ഓ​ണം ആ​ഘോ​ഷ​മാ​ക്കാ​ൻ കു​ടും​ബ​ശ്രീ ഓ​ണ്‍​ലൈ​ൻ സ്റ്റോ​ർ
Sunday, July 27, 2025 11:24 PM IST
ഇ​ടു​ക്കി: ഓ​ണം അ​ടി​പൊ​ളി​യാ​ക്കാ​ൻ ഇ​നി നെ​ട്ടോ​ട്ട​മോ​ടേ​ണ്ട. കു​ടും​ബ​ശ്രീ ഉ​ത്പ​ന്ന​ങ്ങ​ൾ ഓ​ണ്‍​ലൈ​നി​ൽ ഓ​ർ​ഡ​ർ ചെ​യ്താ​ൽ ഞൊ​ടി​യി​ട​യി​ൽ നി​ങ്ങ​ളു​ടെ വീ​ട്ടി​ലെ​ത്തും. ഉ​ത്പ​ന്ന​ങ്ങ​ൾ ഒ​റ്റ​ക്കു​ട​ക്കീ​ഴി​ലാ​ക്കി ഓ​ണ്‍​ലൈ​ൻ വി​ൽ​പ​ന​യി​ലേ​ക്ക് ചു​വ​ടു​വ​ച്ചി​രി​ക്കു​ക​യാ​ണ് കു​ടും​ബ​ശ്രീ. പോ​ക്ക​റ്റ്മാ​ർ​ട്ട് എ​ന്ന ഓ​ണ്‍​ലൈ​ൻ സ്റ്റോ​ർ ഓ​ഗ​സ്റ്റ് ആ​ദ്യ​വാ​ര​ത്തോ​ടെ പ്ര​വ​ർ​ത്ത​നം ആ​രം​ഭി​ക്കും.

ഓ​ണ​ത്തി​നാ​യി 799 രൂ​പ വ​രെ വി​ല​യു​ള്ള ഉ​ത്പ​ന്ന​ങ്ങ​ള​ട​ങ്ങി​യ കി​റ്റാ​ണ് പ്ര​ധാ​ന ആ​ക​ർ​ഷ​ണം. ചി​പ്സ്, ശ​ർ​ക്ക​ര വ​ര​ട്ടി, മ​ല്ലി​പ്പൊ​ടി, മു​ള​കു​പൊ​ടി, മ​ഞ്ഞ​ൾ​പ്പൊ​ടി, മ​സാ​ല​പ്പൊ​ടി​ക​ൾ, അ​ച്ചാ​റു​ക​ൾ തു​ട​ങ്ങി വി​വി​ധ ഇ​ന​ങ്ങ​ൾ കി​റ്റി​ൽ ഉ​ൾ​പ്പെ​ടു​ന്നു.

ആ​ദ്യ​ഘ​ട്ട​ത്തി​ൽ ആ​യി​ര​ത്തോ​ളം ഉ​ത്പന്ന​ങ്ങ​ളാ​ണ് സ്റ്റോ​റി​ൽ ല​ഭ്യ​മാ​കു​ക. ജി​ല്ല​യി​ൽ 16 യൂ​ണി​റ്റു​ക​ളാ​ണ് ജി​എ​സ്ടി ഉ​ള്ള​വ​യി​ൽനി​ന്നു സ​ജ്ജ​മാ​ക്കി​യി​രി​ക്കു​ന്ന​ത്. എ​ല്ലാ സി​ഡി​എ​സു​ക​ളും ഓ​ണ​ക്കി​റ്റു​ക​ൾ ത​യാ​റാ​ക്കും.

ജി​ല്ല​യി​ൽനി​ന്നു മാ​ത്രം 6080 ഉ​ത്പന്ന​ങ്ങ​ൾ പോ​ക്ക​റ്റ് മാ​ർ​ട്ടി​ൽ ല​ഭ്യ​മാ​കും. ഹോം ​മെ​യ്ഡ് ഉ​ത്പന്ന​ങ്ങ​ൾ, സൗ​ന്ദ​ര്യ​വ​ർ​ധ​ക വ​സ്തു​ക്ക​ൾ, തു​ണി​ത്ത​ര​ങ്ങ​ൾ എ​ന്നി​വ കൂ​ടാ​തെ കു​ടും​ബ​ശ്രീ സം​രം​ഭ​ങ്ങ​ളാ​യ ല​ഞ്ച് ബെ​ൽ, ബ​ഡ്സ്, ക​ഫേ, കേ​ര​ള ചി​ക്ക​ൻ എ​ന്നി​വ​യും കെ-​ഫോ​ർ കെ​യ​ർ, ക്വി​ക്ക് സെ​ർ​വ്, ഇ-​സേ​വ കേ​ന്ദ്ര, ക​ണ്‍​സ്ട്ര​ക‌്ഷ​ൻ യൂ​ണി​റ്റ് തു​ട​ങ്ങി​യ സേ​വ​ന​ങ്ങ​ളും സ്റ്റോ​റി​ൽ ല​ഭ്യ​മാ​ണ്.

പോ​ക്ക​റ്റ് മാ​ർ​ട്ട് ഓ​ണ്‍​ലൈ​ൻ സ്റ്റോ​ർ ആ​പ്പ് പ്ലേ ​സ്റ്റോ​റി​ൽനി​ന്നു ഡൗ​ണ്‍​ലോ​ഡ് ചെ​യ്യാ​ൻ സാ​ധി​ക്കും. സം​സ്ഥാ​ന​ത്തെ ഏ​ത് ജി​ല്ല​ക​ളി​ൽനി​ന്നു​ള്ള ഉ​ത്പ​ന്ന​ങ്ങ​ളും ആ​പ്പി​ലൂ​ടെ ഓ​ർ​ഡ​ർ ചെ​യ്യാം. ഉ​ത്പന്ന​ങ്ങ​ളു​ടെ വി​വ​ര​ങ്ങ​ൾ അ​പ്ലോ​ഡ് ചെ​യ്യു​ന്ന ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണെ​ന്നും കു​ടും​ബ​ശ്രീ അ​ധി​കൃ​ത​ർ അ​റി​യി​ച്ചു.
Copyright @ 2018 , Rashtra Deepika Ltd.