പ​ത്ത​നം​തി​ട്ട: കോ​ന്നി പ​യ്യ​നാ​മ​ണ്ണി​ൽ പാ​റ​മ​ട​യി​ൽ ഹി​റ്റാ​ച്ചി​ക്ക് മു​ക​ളി​ലേ​ക്ക് പാ​റ​യി​ടി​ഞ്ഞു വീ​ണു​ണ്ടാ​യ അ​പ​ക​ട​ത്തി​ൽ‌ ഹി​റ്റാ​ച്ചി​ക്കു​ള്ളി​ല​ക​പ്പെ​ട്ട ബീ​ഹാ​ർ സ്വ​ദേ​ശി അ​ജ​യ് റാ​യി​യു​ടെ മൃ​ത​ദേ​ഹം ക​ണ്ടെ​ത്തി. പാ​റ​ക​ൾ​ക്കി​ട​യി​ൽ ഹി​റ്റാ​ച്ചി​യു​ടെ ക്യാ​ബി​നു​ള്ളി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്.

നി​ല​വി​ൽ മൃ​ത​ദേ​ഹം പു​റ​ത്തെ​ടു​ത്ത് ആശുപത്രിയിലേയ്ക്ക് കൊണ്ടുപോവുകയാണ്. നേ​ര​ത്തെ നി​ർ​ത്തി​വ​ച്ച ര​ക്ഷാ​ദൗ​ത്യം എ​ട്ട് മ​ണി​ക്കൂ​റി​ന് ശേ​ഷ​മാ​ണ് പു​ന​രാ​രം​ഭി​ച്ച​ത്. പ്ര​ദേ​ശ​ത്ത് മ​ഴ​യു​ണ്ടാ​യി​രു​ന്ന​തും പാ​റ​ക​ൾ വീ​ണ്ടും ഇ​ടി​യു​ന്ന​തും ര​ക്ഷാ​പ്ര​വ​ർ​ത്ത​ന​ത്തി​ന് വെ​ല്ലു​വി​ളി​യാ​യി​രു​ന്നു. നി​ല​വി​ൽ ലോം​ഗ് ബൂം ​എ​സ്ക​വേ​റ്റ​ർ എ​ത്തി​ച്ചാ​ണ് ര​ക്ഷാ​ദൗ​ത്യം.

തി​ങ്ക​ളാ​ഴ്ച ഉ​ച്ച​ക​ഴി​ഞ്ഞ് പാ​റ​മ​ട​യി​ൽ ഹി​റ്റാ​ച്ചി ഉ​പ​യോ​ഗി​ച്ചു​ള്ള ജോ​ലി ന​ട​ക്കു​ന്ന​തി​നി​ടെ​യാ​ണ് അ​പ​ക​ട​മു​ണ്ടാ​യ​ത്. ഹി​റ്റാ​ച്ചി​യു​ടെ ഓ​പ്പ​റേ​റ്റ​റും സ​ഹാ​യി​യു​മാ​യ ഇ​ത​ര സം​സ്ഥാ​ന സ്വ​ദേ​ശി​ക​ളാ​ണ് അ​പ​ക​ട​ത്തി​ൽ​പെ​ട്ട​ത്. മ​ല​മു​ക​ളി​ൽ​നി​ന്നു വീ​ണ​ത് വ​ലി​യ പാ​റ​ക്കെ​ട്ടു​ക​ളാ​യ​ത് ദു​ര​ന്ത​ത്തി​ന്‍റെ രൂ​ക്ഷ​ത വ​ർ​ധി​പ്പി​ച്ചു.

ഇ​തി​ൽ ഒ​രാ​ളു​ടെ മൃ​ത​ദേ​ഹം തി​ങ്ക​ളാ​ഴ്ച ത​ന്നെ ക​ണ്ടെ​ടു​ത്തി​രു​ന്നു. ഒ​ഡീ​ഷ സ്വ​ദേ​ശി മ​ഹാ​ദേ​വി(51) ന്‍റെ മൃ​ത​ദേ​ഹ​മാ​ണ് തി​ങ്ക​ളാ​ഴ്ച ക​ണ്ടെ​ത്തി​യ​ത്.