വെള്ളരിക്കുണ്ട്: കാസര്ഗോഡ് ജില്ലയിലെ പ്രമുഖ തീര്ഥാടനകേന്ദ്രമായ മാവുള്ളാല് വിശുദ്ധ യൂദാ തദേവൂസിന്റെ തീര്ഥാടന പള്ളിയില് നവനാള് തിരുക്കര്മങ്ങളും തിരുനാള് ആഘോഷങ്ങളും നാളെ മുതല് 29 വരെ നടക്കും.
ഇന്നു വൈകുന്നേരം 5.30നു പുതിയ കൊടിമരത്തിന്റെ വെഞ്ചരിപ്പ് കര്മം ഫാ.ഡോ. ജോസഫ് വാരണത്ത് നിര്വഹിക്കും. നാളെ പുലര്ച്ചെ 5.45ന് വെള്ളരിക്കുണ്ട് ഫൊറോന വികാരി ഫാ. ഡോ. ജോണ്സണ് അന്ത്യാംകുളം തിരുനാള് ആഘോഷത്തിന് കൊടിയേറ്റും. എല്ലാ ദിവസവും രാവിലെ 6.00, 8.00, 11.00, ഉച്ചകഴിഞ്ഞ് 2.30, വൈകുന്നേരം 7.00 എന്നിങ്ങനെയാണ് തിരുനാള് തിരുക്കര്മങ്ങളുടെ സമയക്രമം. വിവിധ ദിവസങ്ങളിലെ തിരുക്കര്മങ്ങള്ക്ക് ഫാ. ജേക്കബ് കാശാംകാട്ടില്, ഫാ. ദേവസ്യ പൊട്ടക്കുളത്തില്, ഫാ. വിനോദ് ഇട്ടിയപ്പാറ, ഫാ. ജോര്ജ് വള്ളിമല, ഫാ.മാത്യു പൂവശേരില്, ഫാ. ജോസഫ് പൗവ്വത്ത്, ഫാ. ഷാജി കണിയാംപറമ്പില്, ഫാ. ജിന്സ് പ്ലാവുനില്ക്കുംപറമ്പില്, ഫാ. റ്റിന്സണ് കാനക്കാട്ട്, ഫാ. ജ്യോതിസ് കോട്ടയില്, മോണ്. മാത്യു ഇളംതുരുത്തിപ്പടവില്, ഫാ. ഏലിയാസ് എടൂക്കുന്നേല്, ഫാ. നിഖില് ജോണ് ആട്ടുകാരന്, ഫാ.ജോണ് മുള്ളന്കുഴിയില്, ഫാ.അജിത് പെരിങ്ങല്ലൂര്, ഫാ. ഡോ. തോമസ് മേല്വെട്ടം, ഫാ. തോമസ് പാണാകുഴിയില്, ഫാ. മാത്യു കായാമ്മാക്കല്, ഫാ. ചാക്കോ കുടിപ്പറമ്പില്, ഫാ. ജോബി വട്ടമല, ഫാ. തോമസ് വള്ളിയില്, ഫാ. ജോസഫ് പാലക്കീല്, ഫാ. ജോസഫ് കൊട്ടാരം, ഫാ. വര്ഗീസ് കളപ്പുരയ്ക്കല്, ഫാ. പോള് മുണ്ടയ്ക്കല്, ഫാ. ഐസക്ക് മറ്റത്തില്, ഫാ. ബിജു ഇളംപച്ചംവീട്ടില്, ഫാ. മൈക്കിള് മഞ്ഞക്കുന്നേല്, ഫാ. ജയിംസ് മുന്നാനപ്പള്ളി, ഫാ. ജോയ്സ് കാരിക്കാതടത്തില്, ഫാ. ജയിംസ് പുത്തന്നട, ഫാ. ഡോ. സന്തോഷ് നെടുങ്ങാട്ട്, ഫാ. സുനീഷ് പുതുക്കുളങ്ങര, ഫാ. ജോസഫ് തൈക്കുന്നുംപുറം എന്നിവര് കാര്മികത്വം വഹിക്കും.
തിരുനാള്ദിനമായ 29നു രാവിലെ 10ന് നടക്കുന്ന തിരുക്കര്മങ്ങള്ക്ക് തലശേരി ആര്ച്ച് ബിഷപ് മാര് ജോസഫ് പാംപ്ലാനി കാര്മികത്വംവഹിക്കും. ഉച്ചയ്ക്കു 12നു കൂരാംകുണ്ട് ഗ്രോട്ടോയിലേക്ക് നഗരി കാണിക്കല് പ്രദക്ഷിണം. തുടര്ന്ന് മാവുള്ളാല് പള്ളിയില് തിരുശേഷിപ്പ് ആശീര്വാദം, പാച്ചോര് നേര്ച്ച. തിരുനാള് ദിവസങ്ങളില് രാവിലെ 7.30 മുതല് ഉച്ചയ്ക്കു 12.30 വരെയും ഉച്ചകഴിഞ്ഞ് 2.30 മുതല് വൈകുന്നേരം ഏഴുവരെയും കുമ്പസാരിക്കുന്നതിന് സൗകര്യമുണ്ടായിരിക്കും. 25, 26, 27 തീയതികളില് വൈകുന്നേരം നാലു മുതല് ഏഴു വരെ പരിയാരം മദര് ഹോം ധ്യാനകേന്ദ്രം നയിക്കുന്ന ബൈബിള് കണ്വെന്ഷന് ഉണ്ടായിരിക്കും. പത്രസമ്മേളനത്തില് ഫാ.ഡോ. ജോണ്സണ് അന്ത്യാംകുളം, ജോസ് വടക്കേപറമ്പില്, ജോസഫ് കുമ്മിണിയില്, ടോമി ചോരേട്ട്, മാത്യു മണിയംമാക്കല്, മാത്യു കളത്തൂര്, ജോസ് സെബാസ്റ്റ്യന് നരിക്കുഴി, അഡ്വ. ബിജോ തണ്ണിപ്പാറ, തങ്കച്ചന് കുന്നുംപുറം എന്നിവര് സംബന്ധിച്ചു.
Tags : Mavullal Pilgrimage Church Nattuvishesham DistrictNews