അ​ഞ്ചു​നാ​ട്ടി​ലെ മ​ണ്‍​വീ​ടു​ക​ൾ: പ്ര​കൃ​തി​യോ​ടൊ​പ്പം ഒ​രു സ​ഞ്ചാ​രാ​നു​ഭ​വം
Sunday, July 27, 2025 11:25 PM IST
ജി​തേ​ഷ് ചെ​റു​വ​ള്ളി​ൽ

മ​റ​യൂ​ർ: ഇ​ടു​ക്കി ജി​ല്ല​യി​ലെ മ​റ​യൂ​ർ-​കാ​ന്ത​ല്ലൂ​ർ മേ​ഖ​ല​യി​ൽ പ്ര​കൃ​തി​യോ​ടി​ണ​ങ്ങി നി​ൽ​ക്കു​ന്ന മ​ണ്‍​വീ​ടു​ക​ൾ (മ​ഡ്ഹൗ​സ്) സ​ഞ്ചാ​രി​ക​ൾ​ക്കു പു​തു​മ​യു​ള്ള താ​മ​സ​സൗ​ക​ര്യ​മാ​യി മാ​റു​ക​യാ​ണ്. പു​ല്ലും ക​ളി​മ​ണ്ണും ഉ​പ​യോ​ഗി​ച്ച് പ​രി​സ്ഥി​തി സൗ​ഹൃ​ദ​മാ​യി നി​ർ​മി​ച്ച ഈ ​വീ​ടു​ക​ൾ കാ​ഴ്ച​യി​ൽ ച​ന്ത​വും താ​മ​സ​ത്തി​ൽ സു​ഖ​പ്ര​ദ​വു​മാ​ണ്. ആ​ധു​നി​ക സൗ​ക​ര്യ​ങ്ങ​ളോ​ടെ പ്ര​കൃ​തി​യോ​ടു ചേ​ർ​ന്ന് ജീ​വി​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്ക് ഇ​വി​ടത്തെ മ​ണ്‍​വീ​ടു​ക​ൾ അ​നു​യോ​ജ്യ​മാ​യ ഇ​ട​മാ​ണ്.

മ​ണ്‍​വീ​ടു​ക​ളു​ടെ പ്ര​ത്യേ​ക​ത​ക​ൾ

മ​റ​യൂ​ർ,കാ​ന്ത​ല്ലൂ​ർ മേ​ഖ​ല​ക​ളി​ലെ മ​ണ്‍​വീ​ടു​ക​ൾ പ്രാ​ദേ​ശി​ക വി​ഭ​വ​ങ്ങ​ൾ ഉ​പ​യോ​ഗി​ച്ചാ​ണ് നി​ർ​മി​ച്ചി​രി​ക്കു​ന്ന​ത്. മ​ല​നി​ര​ക​ളി​ൽ​നി​ന്ന് ല​ഭി​ക്കു​ന്ന പു​ല്ലും ക​ളി​മ​ണ്ണും ചേ​ർ​ത്ത് പ​ര​ന്പ​രാ​ഗ​ത നി​ർ​മാ​ണ​രീ​തി​യി​ൽ രൂ​പ​പ്പെ​ടു​ത്തു​ന്ന ഈ ​വീ​ടു​ക​ൾ ത​ണു​പ്പും ചൂ​ടും സ​ന്തു​ലി​ത​മാ​ക്കു​ന്ന പ്ര​കൃ​തി​ദ​ത്ത ശീ​തീ​ക​ര​ണ സം​വി​ധാ​നം ന​ൽ​കു​ന്നു. ഒ​റ്റ​നി​ല​യി​ൽ നി​ർ​മി​ച്ച ഭൂ​രി​ഭാ​ഗം മ​ണ്‍​വീ​ടു​ക​ളും ശീ​ത​കാ​ല പ​ച്ച​ക്ക​റി, പ​ഴ​വ​ർ​ഗ ഫാ​മു​ക​ൾ​ക്ക് സ​മീ​പ​മാ​ണ്. ഇ​ത് സ​ഞ്ചാ​രി​ക​ൾ​ക്ക് പ്ര​കൃ​തി​യു​ടെ മ​നോ​ഹാ​രി​ത​യോ​ടൊ​പ്പം കാ​ർ​ഷി​ക ജീ​വി​ത​ത്തി​ന്‍റെ ഏ​ടുകൂ​ടി പ​ക​ർ​ന്നു​ന​ൽ​കു​ന്നു.

