ഇ​സ്രാ​യേ​ലി​ലെ മ​രു​ഭൂ​മി​ക​ൾ പു​ഷ്പാ​ലം​കൃ​ത​മാ​കു​ന്ന വ​സ​ന്ത​കാ​ലം സ​മാ​ഗ​മ​മാ​യി​രി​ക്കു​ന്നു. ഇ​സ്രാ​യേ​ലി​ൽ മൂ​ന്നു പ്ര​ധാ​ന മ​രു​ഭൂ​മി​ക​ളാ​ണു​ള്ള​ത്. ജോ​ർ​ദാ​ൻ സ​മ​ത​ല​ത്തോ​ടു ചേ​ർ​ന്നു​കി​ട​ക്കു​ന്ന സ​മ​രി​യ​ൻ മ​രു​ഭൂ​മി​യും ജെ​റൂ​സ​ലെ​മി​നു കി​ഴ​ക്കു​ള്ള യൂ​ദ​യ​ൻ മ​രു​ഭൂ​മി​യും യു​ദ​യ​ൻ മ​ലനി​ര​ക​ൾ​ക്കു തെ​ക്കാ​യി കി​ട​ക്കു​ന്ന നെ​ഗെ​വ് മ​രു​ഭൂ​മി​യും. നെ​ഗെ​വ് മ​രു​ഭൂ​മി​യു​ടെ ഭാ​ഗ​ങ്ങ​ളാ​ണ് സി​ൻ, പാ​റാ​ൻ എ​ന്നി​ങ്ങ​നെ അ​റി​യ​പ്പെ​ടു​ന്ന​ത്. ഈ ​പേ​രു​ക​ളെ​ല്ലാം ബൈ​ബി​ളി​ൽ പ​രാ​മ​ർ​ശി​ക്ക​പ്പെ​ട്ടി​ട്ടു​ള്ള​വ​യാ​ണ്.

നെ​ഗെ​വി​ൽ അ​ബ്രാ​ഹ​മും ഇ​സ​ഹാ​ക്കും താ​മ​സി​ച്ചി​ട്ടു​ണ്ട്. മോ​ശ​യു​ടെ നേ​തൃ​ത്വ​ത്തി​ൽ ഇ​സ്രാ​യേ​ൽ ജ​ന​ത സി​ൻ മ​രു​ഭൂ​മി​യി​ലൂ​ടെ ക​ട​ന്നു​പോ​യി. ദാ​വീ​ദ് യൂ​ദ​യ​ൻ, പാ​റാ​ൻ മ​രു​ഭൂ​മി​ക​ളി​ൽ ഒ​ളി​ച്ചു​പാ​ർ​ത്തു. യൂ​ദ​യാ​യി​ലെ മ​ല​ന്പ്ര​ദേ​ശ​ത്താ​ണ് എ​ലി​സ​ബ​ത്തും സ​ഖ​റി​യാ​യും താ​മ​സി​ച്ചി​രു​ന്ന​ത്. ആ ​മ​ല​നാ​ട്ടി​ലെ​ങ്ങും യോ​ഹ​ന്നാ​ന്‍റെ ജ​ന​ന​വാ​ർ​ത്ത സം​സാ​ര​വി​ഷ​യ​മാ​യി. യൂ​ദ​യ​ൻ മ​രു​ഭൂ​മി​യി​ലാ​ണ് ഈ​ശോ പ്ര​ലോ​ഭി​പ്പി​ക്ക​പ്പെ​ട്ട​തും. ഇ​ക്കാ​ര​ണ​ങ്ങ​ളാ​ലാ​ണ​ല്ലോ ഇ​സ്രാ​യേ​ൽ വി​ശു​ദ്ധ നാ​ട് എ​ന്ന​റി​യ​പ്പെ​ടു​ന്ന​ത്.

