‌കാ​ഞ്ഞി​ര​പ്പ​ള്ളി: റോ​ഡി​ൽ ക​ള​ഞ്ഞു​കി​ട്ടി​യ ര​ണ്ട​ര ല​ക്ഷം രൂ​പ ഉ​ട​മ​യെ ക​ണ്ടെ​ത്തി തി​രി​കെ ന​ൽ​കി മാ​തൃ​ക​യാ​യി​രി​ക്കു​ക​യാ​ണ് കാ​ഞ്ഞി​ര​പ്പ​ള്ളി സ്വ​ദേ​ശി കൊ​ച്ചു​കു​ന്ന​ത്ത് എ.​കെ. ബാ​ബു. കൂ​വ​പ്പ​ള്ളി - കാ​രി​കു​ളം റോ​ഡി​ൽ​നി​ന്നാ​ണ് ത​ടി​വ്യാ​പാ​രി​യാ​യ ബാ​ബു​വി​ന് പ​ണ​മ​ട​ങ്ങി​യ പ​ഴ്സ് ല​ഭി​ച്ച​ത്. തു​റ​ന്നു​നോ​ക്കി​യ​പ്പോ​ൾ ഏ​ക​ദേ​ശം ര​ണ്ട​ര ല​ക്ഷം രൂ​പ​യു​ണ്ടാ​യി​രു​ന്നെ​ങ്കി​ലും ഉ​ട​മ​യെ​ക്കു​റി​ച്ചു​ള്ള വ്യ​ക്ത​മാ​യ വി​വ​ര​ങ്ങ​ളൊ​ന്നും പ​ഴ്സി​ലു​ണ്ടാ​യി​രു​ന്നി​ല്ല. എ​ന്നാ​ൽ, കൂ​വ​പ്പ​ള്ളി സ​ർ​വീ​സ് സ​ഹ​ക​ര​ണ ബാ​ങ്കി​ന്‍റെ ഒ​രു ര​സീ​ത് പ​ഴ്സി​ൽ​നി​ന്ന് ല​ഭി​ച്ചു. ഇ​താ​ണ് ഉ​ട​മ​യെ ക​ണ്ടെ​ത്താ​ൻ സ​ഹാ​യ​ക​മാ​യ​ത്.

തു​ട​ർ​ന്ന് ബാ​ബു ബാ​ങ്കു​മാ​യി ബ​ന്ധ​പ്പെ​ട്ടു ന​ട​ത്തി​യ അ​ന്വേ​ഷ​ണ​ത്തി​ൽ കൂ​വ​പ്പ​ള്ളി ക​ണ​യാ​ർ​പു​ര​യി​ടം ത​ങ്ക​ച്ച​ൻ സ്വ​ർ​ണം പ​ണ​യം​വ​ച്ച് ര​ണ്ട​ര ല​ക്ഷം രൂ​പ വാ​യ്പ​യെ​ടു​ത്ത​താ​യി ക​ണ്ടെ​ത്തി. ബാ​ങ്കി​ന്‍റെ സ​ഹാ​യ​ത്തോ​ടെ ത​ങ്ക​ച്ച​ന്‍റെ മ​ക​ന്‍റെ ഫോ​ൺ ന​മ്പ​ർ സം​ഘ​ടി​പ്പി​ച്ച് വി​വ​ര​മ​റി​യി​ക്കു​ക​യാ​യി​രു​ന്നു.

മ​ക​ന് ന​ൽ​കാ​നാ​യി പി​താ​വ് സ്വ​ർ​ണം പ​ണ​യം​വ​ച്ച് എ​ടു​ത്ത പ​ണ​മാ​യി​രു​ന്നു ഇ​ത്. വാ​ഹ​ന​ത്തി​ൽ യാ​ത്ര ചെ​യ്യു​ന്ന​തി​നി​ടെ പ​ണം ന​ഷ്ട​പ്പെ​ടു​ക​യാ​യി​രു​ന്നു. പ​ണം ന​ഷ്ട​പ്പെ​ട്ട വി​വ​രം കു​ടും​ബം അ​റി​ഞ്ഞി​രു​ന്നു​മി​ല്ല. തു​ട​ർ​ന്ന് ബാ​ങ്ക് അ​ധി​കൃ​ത​രു​ടെ സാ​ന്നി​ധ്യ​ത്തി​ൽ ബാ​ബു മു​ഴു​വ​ൻ തു​ക​യും ത​ങ്ക​ച്ച​ന് കൈ​മാ​റി. പ​ണ​ത്തേ​ക്കാ​ൾ വി​ല​മ​തി​ക്കേ​ണ്ട​ത് സ​ത്യ​സ​ന്ധ​ത​യ്ക്കും മ​നു​ഷ്യ​ത്വ​ത്തി​നു​മാ​ണെ​ന്ന സ​ന്ദേ​ശ​മാ​ണ് ബാ​ബു​വി​ന്‍റെ പ്ര​വൃ​ത്തി ന​ൽ​കു​ന്ന​ത്.

Tags :