കൊ​ച്ചി: പ​റ​വൂ​ർ പ​ല്ലം​തു​രു​ത്ത് റോ​ഡി​ലെ ബീ​വ​റേ​ജ​സ് ഔ​ട്ട്‌​ലെ​റ്റി​ൽ മോ​ഷ​ണം ന​ട​ത്തി​യ കേ​സി​ൽ നാ​ല് പേ​ർ പി​ടി​യി​ൽ. വെ​ടി​മ​റ സ്വ​ദേ​ശി​ക​ളാ​യ സ​ഫീ​റും അ​ബി​ന​നും പ്രാ​യ​പൂ​ർ​ത്തി​യാ​കാ​ത്ത ര​ണ്ട് പേ​രു​മാ​ണ് പി​ടി​യി​ലാ​യ​ത്. ഓ​ണം ആ​ഘോ​ഷി​ക്കാ​നും മ​ദ്യം വി​ൽ​ക്കാ​നു​മാ​യി​രു​ന്നു മോ​ഷ​ണ​മെ​ന്ന് പോ​ലീ​സ് പ​റ​ഞ്ഞു.

അ​വ​ധി ദി​വ​സ​മാ​യ ഓ​ഗ​സ്റ്റ് ഒ​ന്നി​ന് രാ​ത്രി​യാ​ണ് പ്ര​തി​ക​ൾ ഔ​ട്ട്‌​ലെ​റ്റ് കു​ത്തി​ത്തു​റ​ന്ന് മോ​ഷ​ണം ന​ട​ത്തി​യ​ത്. താ​ഴ​ത്തെ നി​ല​യി​ലെ ഷ​ട്ട​റി​ന്‍റെ പൂ​ട്ട് ത​ക​ർ​ത്ത് ര​ണ്ട് പേ​ർ അ​ക​ത്തു​ക​യ​റി മു​ക​ളി​ലെ പ്രീ​മി​യം കൗ​ണ്ട​റി​ലെ​ത്തി. മ​റ്റു ര​ണ്ട് പേ​ർ പു​റ​ത്തു കാ​വ​ൽ​നി​ന്നു. മു​ഖം മ​റ​ച്ചാ​ണ് പ്ര​തി​ക​ൾ മോ​ഷ​ണ​ത്തി​നെ​ത്തി​യ​ത്. എ​ന്നാ​ൽ സി​സി​ടി​വി കാ​മ​റ​ക​ളു​ടെ സ​ഹാ​യ​ത്തോ​ടെ പോ​ലീ​സ് പ്ര​തി​ക​ളെ തി​രി​ച്ച​റി​ഞ്ഞ് പി​ടി​കൂ​ടു​ക​യാ​യി​രു​ന്നു.

ഔ​ട്ട്‌​ലെ​റ്റി​ൽ​നി​ന്ന് 12 കു​പ്പി വി​ല​യേ​റി​യ മ​ദ്യ​വും ഏ​ക​ദേ​ശം ര​ണ്ടാ​യി​രം രൂ​പ​യു​മാ​ണ് ഇ​വ​ർ മോ​ഷ്ടി​ച്ച​ത്. മോ​ഷ​ണ​ശ്ര​മ​ത്തി​നി​ടെ അ​ഞ്ച് കെ​യ്‌​സ് മ​ദ്യം നി​ല​ത്ത് പൊ​ട്ടി ചി​ത​റി​യ നി​ല​യി​ലും ക​ണ്ടെ​ത്തി. ആ​കെ ഒ​രു ല​ക്ഷം രൂ​പ​യു​ടെ ന​ഷ്ടം സം​ഭ​വി​ച്ച​താ​യി ക​ണ​ക്കാ​ക്കു​ന്നു.