ചെ​റു​തോ​ണി: വി​ശി​ഷ്ട സേ​വ​ന​ത്തി​ന് മു​ഖ്യ​മ​ന്ത്രി​യു​ടെ പൊ​ലി​സ് മെ​ഡ​ലി​ന് അ​ർ​ഹ​യാ​യ സി​വി​ൽ പൊ​ലി​സ് ഓ​ഫിസ​ർ ധ​ന്യ മോ​ഹ​ൻ ഇ​ന്ന് മു​ഖ്യ​മ​ന്ത്രി​യി​ൽനി​ന്നു മെ​ഡ​ൽ ഏ​റ്റു​വാ​ങ്ങും. അ​വാ​ർ​ഡി​ന് അ​ർ​ഹ​യാ​യ സം​സ്ഥാ​ന​ത്തെ ഏ​റ്റ​വും പ്രാ​യം കു​റ​ഞ്ഞ സി​പി​ഒയാ​ണ് ഇ​ടു​ക്കി വ​നി​താ പൊ​ലി​സ് സ്റ്റേ​ഷ​നി​ലെ ധ​ന്യ മോ​ഹ​ൻ.​

തി​രു​വ​ന​ന്ത​പു​ര​ത്ത് ന​ട​ക്കു​ന്ന കേ​ര​ള​പ്പി​റ​വി ദി​ന ച​ട​ങ്ങി​ലാ​ണ് വി​ശി​ഷ്ട സേ​വ​ന​ത്തി​നു​ള്ള മു​ഖ്യ​മ​ന്ത്രി​യു​ടെ പൊ​ലി​സ് മെ​ഡ​ൽ സ​മ്മാ​നി​ക്കു​ന്ന​ത്. വാ​ത്തി​ക്കു​ടി പ​ഞ്ചാ​യ​ത്തി​ലെ രാ​ജ​മു​ടി ചൂ​ര​ക്കു​ഴി​യി​ൽ മോ​ഹ​ന​ന്‍റെ​യും കു​മാ​രി​യു​ടെ​യും മ​ക​ളാ​യ ധ​ന്യ മോ​ഹ​ൻ ഉ​യ​ർ​ന്ന മാ​ർ​ക്കോ​ടെ എം​ബി​എ ബി​രു​ദം ക​സ്ഥ​മാ​ക്കി​യി​രു​ന്നു. 2014 ലാ​ണ് കേ​ര​ള പൊ​ലി​സി​ൽ ചേ​ർ​ന്ന​ത്. ക​ഴി​ഞ്ഞ 12 വ​ർ​ഷ​ത്തെ സേ​വ​ന​ത്തി​നി​ടെ നി​ര​വ​ധി ശ്ര​ദ്ധേ​യ​മാ​യ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി.

2023ലും 2024​ലും ജി​ല്ല​യി​ലെ മി​ക​ച്ച ചൈ​ൽ​ഡ് വെ​ൽ​ഫെ​യ​ർ ഓ​ഫിസ​ർ​ക്കു​ള്ള അ​വാ​ർ​ഡി​നും അ​ർ​ഹ​യാ​യി​രു​ന്നു. ഇ​തേത്തു​ട​ർ​ന്ന് ജി​ല്ല​യി​ലെ മി​ക​ച്ച ചൈ​ൽ​ഡ് ഫ്ര​ണ്ട്‌​ലി പൊ​ലി​സ് സ്റ്റേ​ഷ​നാ​യി മു​രി​ക്കാ​ശേ​രി സ്റ്റേ​ഷ​ൻ തെ​ര​ഞ്ഞെ​ടു​ക്ക​പ്പെ​ടു​ക​യും ചെ​യ്തു. സോ​ഷ്യ​ൽ പൊ​ലി​സിം​ഗു​മാ​യി ബ​ന്ധ​പ്പെ​ട്ടു​ള്ള നി​ര​വ​ധി പ്ര​വ​ർ​ത്ത​ന​ങ്ങ​ൾ, സ്റ്റു​ഡ​ന്‍റ്സ് പൊ​ലി​സ് കേ​ഡ​റ്റ് ക്യാ​മ്പ് പ്ര​വ​ർ​ത്ത​ന​ങ്ങ​ൾ, ക്രൈം ​ഇ​ൻ​വെ​സ്റ്റി​ഗേ​ഷ​ൻ, കോ​ട​തി ഉ​ത്ത​ര​വു​ക​ൾ സ​മ​യ​ബ​ന്ധി​ത​മാ​യി ന​ട​പ്പാ​ക്കു​ന്ന​തി​ലെ ഉ​ത്ത​ര​വാ​ദി​ത്വ​ബോ​ധം, ഓ​ഫിസ് പ്ര​വ​ർ​ത്ത​ന​ങ്ങ​ളി​ലെ കൃ​ത്യ​ത എ​ന്നി​വ​യെ​ല്ലാം പ​രി​ഗ​ണി​ച്ചാ​ണ് മു​ഖ്യ​മ​ന്ത്രി​യു​ടെ പൊ​ലി​സ് മെ​ഡ​ലി​നാ​യി തെ​ര​ഞ്ഞെ​ടു​ത്ത​ത്.

ജോ​ലി​യു​മാ​യി ബ​ന്ധ​പ്പെ​ട്ടു​ള്ള ത​ന്‍റെ ഉ​ത്ത​ര​വാ​ദി​ത്വ​ങ്ങ​ൾ നി​ർ​വഹി​ച്ച ശേ​ഷം ല​ഭി​ക്കു​ന്ന ഇ​ട​വേ​ള​ക​ൾ പാ​ഴാ​ക്കാ​തെ നി​ര​വ​ധി സാ​മൂ​ഹി​ക അ​വ​ബോ​ധ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി ക്ലാ​സു​ക​ളും ന​യി​ച്ചി​രു​ന്നു. ബി​സി​ന​സ് മേ​ഖ​ല​യി​ൽ പ്ര​വ​ർ​ത്തി​ച്ചു​വ​രു​ന്ന ശ്യാം ​കെ. പ്ര​കാ​ശാ​ണ് ഭ​ർ​ത്താ​വ്. ഗൗ​തം കൃ​ഷ്ണ​യും ഗാ​യ​ത്രി ദേ​വി​യു​മാ​ണ് മ​ക്ക​ൾ.

Tags :