താ​മ​ര​ശേ​രി: താ​മ​ര​ശേ​രി ഫ്ര​ഷ് ക​ട്ട് ഫാ​ക്ട​റി​ക്കു മു​ന്നി​ൽ ന​ട​ന്ന സം​ഘ​ർ​ഷം സ്ത്രീ​ക​ളെ​യും കു​ട്ടി​ക​ളെ​യും മ​നു​ഷ്യ ക​വ​ച​മാ​ക്കി ന​ട​ത്തി​യ ആ​സൂ​ത്രി​ത​മാ​യ അ​ക്ര​മ​മെ​ന്ന് ക​ണ്ണൂ​ർ റേ​ഞ്ച് ഡി​ഐ​ജി യ​തീ​ഷ് ച​ന്ദ്ര. അ​ക്ര​മ​ത്തി​ന് പി​ന്നി​ൽ ചി​ല ത​ൽ​പ്പ​ര​ക​ക്ഷി​ക​ളാ​ണെ​ന്നും ഇ​വ​രെ തി​രി​ച്ച​റി​ഞ്ഞി​ട്ടു​ണ്ടെ​ന്നും ഡി​ഐ​ജി വ്യ​ക്ത​മാ​ക്കി.

രാ​വി​ലെ മു​ത​ൽ വൈ​കി​ട്ട് വ​രെ സ​മാ​ധാ​ന​പ​ര​മാ​യി​രു​ന്നു കാ​ര്യ​ങ്ങ​ൾ. വൈ​കി​ട്ടാ​ണ് ആ​സൂ​ത്രി​ത അ​ക്ര​മം ഉ​ണ്ടാ​യ​ത്. ഫ്ര​ഷ് ക​ട്ടി​ലെ ജീ​വ​ന​ക്കാ​ർ അ​ക​ത്തു​ള്ള​പ്പോ​ഴാ​ണ് ഫാ​ക്ട​റി​ക്ക് തീ​യി​ട്ട​ത്. തീ ​അ​ണ​യ്‌​ക്കാ​ൻ എ​ത്തി​യ അ​ഗ്നി​ര​ക്ഷാ​സേ​ന​യെ ത​ട​ഞ്ഞു​വ​ച്ചു. മ​നു​ഷ്യ​ത്വ​ര​ഹി​ത​മാ​യ ന​ട​പ​ടി​യാ​ണ് ഉ​ണ്ടാ​യ​തെ​ന്നും ക​ർ​ശ​ന​മാ​യ ന​ട​പ​ടി പോ​ലീ​സി​ന്‍റെ ഭാ​ഗ​ത്തു​നി​ന്നും ഉ​ണ്ടാ​കു​മെ​ന്നും യ​തീ​ഷ് ച​ന്ദ്ര വ്യ​ക്ത​മാ​ക്കി.

റൂ​റ​ൽ എ​സ്‌​പി ബൈ​ജു, താ​മ​ര​ശേ​രി എ​സ്എ​ച്ച്ഒ എ​ന്നി​വ​ര​ട​ക്കം 16 ഓ​ളം പോ​ലീ​സു​കാ​ർ​ക്ക് സം​ഘ​ർ​ഷ​ത്തി​ൽ ഗു​രു​ത​ര പ​രി​ക്കേ​റ്റി​ട്ടു​ണ്ടെ​ന്നും ഡി​ഐ​ജി പ​റ​ഞ്ഞു. ഉ​ത്ത​ര മേ​ഖ​ല ഐ​ജി രാ​ജ്പാ​ൽ മീ​ണ​ക്കൊ​പ്പം താ​മ​ര​ശേ​രി പോ​ലീ​സ് സ്റ്റേ​ഷ​നി​ലെ​ത്തി​യ​പ്പോ​ഴാ​ണ് യ​തീ​ഷ് ച​ന്ദ്ര ഇ​ക്കാ​ര്യ​ങ്ങ​ൾ മാ​ധ്യ​മ​ങ്ങ​ളോ​ട് പ​റ​ഞ്ഞ​ത്.