ഒ​റ്റ​പ്പാ​ലം: ഡോ​ക്ട​റെ​യും ആ​ശു​പ​ത്രി സു​ര​ക്ഷാ ജീ​വ​ന​ക്കാ​ര​നെ​യും കൈ​യ്യേ​റ്റം ചെ​യ്ത പ്ര​തി പി​ടി​യി​ൽ. ഒ​റ്റ​പ്പാ​ലം താ​ലൂ​ക്ക് ആ​ശു​പ​ത്രി​യി​ലെ ഡോ​ക്ട​റെ​യും സു​ര​ക്ഷാ ജീ​വ​ന​ക്കാ​ര​നെ​യും ആ​ക്ര​മി​ച്ച മു​ട്ടി​പ്പാ​ലം സ്വ​ദേ​ശി ഗോ​പ​കു​മാ​റി​നെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്.

അ​ത്യാ​ഹി​ത വി​ഭാ​ഗ​ത്തി​ലെ ഡോ​ക്ട​ർ ഉ​മ്മ​റി​ന്‍റെ ഷ​ർ​ട്ട് വ​ലി​ച്ചു കീ​റു​ക​യും സു​ര​ക്ഷാ ജീ​വ​ന​ക്കാ​ര​ൻ ജ്യോ​തി​ഷി​നെ ക​ടി​ച്ച് പ​രി​ക്കേ​ൽ​പ്പി​ക്കു​ക​യും ചെ​യ്ത സം​ഭ​വ​ത്തി​ലാ​ണ് അ​റ​സ്റ്റ്. പ്ര​തി മ​ദ്യ ല​ഹ​രി​യി​ലാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു. വ്യാ​ഴാ​ഴ്ച രാ​ത്രി പ​ത്ത​ര​യോ​ടെ​യാ​ണ് സം​ഭ​വം.

ഭാ​ര്യ പ​ടി​യി​ൽ നി​ന്ന് വീ​ണ് കാ​ലി​ന് പ​രി​ക്കു​പ​റ്റി​യെ​ന്ന് പ​റ​ഞ്ഞാ​ണ് ഇ​രു​വ​രും ആ​ശു​പ​ത്രി​യി​ലെ​ത്തു​ന്ന​ത്. ഓപി ടി​ക്ക​റ്റ് ര​ജി​സ്ട്രേ​ഷ​ന് എ​ത്തി​യ​പ്പോ​ൾ ക്യൂ​ആ​ർ കോ​ഡ് സ്കാ​ൻ ചെ​യ്യാ​നാ​കു​ന്നി​ല്ലെ​ന്ന് പ​റ​ഞ്ഞ് കൗ​ണ്ട​റി​ലു​ണ്ടാ​യി​രു​ന്ന ജീ​വ​ന​ക്കാ​രി​യെ അ​സ​ഭ്യം പ​റ​ഞ്ഞു.

തു​ട​ർ​ന്ന് അ​ത്യാ​ഹി​ത വി​ഭാ​ഗ​ത്തി​ലു​ണ്ടാ​യി​രു​ന്ന ഡോ​ക്ട​ർ രോ​ഗി​യെ പ​രി​ശോ​ധി​ച്ചു. ശ​രീ​ര​ത്തി​ലെ പാ​ടു​ക​ൾ ശ്ര​ദ്ധ​യി​ൽ​പെ​ട്ട​തോ​ടെ എ​ന്തു പ​റ്റി​യെ​ന്ന് ഡോ​ക്ട​ർ കൂ​ടെ​യു​ണ്ടാ​യി​രു​ന്ന ഗോ​പ​കു​മാ​റി​നോ​ട് ചോ​ദി​ച്ചു. ഇ​തോ​ടെ ഡോ​ക്ട​റോ​ടും ഇ​യാ​ൾ ക്ഷു​ഭി​ത​നാ​യി.

ത​ട്ടി​ക്ക​യ​റി​യ ശേ​ഷം ഡോ​ക്ട​റു​ടെ ഷ​ർ​ട്ട് വ​ലി​ച്ചു കീ​റു​ക​യാ​യി​രു​ന്നു. ആ​ക്ര​മ​ണം ത​ട​യാ​ൻ ശ്ര​മി​ക്കു​ന്ന​തി​നി​ടെ​യാ​ണ് സു​ര​ക്ഷാ ജീ​വ​ന​ക്കാ​ര​ൻ ജ്യോ​തി​ഷി​ന് പ​രി​ക്കേ​റ്റ​ത്.