ഇ​സ്രാ​യേ​ലി​ലെ മ​രു​ഭൂ​മി​ക​ൾ മ​ണ​ൽ​ക്കാ​ടു​ക​ള​ല്ല, ക​ല്ലു​ക​ൾ നി​റ​ഞ്ഞ കു​ന്നു​ക​ളു​ടെ നി​മ്നോ​ന്ന​ത​ങ്ങ​ൾ ച​ക്ര​വാ​ളം വ​രെ നീ​ളു​ന്ന ഉൗ​ഷ​ര​ഭൂ​മി​യാ​ണ്. പ​ത്തു​മാ​സ​വും മ​ഴ​യോ പ​ച്ച​പ്പോ ഇ​ല്ലാ​ത്ത വ​ര​ണ്ട ഭൂ​മി. പ​ക​ൽ കൊ​ടും​ചൂ​ടും രാ​ത്രി​യി​ൽ ത​ണു​പ്പും. എ​ന്നാ​ൽ ഹേ​മ​ന്ത​ത്തി​നു​ശേ​ഷം, ശൈ​ത്യ​കാ​ല​മ​ഴ കി​ട്ടി​ക്ക​ഴി​ഞ്ഞ് വ​സ​ന്താ​ഗ​മ​ന​ത്തി​ൽ ഈ മ​രു​ഭൂ​മി​ക​ളെ​ല്ലാം പ​ച്ച​പ്പ​ട്ട​ണി​യും.

വ​സ​ന്ത​കാ​ല​വൃ​ഷ്ടി​യേ​റ്റ് ഉ​ള്ളം കു​ളി​ർ​ന്ന മ​രു​ഭൂ​മി ഒ​രു വ​ർ​ഷം മു​ഴു​വ​ൻ കാ​ത്തു​വ​ച്ചി​രു​ന്ന വി​ത്തു​ക​ളെ മു​ള​പ്പി​ക്കും. മ​രു​ഭൂ​മി മ​ല​ർ​വാ​ടി​യാ​കും. പ്ര​കൃ​തി​യു​ടെ സ​മ​സ്ത നി​റ​ഭം​ഗി​ക​ളും വ​സ​ന്തോ​ത്സ​വ​ത്തി​നാ​യി സം​ഗ​മി​ക്കു​ന്ന പൂ​ക്കാ​ലം! ഒ​രു ച​തു​ര​ശ്ര​മീ​റ്റ​റി​ൽ ഏ​റ്റ​വും വ്യ​ത്യ​സ്ത​മാ​യ ഇ​ന​ങ്ങ​ളി​ൽ​പ്പെ​ട്ട ഏ​റ്റ​വു​മ​ധി​കം പൂ​ക്ക​ൾ​ വിരിയുന്നതിനുള്ള റി​ക്കോ​ർ​ഡ് നെ​ഗെ​വ് മ​രു​ഭൂ​മി​ക്കാ​ണ്.

മ​രു​ഭൂ​മി അ​തി​വേ​ഗം മ​രു​പ്പ​ച്ച​യാ​കു​ന്ന​തി​ന്‍റെ ഈ ​സു​ന്ദ​ര​ദൃ​ശ്യം ബൈ​ബി​ളി​ലെ പ്ര​വാ​ച​ക​ൻ​മാ​ർ കാ​ണു​ന്ന​ത് ആ​സ​ന്ന​മാ​യ വി​മോ​ച​ന​ത്തി​ന്‍റെ​യും ഐ​ശ്വ​ര്യ​ത്തി​ന്‍റെ​യും സൂ​ച​ന​യായാ​ണ്. പു​ഷ്പി​ക്കു​ന്ന ബ​ദാം ശി​ഖ​രം കാ​ണു​ന്ന ജ​റ​മി​യാ​യ്ക്ക് ത​ന്‍റെ വാ​ക്കു​ക​ൾ സാ​ക്ഷാ​ത്ക​രി​ക്കാ​ൻ താ​ൻ വി​ളം​ബ​രം വ​രു​ത്തു​ക​യി​ല്ലെ​ന്ന ദൈ​വി​ക അ​രു​ള​പ്പാ​ടു​ണ്ടാ​കു​ന്നു. ശൈ​ത്യ​കാ​ല​നി​ദ്ര​യ്ക്കു​ശേ​ഷം തി​ര​ക്കു​കൂ​ട്ടി ആ​ദ്യം പു​ഷ്പി​ക്കു​ന്ന​ത് ബ​ദാം മ​ര​മാ​ണ്. (ജാ​ഗ്ര​താ​വൃ​ക്ഷം എ​ന്നു മ​ല​യാ​ള​ വി​വ​ർ​ത്ത​നം).

