ഉ​ത്ത​ർ​പ്ര​ദേ​ശി​ലെ ഝാ​ൻ​സി​യി​ൽ തി​ക​ച്ചും അ​പ്ര​തീ​ക്ഷി​ത​വും നാ​ട​കീ​യ​വു​മാ​യ സം​ഭ​വ​മാ​ണ് അ​ര​ങ്ങേ​റി​യ​ത്. ഭാ​ര്യ​യു​ടെ കാ​മു​ക​നാ​ണെ​ന്ന് തെ​റ്റി​ധ​രി​ച്ച് യു​വാ​വി​ന് ക്രൂ​ര​മാ​യ മ​ർ​ദ്ദ​ന​മേ​റ്റു. ഈ ​ആ​ക്ര​മ​ണ​ത്തി​ൽ യു​വാ​വി​നെ ര​ക്ഷി​ക്കാ​നെ​ത്തി​യ പി​താ​വി​നും സ​ഹോ​ദ​ര​നും പ​രി​ക്കേ​റ്റു. മൂ​ന്നു​പേ​രെ​യും ഗു​രു​ത​ര​മാ​യ പ​രി​ക്കു​ക​ളോ​ടെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്.

ഭാ​ര്യ ഒ​രു യു​വാ​വു​മാ​യി ഹോ​ട്ട​ലി​ൽ കൂ​ടി​ക്കാ​ഴ്ച ന​ട​ത്തു​ന്നു​ണ്ടെ​ന്ന വി​വ​രം ല​ഭി​ച്ച​തി​നെ തു​ട​ർ​ന്നാ​ണ് ഭ​ർ​ത്താ​വ് സ്ഥ​ല​ത്തെ​ത്തി​യ​ത്. അ​വി​ടെ​വെ​ച്ച് ഭാ​ര്യ​യോ​ടൊ​പ്പം ക​ണ്ട യു​വാ​വി​നെ, കാ​മു​ക​നാ​ണെ​ന്ന് തെ​റ്റി​ധ​രി​ച്ച് ഇ​യാ​ൾ പ​ര​സ്യ​മാ​യി മ​ർ​ദ്ദി​ക്കു​ക​യാ​യി​രു​ന്നു. സ്ത്രീ​യു​ടെ കു​ടും​ബാം​ഗ​ങ്ങ​ളും ഈ ​ആ​ക്ര​മ​ണ​ത്തി​ൽ പ​ങ്കു​ചേ​ർ​ന്നു.

എ​ന്നാ​ൽ, ത​ന്‍റെ വ്യ​ക്തി​പ​ര​മാ​യ ആ​വ​ശ്യ​ങ്ങ​ൾ​ക്കാ​യി ഹോ​ട്ട​ലി​ൽ എ​ത്തി​യ നി​ര​പ​രാ​ധി​യാ​യ വ്യ​ക്തി​യാ​യി​രു​ന്നു മ​ർ​ദ്ദ​ന​മേ​റ്റ യു​വാ​വ്. തെ​റ്റി​ധാ​ര​ണ​യു​ടെ പേ​രി​ൽ യാ​തൊ​രു ബ​ന്ധ​വു​മി​ല്ലാ​ത്ത വി​ഷ​യ​ത്തി​ലേ​ക്ക് വ​ലി​ച്ചി​ഴ​യ്ക്ക​പ്പെ​ട്ട യു​വാ​വി​നെ സ്ത്രീ​യു​ടെ ബ​ന്ധു​ക്ക​ൾ അ​തി​ക്രൂ​ര​മാ​യി ആ​ക്ര​മി​ച്ചു.

ഇ​രു​മ്പു ദ​ണ്ഡു​പ​യോ​ഗി​ച്ച് പോ​ലും മ​ർ​ദ്ദി​ച്ച​താ​യി റി​പ്പോ​ർ​ട്ടു​ക​ളു​ണ്ട്. മ​ർ​ദ്ദ​ന​മേ​റ്റ സോ​നു പ്ര​മോ​ദ് ആ​ര്യ എ​ന്ന യു​വാ​വ് താ​ൻ നി​ര​പ​രാ​ധി​യാ​യി​ട്ടും ക്രൂ​ര​മാ​യി ആ​ക്ര​മി​ക്ക​പ്പെ​ട്ടു​വെ​ന്ന് പോ​ലീ​സി​ന് മൊ​ഴി ന​ൽ​കി. മ​ക​നെ ര​ക്ഷി​ക്കാ​നാ​യി സ്ഥ​ല​ത്തെ​ത്തി​യ യു​വാ​വി​ന്‍റെ പി​താ​വി​നും സ​ഹോ​ദ​ര​നും നേ​രെ​യും ഭ​ർ​ത്താ​വും ബ​ന്ധു​ക്ക​ളും ആ​ക്ര​മി​ച്ചു.




ആ​ക്ര​മ​ണ​ത്തി​ന്‍റെ ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ അ​തി​വേ​ഗം പ്ര​ച​രി​ക്കു​ന്നു​ണ്ട്. മ​ക​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ൽ, പേ​രെ​ടു​ത്തു പ​റ​ഞ്ഞ അ​ഞ്ച് പേ​ർ​ക്കെ​തി​രെ​യും പേ​ര് വെ​ളി​പ്പെ​ടു​ത്താ​ത്ത മൂ​ന്ന് പേ​ർ​ക്കെ​തി​രെ​യും കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ആ​രം​ഭി​ച്ച​താ​യി മൗ​റാ​നി​പൂ​ർ പോ​ലീ​സ് സ്റ്റേ​ഷ​ൻ ഇ​ൻ ചാ​ർ​ജ് വി​ദ്യാ​സാ​ഗ​ർ സിം​ഗ് അ​റി​യി​ച്ചു.

തെ​റ്റി​ധാ​ര​ണ​യു​ടെ പേ​രി​ലാ​ണ് ഈ ​ആ​ക്ര​മ​ണം ന​ട​ന്ന​തെ​ങ്കി​ലും, നി​യ​മം കൈ​യി​ലെ​ടു​ത്ത​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കു​മെ​ന്ന് പോ​ലീ​സ് വ്യ​ക്ത​മാ​ക്കി. സം​ഭ​വ​ത്തി​ൽ, യു​വാ​വു​മാ​യി ത​നി​ക്ക് യാ​തൊ​രു ബ​ന്ധ​വു​മി​ല്ലെ​ന്ന് സ്ത്രീ ​പോ​ലീ​സി​നോ​ട് വ്യ​ക്ത​മാ​ക്കി​യി​ട്ടു​ണ്ട്.