വടകര: വീട്ടമ്മയെ വെട്ടിപ്പരിക്കേല്പിച്ച സംഭവത്തില് അയല്വാസി പിടിയില്. മടപ്പള്ളി അറക്കല് മാളിയേക്കല് പറമ്പില് പുഷ്പയെ (73) ആണ് വെട്ടിപരിക്കേല്പ്പിച്ചത്. സംഭവത്തില് അയല്വാസി അറക്കല് മാളിയേക്കല് പറമ്പില് ശ്രീജിത്തിനെ (43) ചോമ്പാല പോലീസ് പിടികൂടി.
വെള്ളിയാഴ്ച രാത്രിയാണ് ഇയാള് പുഷ്പയെ കൊടുവാള് ഉപയോഗിച്ച് വെട്ടിയത്. തലയ്ക്ക് ആഴത്തില് മുറിവുണ്ട്.കഴുത്തിന് പിന്നിലും കൈയ്യിലും വെട്ടേറ്റ ഇവരെ വടകര സ്വകാര്യ ആശുപത്രിയില് പ്രവേശിപ്പിച്ചു. സ്ഥലത്തെത്തിയ പോലീസ് പ്രതിയെ കസ്റ്റഡിയിലെടുക്കുകയായിരുന്നു. നിരന്തരം അസഭ്യം പറയുന്നത് ചോദ്യം ചെയ്തതിലുള്ള വൈരാഗ്യമാണ് അക്രമത്തിന് പിന്നിൽ.പ്രതിയുടെ പേരില് വധശ്രമത്തിന് കേസെടുത്തു.
Tags : nattu visheshsam Housewife hacked