പാറശാല: കേരള സ്റ്റേറ്റ് ജവഹര് ബാലഭവനില് ശിശുദിനാഘോഷം ബാലഭവന് അഡ്മിനിസ്ട്രേറ്റീവ് ഓഫീസറും സാംസ്കാരിക വകുപ്പ് അഡീഷണല് സെക്രട്ടറിയുമായ കെ. ജനാർദനന് ഉദ്ഘാടനം ചെയ്തു. ബാലഭവന് പ്രിന്സിപ്പല് ഇന് ചാര്ജ് എം.എസ്.
അജിതകുമാരി അധ്യക്ഷത വഹിച്ചു. എക്സിക്യൂട്ടീവ് ഓഫീസര് പി. റോബിന്സണ് സ്വാഗതവും അധ്യാപിക അജിത പി.എസ്. നന്ദിയും അറിയിച്ചു. കലാസാഹിത്യ മത്സരങ്ങളിലെ വിജയികള്ക്കുള്ള സമ്മാനദാനവും സര്ട്ടിഫിക്കേറ്റ് വിതരണവും ചടങ്ങില് നടന്നു. കുട്ടികളുടെ പ്രധാനമന്ത്രിയായി മാസ്റ്റര് അയാന് ഹാരിസിനെ തെരഞ്ഞെടുത്തു. സത്യമാനസ ശിശുദിന സന്ദേശം നല്കി. ബാലഭവന് വിദ്യാര്ഥികള് അവതരിപ്പിച്ച വിവിധ കലാപരിപാടികളോടെ ശിശുദിനാഘോഷം സമാപിച്ചു.
Tags : Jawaharlal Balabhavan Nttuvishesham Districtnews