ലി​​​സ്ബ​​​ൺ: പോ​​​ർ​​​ച്ചു​​​ഗീ​​​സ് ത​​​ല​​​സ്ഥാ​​​ന​​​മാ​​​യ ലി​​​സ്ബ​​​ണി​​​ന്‍റെ മു​​​ഖ​​​മു​​​ദ്ര​​​യാ​​​യി വി​​​ല​​​യി​​​രു​​​ത്ത​​​പ്പെ​​​ടു​​​ന്ന ഗ്ലോ​​​റി​​​യ ഫു​​​നി​​​ക്കു​​​ല​​​ർ റെ​​​യി​​ൽ​​​വേ ട്രാം കാ​​​ർ (വൈ​​ദ്യു​​തി​​ ഉപയോഗിച്ച് ട്രാ​​​ക്കി​​​ലോ​​​ടു​​​ന്ന യാ​​​ത്രാ വണ്ടി) അ​​​പ​​​ക​​​ട​​​ത്തി​​​ൽ​​​പ്പെ​​​ട്ട് 16 പേ​​​ർ മ​​​രി​​​ക്കു​​​ക​​​യും 21 പേ​​​ർ​​​ക്കു പ​​​രി​​​ക്കേ​​​ൽ​​​ക്കു​​​ക​​​യും ചെ​​​യ്തു. വ്യാ​​​ഴാ​​​ഴ്ച​​​യാ​​​യി​​​രു​​​ന്നു അ​​​പ​​​ക​​​ടം. മ​​​രി​​​ച്ച​​​വ​​​രി​​​ലും പ​​​രി​​​ക്കേ​​​റ്റ​​​വ​​​രി​​​ലും വി​​​ദേ​​​ശി​​​ക​​​ൾ ഉ​​​ൾ​​​പ്പെ​​​ടു​​​ന്നു.

ഇ​​​റ​​​ക്കം ഇ​​​റ​​​ങ്ങി​​​വ​​​രു​​​ക​​​യാ​​​യി​​​രു​​​ന്ന വ​​​ണ്ടി​​​യു​​​ടെ കേ​​​ബി​​​ൾ പൊ​​​ട്ടി​​​യ​​​തും തു​​​ട​​​ർ​​​ന്ന് ബ്രേ​​​ക്കി​​​ടാ​​​ൻ ക​​​ഴി​​​യാ​​​തി​​​രു​​​ന്ന​​​തു​​​മാ​​​ണ് അ​​​പ​​​ക​​​ട​​​ത്തി​​​നു കാ​​​ര​​​ണം. വ​​​ള​​​വി​​​ൽ​​​വ​​​ച്ച് പാളംതെറ്റിയ വണ്ടി ഒ​​​രു കെ​​​ട്ടി​​​ട​​​ത്തി​​​ലി​​​ടി​​​ച്ച് ത​​​ക​​​ർ​​​ന്നു.

സം​​​ഭ​​​വ​​​ത്തി​​​ൽ വി​​​ശ​​​ദ​​​മാ​​​യ അ​​​ന്വേ​​​ഷ​​​ണം ആം​​​ര​​​ഭി​​​ച്ച​​​താ​​​യി പോ​​​ർ​​​ച്ചു​​​ഗീ​​​സ് അ​​​ധി​​​കൃ​​​ത​​​ർ അ​​​റി​​​യി​​​ച്ചു. പ്രോ​​​ട്ടോ​​​കോ​​​ൾ അ​​​നു​​​സ​​​രി​​​ച്ച് എ​​​ല്ലാ ആ​​​ഴ്ച​​​യി​​​ലും അ​​​റ്റ​​​കുറ്റ​​​പ്പ​​​ണി​​​ക​​​ളും പ​​​രി​​​ശോ​​​ധ​​​ന​​​ക​​​ളും ന​​​ട​​​ത്തി​​​യി​​​രു​​​ന്നു​​​വെ​​​ന്ന് ട്രാം കാ​​​റു​​​ക​​​ൾ പ്ര​​​വ​​​ർ​​​ത്തി​​​പ്പി​​​ക്കു​​​ന്ന പൊ​​​തു​​​ഗ​​​താ​​​ഗ​​​ത ക​​​ന്പ​​​നി​​​യാ​​​യ കാ​​​രി​​​സ് അ​​​റി​​​യി​​​ച്ചു.


താ​​​ഴ്ന്ന പ്ര​​​ദേ​​​ശ​​​ങ്ങ​​​ളെ ലി​​​സ്ബ​​​ൺ ന​​​ഗ​​​ര​​​കേ​​​ന്ദ്ര​​​വു​​​മാ​​​യി ബ​​​ന്ധി​​​പ്പി​​​ക്കു​​​ന്ന ഗ്ലോ​​​റി​​​യ റെ​​​യി​​​ൽ​​​വേ ആ​​​രം​​​ഭി​​​ച്ച​​​ത് 1885ലാ​​​ണ്. വ​​​ർ​​​ഷം 30 ല​​​ക്ഷ​​​ത്തി​​​ല​​​ധി​​​കം പേ​​​ർ ഈ ​​​കാ​​​റു​​​ക​​​ളി​​​ൽ യാ​​​ത്ര ചെ​​​യ്യു​​​ന്നു. ടൂ​​​റി​​​സ്റ്റു​​​ക​​​ൾ​​​ക്കും പ്രി​​​യ​​​പ്പെ​​​ട്ട​​​താ​​​ണ്.

മ​​​രി​​​ച്ച​​​വ​​​രി​​​ൽ ജ​​​ർ​​​മ​​ൻ ടൂ​​​റി​​​സ്റ്റു​​​ക​​​ളും ഉ​​​ൾ​​​പ്പെ​​​ടു​​​ന്നു​​​വെ​​​ന്നാ​​​ണു റി​​​പ്പോ​​​ർ​​​ട്ട്. പ​​​രി​​​ക്കേ​​​റ്റ​​​വ​​​രി​​​ൽ സ്പെ​​​യി​​​ൻ, ജ​​​ർ​​​മ​​​നി, കാ​​​ന​​​ഡ, ഇ​​​റ്റ​​​ലി, ഫ്ര​​​ാൻസ്, സ്വി​​​റ്റ്സ​​​ർ​​​ല​​​ൻ​​​ഡ് രാ​​​ജ്യ​​​ക്കാ​​​രു​​​മു​​​ണ്ട്.