തി വഴി നു​ഴ​ഞ്ഞു ക​യ​റി ഇ​ന്ത്യ​യി​ൽ എ​ത്തി. പ്രാ​ദേ​ശി​ക സ​ഹാ​യ​ത്തോ​ടെ ഇ​വ​ർ​ക്കു വേ​ണ്ട താ​മ​സ​സൗ​ക​ര്യം പ്ര​ദേ​ശ​ത്ത് ല​ഭ്യ​മാ​യി.


ഏ​പ്രി​ൽ 15ഓ​ടെ പ​ഹ​ൽ​ഗാ​മി​ലെ​ത്തി​യ ഭീ​ക​ര​ർ ബൈ​സ​ര​ൻ താഴ്‌വര, അ​രു താഴ്‌വര, ബേ​താ​ബ് താഴ്‌വര, ഒ​രു പ്രാ​ദേ​ശി​ക അ​മ്യൂ​സ്മെ​ന്‍റ് പാ​ർ​ക്ക് എ​ന്നി​ങ്ങ​നെ നാ​ല് മേ​ഖ​ല​ക​ളി​ൽ പ​രി​ശോ​ധ​ന ന​ട​ത്തി. താ​ര​ത​മ്യേ​ന സു​ര​ക്ഷാ സേ​ന​യു​ടെ സാ​ന്നി​ധ്യം കു​റ​വു​ള്ള ബൈ​സ​ര​ൻ താഴ്‌വര ആ​ക്ര​മ​ണ​ത്തി​നാ​യി തെ​ര​ഞ്ഞെ​ടു​ത്തു എ​ന്നു​മാ​ണ് റി​പ്പോ​ർ​ട്ടു​ക​ൾ.

ആ​ക്ര​മ​ണം ന​ട​ന്ന പ്ര​ദേ​ശ​ത്തു​നി​ന്ന് അ​ന്വേ​ഷ​ണ ഏ​ജ​ൻ​സി 40ല​ധി​കം വെ​ടി​യു​ണ്ട​ക​ൾ ക​ണ്ടെ​ടു​ത്തി​ട്ടു​ണ്ട്. അ​വ കൂ​ടു​ത​ൽ പ​രി​ശോ​ധ​ന​യ്ക്ക് അ​യ​ച്ചി​രി​ക്കു​ക​യാ​ണ്.

അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി പ്ര​ദേ​ശ​ത്തി​ന്‍റെ 3 ഡി ​മാ​പ്പിം​ഗ് ന​ട​ത്തു​ക​യും സ​മീ​പ​ത്തു​ള്ള മൊ​ബൈ​ൽ ട​വ​റു​ക​ളി​ൽ​നി​ന്ന് വി​വ​ര​ങ്ങ​ൾ ശേ​ഖ​രി​ക്കു​ക​യും ചെ​യ്തി​ട്ടു​ണ്ട്. ഇ​തോ​ടൊ​പ്പം സം​ഭ​വ​ത്തി​നു തൊ​ട്ടു​മു​ന്പു​ള്ള ദി​വ​സ​ങ്ങ​ളി​ൽ, ആ​ക്ര​മ​ണം ന​ട​ന്ന മേ​ഖ​ല​ക​ളി​ൽ സാറ്റലൈറ്റ്‌ ഫോ​ണു​ക​ളു​ടെ ഉ​പ​യോ​ഗം വ​ർ​ധി​ച്ച​താ​യി അ​ന്വേ​ഷ​ണ ഏ​ജ​ൻ​സി ക​ണ്ടെ​ത്തി​യ​താ​യി റി​പ്പോ​ർ​ട്ടു​ക​ളു​ണ്ട്.

ബൈ​സ​ര​ൻ പ്ര​ദേ​ശ​ത്തു മൂ​ന്ന് സാറ്റലൈറ്റ്‌ ഫോ​ണു​ക​ൾ പ്ര​വ​ർ​ത്തി​ച്ച​താ​യും എ​ൻ​ഐ​എ​യു​ടെ ക​ണ്ടെ​ത്ത​ലി​നെ ഉദ്ധരിച്ചു​ള്ള റി​പ്പോ​ർ​ട്ടു​ക​ളി​ൽ വ്യ​ക്ത​മാ​ക്കു​ന്നു​ണ്ട്. പ​ഹ​ൽ​ഗാ​മി​ലെ​യും പ​രി​സ​ര​ങ്ങ​ളി​ലെ​യും പൊ​തു ഇ​ട​ങ്ങ​ളി​ൽ​നി​ന്നു​ള്ള സി​സി​ടി​വി ദൃ​ശ്യ​ങ്ങ​ളും അ​ന്വേ​ഷ​ണ ഏ​ജ​ൻ​സി പ​രി​ശോ​ധി​ച്ചുവ​രി​ക​യാ​ണ്.

ഇ​തോ​ടൊ​പ്പം ചെ​ക് പോ​സ്റ്റു​ക​ളി​ൽ​നി​ന്നു​ള്ള വി​വ​ര​ങ്ങ​ളും ശേ​ഖ​രി​ക്കു​ന്നു​ണ്ട്. 2800ഓ​ളം പേ​രെ​യാ​ണ് എ​ൻ​ഐ​എ ഇ​തു​വ​രെ ചോ​ദ്യം ചെ​യ്ത​ത്. അ​തി​ൽ 150 പേ​ർ ക​സ്റ്റ​ഡി​യി​ൽ തു​ട​രു​ക​യാ​ണ്.