അബ്കാരി കേസില് ഉപ്പുമാവ് ബാലൻ പിടിയിലായപ്പോൾ
സുല്ത്താന് ബത്തേരി: എക്സൈസ് ഉദ്യോഗസ്ഥര് കല്ലൂര് 67 ഭാഗത്ത് പരിശോധനയില് 12.5 ലിറ്റര് വിദേശമദ്യം പിടിച്ചെടുത്തു. പ്രദേശവാസി ഉപ്പുമാവ് ബാലനെ (59) അറസ്റ്റുചെയ്തു. ഇയാള് മദ്യംവിറ്റ് കൈവശം വച്ചിരുന്ന 4,200 രൂപ കസ്റ്റഡിയിലെടുത്തു.
പരാതിയുടെ അടിസ്ഥാനത്തില് അസിസ്റ്റന്റ് എക്സൈസ് ഇന്സ്പെക്ടര് കെ.വി. വിജയകുമാര്, പ്രിവന്റീവ് ഓഫീസര് എം.എം. ബിനുമോന്, സിവില് എക്സൈസ് ഓഫീസര്മാരായ നിക്കോളാസ് ജോസ്, കെ.യു. മുഹമ്മദ് നിഷാദ്, മനു കൃഷ്ണന്, ആദിത്യ മേനോന്, സിഇഒ ഡ്രൈവര് എന്.എം. അന്വര് സാദത്ത് എന്നിവരടങ്ങുന്ന സംഘമാണ് പരിശോധന നടത്തിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.