കോട്ടയം: ക്രിസ്തുരാജ ക്നാനായ കത്തോലിക്കാ മെത്രാപ്പോലീത്തന് കത്തീഡ്രലില് ക്രിസ്തുരാജന്റെ രാജത്വതിരുനാളും ദിവ്യകാരുണ്യ ആരാധനയും 20 മുതല് 22 വരെ ആഘോഷിക്കും.
20നു വൈകുന്നേരം 5.45ന് കോട്ടയം ആര്ച്ച്ബിഷപ് മാര് മാത്യു മൂലക്കാട്ട് കത്തീഡ്രലില് പുതുതായി പണികഴിപ്പിച്ച കൊടിമരം വെഞ്ചരിച്ച് കൊടിയേറ്റുന്നതോടെ തിരുനാളാഘോഷങ്ങള്ക്ക് തുടക്കമാകും. വികാരി ഫാ. ഡോ. തോമസ് ആദോപ്പിള്ളില് ലദീഞ്ഞിന് നേതൃത്വം നല്കും. തുടര്ന്ന് ചുങ്കം ഫൊറോന വികാരി ഫാ. സ്റ്റീഫന് കണ്ടാരപ്പള്ളിയുടെ കാര്മികത്വത്തില് വിശുദ്ധ കുര്ബാനയും അസി. വികാരി ഫാ. സിജോ ആല്പ്പാറയിലിന്റെ നേതൃത്വത്തില് ക്രിസ്തുരാജന്റെ നൊവേനയും നടക്കും.
21നു രാവിലെ ഏഴിന് ആര്ച്ച്ബിഷപ് മാര് മാത്യു മൂലക്കാട്ടിന്റെ കാര്മികത്വത്തില് വിശുദ്ധ കുര്ബാനയോടെ ദിവ്യകാരുണ്യ ആരാധന സമാരംഭിക്കും. ഉച്ചകഴിഞ്ഞ് 3.15ന് ക്രിസ്തുരാജന്റെ നൊവേനയ്ക്ക് അതിരൂപ പ്രൊക്യുറേറ്റര് ഫാ. ഏബ്രഹാം പറമ്പേട്ട് നേതൃത്വം നല്കും. തുടര്ന്ന് അതിരൂപത സഹായമെത്രാന് ബിഷപ് ഗീവര്ഗീസ് മാര് അപ്രേം ദിവ്യകാരുണ്യ പ്രദക്ഷിണത്തിനും ആശീര്വാദത്തിനും നേതൃത്വം നല്കും. വൈകുന്നേരം 6.30ന് ബിസിഎം ഓഡിറ്റോറിയത്തില് കലാസന്ധ്യ. കാരിത്താസ് ഹോസ്പിറ്റല് ഡയറക്ടര് ഫാ. ഡോ. ബിനു കുന്നത്ത് വിശിഷ്ടാതിഥിയായിരിക്കും. രാത്രി 8.30ന് സ്നേഹവിരുന്ന്.
22നു രാവിലെ ഏഴിന് വികാരി ഫാ. തോമസ് ആദോപ്പിള്ളിലിന്റെ കാര്മികത്വത്തില് വിശുദ്ധ കുര്ബാന. 9.30ന് തിരുനാള് റാസ കാരിത്താസ് ആശുപത്രി ജോയിന്റ് ഡയറക്ടര് ഫാ. ജോണ് പൂച്ചക്കാട്ടിൽ മുഖ്യകാര്മികത്വം വഹിക്കും. ഫാ. ജിബില് കാലായില്കരോട്ട്, ഫാ. ജോസ് കറുകപ്പറമ്പില്, ഫാ. ജസ്റ്റിന് പെരുമ്പളത്തുശേരില്, ഫാ. റിന്ഷോ കട്ടേല് എന്നിവര് സഹകാര്മികരായിരിക്കും.
അതിരൂപത ഫാമിലി കമ്മീഷന് ചെയര്മാന് ഫാ. ഡോ. ജോണ് ചേന്നാകുഴി തിരുനാള് സന്ദേശം നല്കും. 11.30ന് പ്രദക്ഷിണം. ഫാ. സ്റ്റീഫന് തേവര്പറമ്പില് കാര്മികത്വം വഹിക്കും. 12.15ന് വിശുദ്ധ കുര്ബാനയുടെ ആശിര്വാദം ഫാ. സൈമണ് പുല്ലാട്ട്. വികാരി ഫാ. തോമസ് ആദോപ്പിള്ളില്, അസി. വികാരി ഫാ. സിജോ ആല്പ്പാറയില്, പ്രസുദേന്തിമാരായ ജേക്കബ് സ്റ്റീഫന് പുളിമൂട്ടില്, സ്റ്റീവ് സ്റ്റീഫന് പുളിമൂട്ടില്, കൈക്കാരന്മാരായ ജോര്ജ് മളിയേക്കല്, റോയി പുത്തന്പറമ്പില്, പാരിഷ് കൗണ്സില് അംഗങ്ങള് എന്നിവരുടെ നേതൃത്വത്തിലാണ് തിരുനാള് ക്രമീകരണങ്ങള് ഒരുക്കിയിരിക്കുന്നത്.
Tags : Christ the King Cathedral, Nttuvishesham Districtnews