നെയ്യാർഡാമിലെ സംസ്കാരികഘോഷയാത്രയിൽ നിന്ന്
നെയ്യാർഡാം: നിശ്ചലദൃശ്യങ്ങളും കളരിപ്പയറ്റും നൃത്തരൂപങ്ങളുമായി നെയ്യാർഡാമിലെ ഓണം സാംസ്കാരിക ഘോഷയാത്ര കാണികൾക്ക് കാഴ്ചയുടെ വിസ്മയമൊരുക്കി. ഇന്നലെ വൈകുന്നേരം മന്ത്രി പി.സി. വിഷ്ണുനാഥ് ഘോഷയാത്ര ഫ്ളാഗ് ഓഫ് ചെയ്തു. സി.കെ. ഹരീന്ദ്രൻ എം എൽ എ അധ്യക്ഷനായി.
കള്ളിക്കാട് പഞ്ചായത്ത് പ്രസിഡന്റ് വിനോദ് കുമാർ അടക്കം നിരവധി ജനപ്രതിനിധികൾ പങ്കെടുത്തു. വിവിധ നാടൻ കലാരൂപങ്ങളും ഘോഷയാത്രയിൽ അണിചേർന്നു.
നെയ്യാർഡാം മുതൽ കള്ളിക്കാട് വരെ റോഡിനിരുവശവും നൂറുകണക്കിന് പേരാണ് ഘോഷയാത്ര കാണാനായി എത്തിയത്. തുടർന്ന് കലാപരിപാടികളും ഉണ്ടായിരുന്നു. കുറ്റിച്ചൽ, കോട്ടൂർ പ്രദേശങ്ങളിലും ഓണാഘോഷം വൈദ്യുത ദീപാലങ്കാരങ്ങൾ കൊണ്ടും നിറകാഴ്ചകൾ കൊണ്ടും സമ്പന്നമായി മാറി.