വൈ​ദ്യു​തി, വൈ​ഫൈ, സു​ഖ​പ്ര​ദ​മാ​യ കി​ട​ക്ക​ക​ൾ, ശു​ചി​മു​റി​ക​ൾ എ​ന്നി​വ ഈ ​മ​ണ്‍​വീ​ടു​ക​ളി​ൽ ല​ഭ്യ​മാ​ണ്. എ​ന്നാ​ൽ, ഇ​വ​യു​ടെ നി​ർ​മാ​ണ​ച്ചെ​ല​വും പ​രി​പാ​ല​ന​ച്ചെ​ല​വും താ​ര​ത​മ്യേ​ന ഉ​യ​ർ​ന്ന​താ​ണെ​ങ്കി​ലും സ​ഞ്ചാ​രി​ക​ളു​ടെ തി​ര​ക്ക് കാ​ര​ണം ഈ ​മേ​ഖ​ല​യി​ൽ നൂ​റോ​ളം മ​ണ്‍​വീ​ടു​ക​ൾ ഇ​തി​നോ​ട​കം പ്ര​വ​ർ​ത്ത​നം ആ​രം​ഭി​ച്ചി​ട്ടു​ണ്ട്.

സ​ഞ്ചാ​രി​ക​ളു​ടെ ആ​ക​ർ​ഷ​ണം

മ​ണ്‍​വീ​ടു​ക​ൾ വി​ദേ​ശി​ക​ൾ ഉ​ൾ​പ്പെ​ടെ​യു​ള്ള സ​ഞ്ചാ​രി​ക​ൾ​ക്ക് വേ​റി​ട്ടൊ​രു അ​നു​ഭ​വ​മാ​ണ് ന​ൽ​കു​ന്ന​ത്. അ​ഞ്ചു​നാ​ടി​ന്‍റെ ശീ​ത​ളി​മ​യും ചു​റ്റു​മു​ള്ള മ​ല​നി​ര​ക​ളു​ടെ മ​നോ​ഹാ​രി​ത​യും മ​റ​യൂ​രി​ന്‍റെ ച​ന്ദ​ന​മ​ര​ങ്ങ​ളും കാ​ന്ത​ല്ലൂ​രി​ന്‍റെ ആ​പ്പി​ൾ തോ​ട്ട​ങ്ങ​ളും സ​ന്ദ​ർ​ശ​ക​ർ​ക്ക് പ്ര​കൃ​തി​യോ​ട് അ​ടു​ത്തി​ട​പ​ഴ​കാ​നു​ള്ള അ​വ​സ​രം ന​ൽ​കു​ന്നു. ശാ​ന്ത​മാ​യ അ​ന്ത​രീ​ക്ഷ​ത്തി​ൽ മ​ണ്‍​വീ​ടു​ക​ളി​ൽ താ​മ​സി​ച്ച് പ്ര​കൃ​തി​യു​ടെ ഭം​ഗി ആ​സ്വ​ദി​ക്കു​ന്ന​ത് ഏ​തൊ​രു യാ​ത്രി​ക​നും മ​റ​ക്കാ​നാ​വാ​ത്ത ഓ​ർ​മ​ക​ൾ സ​മ്മാ​നി​ക്കു​ന്നു.

