യുവതി ഭർതൃവീട്ടിൽ മരിച്ച നിലയിൽ; അസ്വാഭാവിക മരണത്തിന് കേസെടുത്തു
Wednesday, October 22, 2025 5:22 PM IST
കോഴിക്കോട്: യുവതിയെ ഭർതൃവീട്ടിൽ മരിച്ച നിലയിൽ കണ്ടെത്തിയ സംഭവത്തിൽ പോലീസ് കേസെടുത്തു. വയനാട് മേപ്പാടി സ്വദേശി കോട്ടത്തറ വയലില് വീട്ടിൽ പ്രിയ (27) ആണ് മരിച്ചത്.
ഭർത്താവ് വിജിത്തിന്റെ കോഴിക്കോട് ചമ്പിലോറക്കടുത്ത് വെള്ളിത്തിറയിലെ വീടിനുള്ളിലാണ് പ്രിയയെ മരിച്ച നിലയില് കണ്ടെത്തിയത്. പ്രിയയും ഭർത്താവ് വിജിനും നാല് വര്ഷം മുന്പാണ് വിവാഹിതരായത്.
പ്രിയയുടെ മരണത്തില് ദരൂഹത ആരോപിച്ച് ബന്ധുക്കള് പോലീസില് പരാതി നല്കി. അസ്വാഭാവിക മരണത്തിന് കേസെടുത്തെന്നും അന്വേഷണം ആരംഭിച്ചെന്നും കുറ്റ്യാടി പോലീസ് പറഞ്ഞു.