കല്പ്പറ്റയില് വയനാട് ചില്ഡ്രന്സ് സമ്മിറ്റ് പ്രിന്സിപ്പല് ഡിസ്ട്രിക്ട് ആന്ഡ് സെഷന്സ് ജഡ്ജി ഇ. അയ്യൂബ് ഖാന് ഉദ്ഘാടനം ചെയ്യുന്നു.
കല്പ്പറ്റ: ലോക ശിശുദിനാഘോഷത്തിന്റെ ഭാഗമായി ജില്ലാ ലീഗല് സര്വീസസ് അഥോറിറ്റിയും സന്നധ സംഘടന ഗ്രാമിന് വയനാടും സംയുക്തമായി ടൗണ് ചര്ച്ച് ഹാളില് ചില്ഡ്രസ് സമ്മിറ്റ്-2കെ26 സംഘടിപ്പിച്ചു. പ്രിന്സിപ്പല് ഡിസ്ട്രിക്ട് ആന്ഡ് സെഷന്സ് ജഡ്ജി ഇ. അയ്യൂബ് ഖാന് ഉദ്ഘാടനം ചെയ്തു. ജില്ലാ വിദ്യാഭ്യാസ ഓഫിസ് നിര്ദേശിച്ച 11 വിദ്യാലയങ്ങളില്നിന്നുള്ള ഹയര് സെക്കന്ഡറി വിദ്യാര്ഥികള്, സന്നധ പ്രവര്ത്തകര്, വിവിധ വകുപ്പ് പ്രതിനിധികള് ഉള്പ്പടെ 300 ഓളം പേര് പങ്കെടുത്തു.
കുട്ടികളുടെ ക്ഷേമം, സുരക്ഷ, അടിസ്ഥാന സൗകര്യങ്ങള്, മെച്ചപ്പെട്ട സാമൂഹികാന്തരീക്ഷം എന്നിവയുമായി ബന്ധപ്പെട്ട് വിദ്യാര്ഥികള് ഉന്നയിച്ച ചോദ്യങ്ങള്ക്ക് ഡിഎല്എസ്എ ജില്ലാ സെക്രട്ടറിയും സിവില് ജഡ്ജുമായ ആര്. അനിത, ഇലക്ഷന് ഡെപ്യൂട്ടി കളക്ടര് സി. ബിജു, നര്കോട്ടിക് സെല് ആന്ഡ് ജെന്ഡര് ജസ്റ്റീസ് ഡിവൈഎസ്പി ആര്. മനോഹരന്, റീജണല് ട്രാന്സ്പോര്ട്ട് ഓഫിസര് പി.ആര്. സുമേഷ്, അസിസ്റ്റന്റ് എക്സൈസ് കമ്മിഷണര് സജിത്ത് ചന്ദ്രന്, ആര്സിഎച്ച് ഓഫിസര് ഡോ. എന്.കെ. ഷീജ, ജില്ലാ ശിശുസംരക്ഷണ ഓഫിസര് കാര്ത്തിക അന്ന തോമസ്, ജില്ലാ പഞ്ചായത്ത് സീനിയര് സൂപ്രണ്ട് എന്.എ. ജയരാജന്, ഐടിഡിപി സ്റ്റാറ്റിസ്റ്റിക്കല് അസിസ്റ്റന്റ് പി.ആര്. രാജേന്ദ്രന്, ഗ്രാമിന് ഡയറക്ടര് റീന വര്ഗീസ് എന്നിവരടങ്ങുന്ന പാനല് മറുപടി നല്കി.
കുട്ടികളുടെ അവകാശ പ്രവര്ത്തകനും കോഴിക്കോട് മുക്കം ഡോണ് ബോസ്കോ കോളജ് അസി. പ്രഫസറുമായ വി.ജെ. ജെന്സണ് വിദ്യാര്ഥി-ഉദ്യോഗസ്ഥ സംവാദം നിയന്ത്രിച്ചു. കുട്ടികള്ക്ക് സുരക്ഷിതവും സൗഹാര്ദപരവുമായ സാമൂഹികാന്തരീക്ഷം ഒരുക്കുന്നതിനുള്ള ആശയങ്ങളും നിര്ദേശങ്ങളും ചര്ച്ച ചെയ്തു. വിദ്യാര്ഥികള്ക്ക് സര്ട്ടിഫിക്കറ്റ് വിതരണം ചെയ്തു.
Tags : Children's Summit Held Nattuvishesham DistrictNews