വൈക്കം ഉപജില്ല സ്കൂവൈക്കം ഉപജില്ല സ്കൂൾ കലോത്സവത്തിന് മുന്നോടിയായി നടന്ന ഇൻക്ലൂസീവ് കലോത്സവത്തിൽ കുട്ടികൾ നൃത്ത പരിപാടി അവതരിപ്പിച്ചപ്പോൾ.ൾ കലോത്സവത്തി
തലയോലപ്പറമ്പ് : വൈക്കം ഉപജില്ലാ സ്കൂൾ കലോത്സവത്തിന് മുന്നോടിയായി നടന്ന ഇൻക്ലൂസീവ് കലോത്സവം ശ്രദ്ധേയമായി. വൈക്കം ഉപജില്ലയിലെ വിവിധ സ്കൂളുകളിൽ നിന്നായി 67 വിദ്യാർഥികളാണ് ഇൻക്ലൂസീവ് കലോത്സവത്തിൽ പങ്കെടുത്തത്. ഗാനാലാപനം, നാടോടി നൃത്തം, പ്രച്ഛന്നവേഷം, ഒപ്പന, സംഘ നൃത്തം, വാദ്യോപകരണ വാദനം തുടങ്ങി 24 പരിപാടികൾ നടത്തി കുട്ടികൾ കൈയടി നേടി. സ്പെഷൽ എഡ്യൂക്കേറ്റർ റെജിമോൾ ചിട്ടപ്പെടുത്തിയ സ്വാഗത ഗാനത്തോടെയാണ് ഇൻക്ലൂസീവ് കലോത്സവം തുടങ്ങിയത്.
ഈ ഗാനത്തിന്റെ നൃത്താവിഷ്കാരവും കുട്ടികൾ മികവുറ്റതാക്കി. വിവിധ പഞ്ചായത്തുകളിൽനിന്നെത്തിയ തമ്മിൽ പരിചയമില്ലാത്ത കുട്ടികൾ ചുരുങ്ങിയ സമയത്തിനുള്ളിൽ പരിശീലിച്ച് അവതരിപ്പിച്ച പരിപാടി നിറഞ്ഞ കരഘോഷത്തോടെയാണ് കാണികൾ സ്വീകരിച്ചത്. വിവിധ സ്കൂളുകളിൽനിന്നുള്ള 24 സ്പെഷൽ എഡ്യൂക്കേറ്റർമാരാണ് കുട്ടികൾക്ക് പരിശീലനം നൽകിയത്. കഴിഞ്ഞ മൂന്ന് വർഷമായി ഉപജില്ലാ കലോത്സവത്തിനൊപ്പം വൈക്കത്ത് ഇൻക്ലൂസീവ് കലോത്സവം സംഘടിപ്പിക്കുന്നുണ്ട്. ബിപിസി പി.ആർ. ശ്രീകുമാർ, സിആർസി കോ-ഓർഡിനേറ്റർമാരായ ലക്ഷ്മി, കവിതാ ബോസ്, ഭിന്നശേഷി പ്രോഗ്രാം കൺവീനർ മേരി എലിസബത്ത്, സ്പെഷൽ എഡ്യുക്കേറ്റർമാരായ ഷിമിഷ ബീവി, ലിൻഡിമോൾ, മോനിഷ , റെജിമോൾ, ജിഷ , ദിവ്യ, സൗമ്യ തുടങ്ങിയവർ നേതൃത്വം നൽകി.
Tags : Arts Festival Nattuvishesham DistrictNews