തൃ​ശൂ​ർ: ഓ​ടി​ക്കൊ​ണ്ടി​രു​ന്ന കെ​എ​സ്ആ​ർ​ടി​സി ബ​സി​ന് തീ​പി​ടി​ച്ചു. യാ​ത്ര​ക്കാ​ർ ബ​സി​ൽ നി​ന്ന് ചാ​ടി ര​ക്ഷ​പ്പെ​ട്ടു. ഇ​ന്നു​രാ​വി​ലെ ഒ​ന്പ​തോ​ടെ​യാ​ണ് സം​ഭ​വം. മാ​ള​യി​ൽ നി​ന്ന് തൃ​ശൂ​രി​ലേ​ക്ക് പോ​വു​ക​യാ​യി​രു​ന്ന കെ​എ​സ്ആ​ർ​ടി​സി ഫാ​സ്റ്റ് ബ​സി​ന്‍റെ മു​ൻ​ഭാ​ഗ​ത്താ​യാ​ണ് തീ​യും പു​ക​യും ഉ​ണ്ടാ​യ​ത്.

കൊ​മ്പൊ​ടി​ഞ്ഞാ​മാ​ക്ക​ലി​നും ആ​ളൂ​രി​നു​മി​ട​യി​ലാ​ണ് ബ​സി​ൽ നി​ന്നും പു​ക ഉ​യ​ർ​ന്ന​ത്. പു​ക ക​ണ്ട​യു​ട​ൻ ഡ്രൈ​വ​ർ ബ​സ് നി​ർ​ത്തി​യ​തി​നാ​ൽ കൂ​ടു​ത​ൽ അ​പ​ക​ട​മു​ണ്ടാ​യി​ല്ല. ബ​സി​നു തീ​പി​ടി​ച്ചെ​ന്ന് ക​രു​തി യാ​ത്ര​ക്കാ​ർ ഉ​ട​നെ ബ​സി​ൽ നി​ന്നി​റ​ങ്ങാ​ൻ തി​ര​ക്കു​കൂ​ട്ടു​ന്ന​തി​നി​ടെ ബ​സി​ന്‍റെ ഒ​രു വാതിൽ തകരാറിലായി തു​റ​ക്കാ​നാ​കാ​ത്ത അ​വ​സ്ഥ​യി​ലാ​യി.

ഇ​തോ​ടെ ഭീ​തി​യി​ലാ​യ യാ​ത്ര​ക്കാ​രി​ൽ ചി​ല​ർ വ​ശ​ങ്ങ​ളി​ലെ ജ​ന​ലു​ക​ൾ വ​ഴി പു​റ​ത്തേ​ക്ക് ചാ​ടു​ക​യും ചെ​യ്തു. എ​ങ്കി​ലും ആ​ർ​ക്കും ആ​ള​പാ​യ​മു​ണ്ടാ​യ​താ​യി റി​പ്പോ​ർ​ട്ടി​ല്ല. ഷോ​ർ​ട്ട് സ​ർ​ക്യൂ​ട്ടാ​ണ് തീ​പി​ടി​ത്ത​ത്തി​നു കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം. സം​ഭ​വ​മ​റി​ഞ്ഞ് ആ​ളൂ​ർ പോ​ലീ​സും, ഫ​യ​ർ​ഫോ​ഴ്സും സ്ഥ​ല​ത്തെ​ത്തി.