കൊടുവായൂർ: മേരിയൻ ആർട്സ് ആൻഡ് സയൻസ് കോളജിലെ എൻഎസ്എസ് യൂണിറ്റിന്റെയും കോളജ് യൂണിയന്റെയും ഉദ്ഘാടനം കെ. പ്രേമൻ എംഎൽഎ നിർവഹിച്ചു.
കോളജ് പ്രിൻസിപ്പൽ സിസ്റ്റർ ഡോ. പ്രീമ ചടങ്ങിൽ അധ്യക്ഷത വഹിച്ചു. ചടങ്ങിൽ എൻഎസ്എസ് ഡിസ്ട്രിക്ട് കോ- ഓർഡിനേറ്റർ ഡോ. ഹിമ കർമപദ്ധതി പ്രകാശനം ചെയ്തു. കോളജ് യൂണിയന്റെ ഔദ്യോഗിക ഉദ്ഘാടനം കൊടുവായൂർ ഗ്രാമപഞ്ചായത്ത് പ്രസിഡന്റ് മുരുകദാസ് നിർവഹിച്ചു. വാർഡ് മെംബർ ഷിഫാന നൗഷാദ്, എൻഎസ്എസ് എക്സിക്യൂട്ടിവ് മെംബർ ഗിരിദാസ്, പിടിഎ പ്രസിഡന്റ് രാജമണി എന്നിവർ പ്രസംഗിച്ചു.
എൻഎസ്എസ് പ്രോഗ്രാം കോ- ഓർഡിനേറ്ററും കൊമേഴ്സ് വിഭാഗം പ്രഫസറുമായ പ്രമീള സ്വാഗതം പറഞ്ഞു. ഇംഗ്ലീഷ് വിഭാഗം പ്രഫസർ ഡോ. രാജേശ്വരി നന്ദി പറഞ്ഞു.
Tags :