ച​ങ്ങ​നാ​ശേ​രി: ഭി​ന്ന​ശേ​ഷി സം​വ​ര​ണ വി​ഷ​യ​ത്തി​ൽ ച​ങ്ങ​നാ​ശേ​രി ആ​ർ​ച്ച് ബി​ഷ​പ്പ് മാ​ർ തോ​മ​സ് ത​റ​യി​ലു​മാ​യി കൂ​ടി​ക്കാ​ഴ്ച ന​ട​ത്തി വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി. ജോ​സ് കെ. ​മാ​ണി എം​പി​ക്കൊ​പ്പ​മാ​ണ് അ​ദ്ദേ​ഹം ച​ങ്ങ​നാ​ശേ​രി അ​തി​രൂ​പ​ത​യി​ലെ​ത്തി​യ​ത്.

പ്ര​ശ്നം പ​രി​ഹ​രി​ക്കു​മെ​ന്നും സൗ​ഹാ​ർ​ദ​പ​ര​മാ​യ ച​ർ​ച്ച‍​യാ​ണ് ന​ട​ന്ന​തെ​ന്നും കൂ​ടി​ക്കാ​ഴ്ച​യ്ക്ക് ശേ​ഷം മ​ന്ത്രി മാ​ധ്യ​മ​ങ്ങ​ളോ​ടു പ്ര​തി​ക​രി​ച്ചു.

നേ​ര​ത്തെ, എ​ന്നെ കാ​ണാ​ൻ തി​രു​മേ​നി വീ​ട്ടി​ൽ വ​ന്നി​രു​ന്നു. പൊ​തു​വി​ദ്യ​ഭ്യാ​സ രം​ഗ​ത്തെ കാ​ര്യ​ങ്ങ​ളാ​ണ് സം​സാ​രി​ച്ച​ത്. ഭി​ന്ന​ശേ​ഷി സം​വ​ര​ണ​ത്തെ​ക്കു​റി​ച്ചും സം​സാ​രി​ച്ചി​രു​ന്നു. അ​തി​നു​ശേ​ഷ​മാ​ണ് സു​പ്രീം​കോ​ട​തി വി​ധി വ​ന്ന​ത്. വി​ഷ​യ​വു​മാ​യി ബ​ന്ധ​പ്പെ​ട്ട​വ​രു​ടെ യോ​ഗം തി​ങ്ക​ളാ​ഴ്ച വി​ളി​ച്ചി​ട്ടു​ണ്ട്. ഇ​തി​ലെ തീ​രു​മാ​നം മാ​നേ​ജ്മെ​ന്‍റു​ക​ളെ അ​റി​യി​ക്കു​മെ​ന്നും മ​ന്ത്രി പ​റ​ഞ്ഞു.

ആ​യി​ര​ക​ണ​ക്കി​ന് അ​ധ്യാ​പ​ക​ർ ശ​മ്പ​ള​മി​ല്ലാ​തെ ജോ​ലി ചെ​യ്യു​ന്ന​ത് ക്രൈ​സ്ത​വ മാ​നേ​ജ്മെ​ന്‍റി​ന്‍റെ മാ​ത്രം പ്ര​ശ്ന​മ​ല്ലെ​ന്ന് ആ​ർ​ച്ച് ബി​ഷ​പ്പ് മാ​ർ തോ​മ​സ് ത​റ​യി​ൽ പ​റ​ഞ്ഞു. നി​ല​വി​ലെ പ്ര​ശ്നം പൊ​തു​സ​മൂ​ഹ​ത്തി​ന്‍റേ​താ​ണ്. വി​ഷ​യം സ​ർ​ക്കാ​ർ ഗൗ​ര​വ​മാ​യാ​ണ് കാ​ണു​ന്ന​ത്. ഇ​തേ​ക്കു​റി​ച്ച് മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ൽ ച​ർ​ച്ച ചെ​യ്യു​മെ​ന്ന കാ​ര്യം ആ​ശ്വാ​സ​ക​ര​മാ​ണെ​ന്നും ബി​ഷ​പ്പ് അ​റി​യി​ച്ചു.