തോമസ് പടിയറ, സെറ മറിയം
ആനിക്കാട്: ജില്ലാ ഗണിതശാസ്ത്രമേളയിൽ ടീച്ചിംഗ് എയ്ഡ് വിഭാഗത്തിൽ ഒന്നാം സ്ഥാനം നേടി അച്ഛനും വർക്കിംഗ് മോഡൽ വിഭാഗത്തിൽ ഒന്നാം സ്ഥാനം നേടി മകളും സംസ്ഥാന ഗണിതശാസ്ത്രമേളയിലേക്ക്.
ആനിക്കാട് സെന്റ് തോമസ് ഹൈസ്കൂൾ അധ്യാപകൻ തോമസ് പടിയറയും അതേ സ്കൂളിലെ ഒന്പതാം ക്ലാസ് വിദ്യാർഥിനി സെറ മറിയവുമാണ് സംസ്ഥാന ശാസ്ത്രോത്സവത്തിൽ മത്സരിക്കുന്നത്. ഗണിതാശയങ്ങൾ ലളിതമായി കുട്ടികളിലെത്തിക്കാനുള്ള വിവിധ ടീച്ചിംഗ് എയ്ഡുകൾ അവതരിപ്പിച്ചാണ് തോമസ് ജില്ലയിൽ ഒന്നാമതെത്തിയത്.
സംസ്ഥാന തലമത്സരത്തിൽ അഞ്ചാം തവണയാണ് മത്സരിക്കുന്നത്. വൃത്തങ്ങളുമായി ബന്ധപ്പെട്ട ഗണിതാശയങ്ങൾ അവതരിപ്പിച്ചാണ് സെറ മുന്നേറിയത്. ആദ്യമായാണ് മത്സരത്തിൽ പങ്കെടുക്കുന്നത്. 19ന് പാലക്കാട് നടക്കുന്ന സംസ്ഥാനതല മത്സരത്തിൽ പങ്കെടുക്കാനുള്ള തയാറെടുപ്പിലാണ് ഇരുവരും.