വി​ഴി​ഞ്ഞം: സെ​പ്റ്റിക് ​ടാ​ങ്ക് കു​ഴി​യി​ൽവീ​ണ ഗ​ർ​ഭി​ണിയായ പ​ശു​വി​നെ ഫ​യ​ർ ആൻഡ് റെ​സ്ക്യൂ സേ​ന സാ​ഹ​സി​ക​മാ​യി ര​ക്ഷ​പ്പെ​ടു​ത്തി.​ വെ​ണ്ണി​യൂ​ർ വ​ട​ക്ക​രി​ക​ത്തു വീ​ട്ടി​ൽ മോ​ഹ​ന​കു​മാ​റി​ന്‍റെ ഉ​ട​മ​സ്ഥ​ത​യി​ലു​ള്ള പ​ശു​വാ​ണ്, സെ​പ്റ്റി​ക് ടാ​ങ്കി​നാ​യി എ​ടു​ത്ത 30 അ​ടി​യോ​ളം താ​ഴ്ച​യു​ള്ള കു​ഴി​യി​ൽ വീ​ണ​ത്.

വി​ഴി​ഞ്ഞ​ത്തു​ നി​ന്നെ​ത്തി​യ ഫ​യ​ർ ആൻഡ് റെ​സ്ക്യൂ സേ​നാംഗങ്ങൾ അ​ഞ്ചു മ​ണി​ക്കൂ​റി​ല​ധി​കം പരിശ്രമിച്ചാണ് പ​ശു​വി​നെ പ​രി​ക്കു​ക​ളി​ല്ലാ​തെ ക​ര​യി​ലെ​ത്തി​ച്ച​ത്. തി​ങ്ക​ളാ​ഴ്ച വൈ​കു നേരത്തോടെയായിരുന്നു സംഭവം. വൈകുന്നേരം അഞ്ചോടെ ആരംഭിച്ച ര​ക്ഷാ​പ്ര​വ​ർ​ത്ത​നം രാ​ത്രി പത്തരയോടെയാണ് അ​വ​സാ​നി​ച്ച​ത്. ജെ​സി​ബി ഉൾപ്പെടെയുള്ളസം​വി​ധാ​ന​ങ്ങ​ൾ ഉ​പ​യോ​ഗി​ച്ചാ​ണ് കു​ഴി​യി​ൽനി​ന്ന് പ​ശു​വി​നെ പു​റ​ത്തെ​ടു​ത്ത​ത്.

ഫ​യ​ർ ആൻഡ് റെ​സ്ക്യൂ ഓ​ഫിസ​ർ സ​ന്തോ​ഷ് കു​മാ​റാ​ണ് കു​ഴി​യി​ലി​റ​ങ്ങി ര​ക്ഷാ​പ്ര​വ​ർ​ത്ത​ന​ത്തിനു നേ​തൃ​ത്വം ന​ൽ​കി​യ​ത്. വി​ഴി​ഞ്ഞം ഫ​യ​ർ സ്റ്റേ​ഷ​നി​ലെ സീ​നി​യ​ർ ഫ​യ​ർ ആൻഡ് റെ​സ്ക്യൂ ഓ​ഫി​സ​ർ ജി.​പി.​ ഹ​രിയാണ് ര​ക്ഷാ​പ്ര​വ​ർ​ത്ത​നം ഏ​കോ​പി​പ്പി​ച്ച​ത്. ഫ​യ​ർ ആൻഡ് റെ​സ്ക്യൂ ഓ​ഫിസ​ർ​മാ​രാ​യ പ്ര​ദീ​പ്, ശ്യാം​ധ​ര​ൻ, ഹ​രി​കൃ​ഷ്ണ​ൻ, ഹോം​ഗാ​ർ​ഡ് സ​ജി, ക​ക്കാ​മൂ​ല വാ​ർ​ഡ് മെ​മ്പ​ർ ബി​ജു, സി​വി​ൽ ഡി​ഫ​ൻ​സ് വോ​ള​ണ്ടി​യ​ർ​മാ​ർ​, നാ​ട്ടു​കാ​ർ എ​ന്നി​വ​രും ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കാ​ളി​ക​ളാ​യി.

Tags :