15

നേ​മം: ക​ല്ലി​യൂ​ര്‍ പ​ഞ്ചാ​യ​ത്തി​ലെ പ്ര​ധാ​ന റോ​ഡു​ക​ളി​ലൊ​ന്നാ​യ വെ​ള്ളാ​യ​ണി ശി​വോ​ദ​യം റോ​ഡി​ന്‍റെ പ​ല ഭാ​ഗ​ങ്ങ​ളി​ലും ടാ​റി​ള​കി പൊ​ട്ടി​പൊ​ളി​ഞ്ഞു മ​ഴ​യ​ത്ത് വെ​ള്ള​ക്കെ​ട്ട് രൂ​പ​പ്പെ​ട്ട​തി​നെ തു​ട​ര്‍​ന്ന് ഗ​താ​ഗ​ത​ ക്ലേശം രൂക്ഷമെന്ന് ആക്ഷേപം.

റോ​ഡി​ലെ വെ​ള്ള​ക്കെ​ട്ടു മൂലം കാ​ല്‍​ന​ട യാ​ത്ര പോ​ലും ബു​ദ്ധി​മു​ട്ടി​ലാ​യിരിക്കുകയാണ്. ദി​വ​സ​വും നി​ര​വ​ധി വാ​ഹ​ന​ങ്ങ​ളാ​ണ് ഈ ​റോ​ഡി​ലൂ​ടെ ക​ട​ന്നു​പോ​കു​ന്ന​ത്. വെ​ള്ളാ​യ​ണി ക്ഷേ​ത്രം റോ​ഡി​ല്‍നി​ന്നും വ​രു​ന്ന വാ​ഹ​ന​ങ്ങ​ളും ക​രു​മം പു​ഞ്ച​ക്ക​രി, പാ​പ്പാ​ന്‍​ചാ​ണി പ്ര​ദേ​ശ​ങ്ങ​ളി​ല്‍നി​ന്നു വ​രു​ന്ന വാ​ഹ​ന​ങ്ങ​ളും ക​ന്നു​കാ​ലി ചാ​ല്‍ ബ​ണ്ട് റോ​ഡുവ​ഴി വ​രു​ന്ന വാ​ഹ​ന​ങ്ങ​ളും ഇ​തു​വ​ഴി​യാ​ണ് ക​ട​ന്നു​പോ​കു​ന്ന​ത്.

ക​ഴി​ഞ്ഞ കു​റേ വ​ര്‍​ഷ​ങ്ങ​ളാ​യി ത​ക​ര്‍​ന്നു കി​ട​ന്നി​രു​ന്ന ശി​വോ​ദ​യം റോ​ഡി​ല്‍ ത​ദ്ദേ​ശ​സ്വ​യം​ഭ​ര​ണ തെര​ഞ്ഞെ​ടു​പ്പി​നു മു​മ്പ് അ​റ്റ​കു​റ്റ പ​ണി​ക​ള്‍ ന​ട​ത്തി​യെ​ങ്കി​ലും പൂ​ര്‍​ണമാ​യും പ​ണി ചെ​യ്തി​ല്ല. റോ​ഡി​ന്‍റെ ചി​ല ഭാ​ഗ​ങ്ങ​ളി​ല്‍ മാ​ത്രം ത​റ​യോ​ട് പാ​കു​ക​ മാത്രമാണു ചെ​യ്ത​ത്. ബാ​ക്കി ഭാ​ഗ​ങ്ങ​ള്‍ ഇ​പ്പോ​ഴും ശോ​ച്യാവ​സ്ഥ​യി​ലാ​ണെ​ന്നു നാ​ട്ടു​കാ​ര്‍ പ​റ​യു​ന്നു.

വെ​ള്ളാ​യ​ണി ശി​വോ​ദ​യം ക്ഷേ​ത്ര​ത്തി​നു മു​ന്നി​ല്‍ വ​ലി​യ കു​ഴി​യും വെ​ള്ള​ക്കെ​ട്ടു​മാ​ണ് രൂ​പ​പ്പെ​ട്ടി​രി​ക്കു​ന്ന​ത്. വാ​ഹ​ന യാ​ത്ര​ക്കാ​രു​ടെ എ​ണ്ണം കൂ​ടി​യി​ട്ടും റോ​ഡി​ന്‍റെ സ്ഥി​തി മാ​റി​യി​ട്ടി​ല്ല. വെ​ള്ളം കെ​ട്ടിനി​ന്ന് ടാ​റും മെ​റ്റ​ലു​മി​ള​കി ഉ​ണ്ടാ​യ വ​ന്‍ കു​ഴി​ക​ളി​ല്‍ വീ​ണ് ഇ​രു​ച​ക്ര വാ​ഹ​ന യാ​ത്ര​ക്കാ​രാ​ണ് കൂ​ടു​ത​ല്‍ ദു​രി​ത​ത്തി​ലാ​കു​ന്ന​ത്.

റോ​ഡ​രി​കി​ലെ താ​മ​സ​ക്കാ​രും ബു​ദ്ധി​മു​ട്ടു​ക​യാ​ണ്. റോ​ഡ് ത​ക​ര്‍​ന്ന് പ​ല​രു​ടെ​യും വീ​ടി​ന്‍റെ ഗേ​റ്റി​ന​രി​കി​ല്‍ വെ​ള്ളം കെ​ട്ടി നി​ല്‍​ക്കു​ക​യാ​ണ്. ഇ​വ​ര്‍​ക്ക് വീ​ടി​നു പു​റ​ത്തി​റ​ങ്ങാ​ന്‍ ക​ഴി​യാ​ത്ത സ്ഥി​തി​യാ​ണ്. നി​ര​വ​ധി​പേ​ര്‍ സ​ന്ദ​ര്‍​ശി​ക്കാ​നെത്തുന്ന കി​രീ​ടം പാ​ല​ത്തി​നോ​ടു ചേ​ര്‍​ന്നു​ള്ള റോ​ഡി​ന്‍റെ ഭാ​ഗ​ങ്ങ​ളാ​ണ് ത​ക​ര്‍​ന്ന് കു​ഴി​ക​ളാ​യി ക​ടി​ക്കു​ന്ന​ത്. റോ​ഡി​ന്‍റെ ശോ​ച്യാ​വ​സ്ഥ പ​രി​ഹ​രി​ക്കാ​ന്‍ പു​തി​യ ജ​ന​പ്ര​തി​നി​ധി​ക​ളും പ​ഞ്ചാ​യ​ത്തും ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ടു​ന്നു.

Tags : Local News Nattuvishesham Thiruvananthapuram