ടൂ​റി​സ​ത്തി​ന് പു​ത്ത​ൻ ഉ​ണ​ർ​വ്

മ​റ​യൂ​ർ-​കാ​ന്ത​ല്ലൂ​ർ മേ​ഖ​ല​യി​ലെ ടൂ​റി​സം വ്യ​വ​സാ​യ​ത്തി​ന് മ​ണ്‍​വീ​ടു​ക​ൾ പു​തി​യൊ​രു മു​ഖം ന​ൽ​കി​യി​ട്ടു​ണ്ട്. പ​രി​സ്ഥി​തി സൗ​ഹൃ​ദ ടൂ​റി​സ​ത്തി​ന്‍റെ (ഇ​ക്കോ-​ടൂ​റി​സം) ഭാ​ഗ​മാ​യി ഈ ​മ​ണ്‍​വീ​ടു​ക​ൾ പ്രാ​ദേ​ശി​ക സ​മൂ​ഹ​ത്തി​ന് സാ​ന്പ​ത്തി​ക നേ​ട്ട​വും തൊ​ഴി​ൽ അ​വ​സ​ര​ങ്ങ​ളും ന​ൽ​കു​ന്നു. കൂ​ടാ​തെ, മ​റ​യൂ​ർ ച​ന്ദ​ന​ക്കാ​ടു​ക​ൾ, മു​നി​യ​റ​ക​ൾ, കാ​ന്ത​ല്ലൂ​ർ വെ​ള്ള​ച്ചാ​ട്ട​ങ്ങ​ൾ, തൂ​വാ​ൻ​പാ​റ, ല​ക്ഷ്മി ഹി​ൽ​സ് തു​ട​ങ്ങി​യ സ​മീ​പ​ത്തെ ആ​ക​ർ​ഷ​ണ​ങ്ങ​ൾ സ​ന്ദ​ർ​ശ​ക​ർ​ക്ക് യാ​ത്ര കൂ​ടു​ത​ൽ ആ​സ്വാ​ദ്യ​ക​ര​മാ​ക്കു​ന്നു.

സ​ഞ്ചാ​രി​ക​ളു​ടെ വ​ർ​ധി​ച്ചു​വ​രു​ന്ന താ​ത്പപ​ര്യം ക​ണ​ക്കി​ലെ​ടു​ത്ത് കൂ​ടു​ത​ൽ മ​ണ്‍​വീ​ടു​ക​ൾ ഈ ​മേ​ഖ​ല​യി​ൽ നി​ർ​മി​ക്കു​ന്നു​ണ്ട്. പ​രി​സ്ഥി​തി സം​ര​ക്ഷ​ണ​ത്തോ​ടൊ​പ്പം പ്രാ​ദേ​ശി​ക സം​സ്കാ​ര​വും പൈ​തൃ​ക​വും സ​ന്ദ​ർ​ശ​ക​ർ​ക്ക് പ​രി​ച​യ​പ്പെ​ടു​ത്തു​ന്ന​തി​ന് ഈ ​വീ​ടു​ക​ൾ വ​ലി​യ പ​ങ്കാ​ണ് വ​ഹി​ക്കു​ന്ന​ത്. കൂ​ടാ​തെ, മ​ണ്‍​വീ​ടു​ക​ളി​ൽ താ​മ​സി​ക്കു​ന്ന​വ​ർ​ക്ക് പ്രാ​ദേ​ശി​ക ഭ​ക്ഷ​ണ​വും (നാ​ട​ൻ ഭ​ക്ഷ​ണം) ല​ഭ്യ​മാ​കു​ന്ന​തി​നാ​ൽ ഇ​വി​ടത്തെ കാ​ർ​ഷി​ക ഉ​ത്പ​ന്ന​ങ്ങ​ൾ​ക്കും ഡി​മാ​ൻ​ഡ് വ​ർ​ധി​ക്കു​ന്നു.
Copyright @ 2018 , Rashtra Deepika Ltd.