ഏ​ശ​യ്യാ പ്ര​വാ​ച​ക​ൻ പ​റ​യു​ന്നു: ’വി​ജ​ന​ദേ​ശ​വും വ​ര​ണ്ട പ്ര​ദേ​ശ​വും സ​ന്തോ​ഷി​ക്കും. മ​രു​ഭൂ​മി ആ​ന​ന്ദി​ക്കു​ക​യും പു​ഷ്പി​ക്കു​ക​യും ചെ​യ്യും. കു​ങ്കു​മ​ച്ചെ​ടി​പോ​ലെ, സ​മൃ​ദ്ധ​മാ​യി പൂ​വി​ട്ട് അ​തു പാ​ടി ഉ​ല്ല​സി​ക്കും. ല​ബ​നോ​ന്‍റെ മ​ഹ​ത്വ​വും കാ​ർ​മ​ലി​ന്‍റെ​യും ഷാ​രോ​ന്‍റെ​യും പ്ര​താ​പ​വും അ​തി​നു ല​ഭി​ക്കും​’ (35: 12).

യൂ​ദ​യ, സ​മ​രി​യ പ്ര​ദേ​ശ​ങ്ങ​ൾ ഒ​ന്നി​ക്കു​ന്ന ’സ​ങ്കീ​ർ​ത്ത​ന​ങ്ങ​ളു​ടെ താ​ഴ് വര ’ വ​സ​ന്ത​കാ​ല​ത്ത് ഹൃ​ദ​യാ​വ​ർ​ജ്ജ​ക​മാ​യി​ത്തീ​രു​ന്നു. ദാ​വീ​ദ് രാ​ജാ​വ് ആ​ടു​ക​ളെ മേച്ചി​രു​ന്ന​തും ത​ന്‍റെ കി​ന്ന​രം മീ​ട്ടി​യി​രു​ന്ന​തും ദൈ​വ​സ്തു​തി​ക​ൾ സ​ങ്കീ​ർ​ത്ത​ന​ങ്ങ​ളാ​യി വാ​ർ​ന്നൊ​ഴു​കി​യ​തും ഇ​വി​ടെ​വ​ച്ചാ​ണ​ത്രെ.

ഈ ​താ​ഴ്‌വര കാ​ണാ​ൻ, വ​ർ​ണ്ണ​വൈ​വി​ധ്യ​ത്തി​ന്‍റെ ഈ ​ക​ല​പി​ല​യി​ൽ ഹൃ​ദ​യം വ്യാ​മു​ഗ്ധ​മാ​ക്കാ​ൻ ലോ​ക​ത്തി​ന്‍റെ എ​ല്ലാ ഭാ​ഗ​ത്തു​നി​ന്നും എ​ത്ര​യാ​ളു​ക​ളാ​ണ് വ​രു​ന്ന​ത്. സ​ങ്കീ​ർ​ത്ത​ന​ങ്ങ​ളു​ടെ അ​ഭൗ​മ​സ്വ​ര​വീ​ചി​ക​ൾ അ​ല​യ​ടി​ക്കു​ന്ന ഈ ​സ്വ​പ്ന​ഭൂ​മി​യി​ൽ അ​ല്പ​നേ​രം. മ​രു​പ്ര​ദേ​ശ​ത്തെ സ​മൃ​ദ്ധി ചൊ​രി​യു​ന്ന പു​ൽ​പു​റ​ങ്ങ​ളു​ടെ​യും സ​ന്തോ​ഷ​മ​ണി​യു​ന്ന കു​ന്നു​ക​ളു​ടെ​യും ആ​ന​ന്ദ​ല​ഹ​രി.... യ​ഹൂ​ദ​രു​ടെ പെ​സ​ഹാ​തി​രു​നാ​ൾ അ​ടു​ത്തു​വ​രു​ന്നു. മ​ര​ണ​ത്തി​ൽ​നി​ന്നു പു​തു​ജീ​വ​ൻ മു​ള​യെ​ടു​ക്കു​ന്നു എ​ന്നു​ദ്ഘോ​ഷി​ക്കു​ന്ന ക്രൈ​സ്ത​വ​രു​ടെ ഉ​യി​ർ​പ്പു​തി​രു​നാ​ളും...

എ​ഴു​ത്തും ചി​ത്ര​ങ്ങ​ളും
അ​രി​യേ​ൽ സി​യോ​ൻ
(ഹെ​ബ്രോ​ൻ, ഇ​സ്രായേ​ൽ)