15

കൊ​ട്ടി​യൂ​ര്‍: വൈ​ശാ​ഖോ​ത്സ​വ​ത്തി​ലെ പ്ര​ധാ​ന ച​ട​ങ്ങാ​യ ആ​ലിം​ഗ​ന പു​ഷ്പാ​ഞ്ജ​ലി ന​ട​ത്തി. കു​റു​മാ ത്തൂ​ര്‍ ഇ​ല്ല​ത്തെ നാ​യ്ക്ക​ന്‍ സ്ഥാ​നി​ക​ന്‍ ഉ​ണ്ണി​കൃ​ഷ്ണ​ൻ ന​മ്പൂ​തി​രി​പ്പാ​ടാ​ണ് സ്വ​യം​ഭൂ​വി​ഗ്ര​ഹ​ത്തി​ൽ ആ​ലിം​ഗ​ന പു​ഷ്പാ​ഞ്ജ​ലി ന​ട​ത്തി​യ​ത്. രോ​ഹി​ണി ആ​രാ​ധ​ന​യോ​ട​നു​ബ​ന്ധി​ച്ചാ​ണ് ശീ​വേ​ലി​ക്ക് മു​ന്നോ​ടി​യാ​യി പൂ​ജ ന​ട​ന്ന​ത്.

ദ​ക്ഷ​നാ​ൽ അ​പ​മാ​നി​ത​യാ​യി യാ​ഗാ​ഗ്നി​യി​ൽ സ​തീ​ദേ​വി എ​രി​ഞ്ഞ​ട​ങ്ങി​യ​ത​റി​ഞ്ഞ് ഉ​ഗ്ര​കോ​പി​യാ​യ ശി​വ​നെ വി​ഷ്ണു ഭ​ഗ​വാ​ൻ ആ​ലിം​ഗ​നം ചെ​യ്തു സാ​ന്ത്വ​നി​പ്പി​ച്ച​തി​ന്‍റെ അ​നു​സ്മ​ര​ണ​മാ​യാ​ണ് ഈ ​ച​ട​ങ്ങ് ന​ട​ത്തു​ന്ന​ത്. രോ​ഹ​ിണി ആ​രാ​ധ​ന​യ്ക്കു ത​ലേ​ന്ന് തി​ങ്ക​ളാ​ഴ്ച മ​ണ​ത്ത​ണ ഗോ​പു​ര​ത്തി​ൽ എ​ത്തി​യ നാ​യ്ക്ക​ൻ സ്ഥാ​നി​ക​ൻ ഉ​ണ്ണി​കൃ​ഷ്ണ​ൻ ന​മ്പൂ​തി​രി​പ്പാ​ടി​നെ മ​ണ​ത്ത​ണ ആ​ക്ക​ൽ ത​റ​വാ​ട്ടി​ലേ​ക്ക് ആ​ചാ​ര​പൂ​ർ​വം സ്വീ​ക​രി​ച്ചു.

ചൊവ്വാ​ഴ്ച രാ​വി​ലെ കു​ണ്ടേ​ൻ ക്ഷേ​ത്ര​ത്തി​ൽ എ​ത്തി​യ സ്ഥാ​നി​ക​ൻ പ്രാ​ർ​ഥ​ന​ക​ൾ​ക്ക് ശേ​ഷ​മാ​ണ് അ​ക്ക​രെ കൊ​ട്ടി​യൂ​രി​ലെ​ത്തി​യ​ത്. കൊ​ട്ടി​യൂ​രി​ലെ​ത്തി​യ സ്ഥാ​നി​ക​നെ തേ​ട​ൻ വാ​ര്യ​രു​ടെ നേ​തൃ​ത്വ​ത്തി​ൽ സ്വീ​ക​രി​ച്ചാ​ന​യി​ച്ചു.

ആ​ക്ക​ൽ ക​യ്യാ​ല​യി​ലെ വി​ശ്ര​മ​ത്തി​ന് ശേ​ഷം പു​ഷ്പാ​ഞ്ജ​ലി​ക്ക് സ​മ​യ​മാ​യ​തോ​ടെ തീ​ർ​ഥ​ക്കു​ള​ത്തി​ൽ കു​ളി​ച്ച് മു​ഖ​മ​ണ്ഡ​പ​ത്തി​ലെ​ത്തി. ഉ​ഷ കാ​മ്പ്രം കൈ​പി​ടി​ച്ചു മ​ണി​ത്ത​റ​യി​ൽ ക​യ​റ്റി ഇ​രു​ത്തി മ​ണി​ത്ത​റ​യി​ൽ പ​ന​യൂ​രും താ​ഴെ പാ​ല​ക്കു​ന്നം ന​മ്പൂ​തി​രി​യും കു​റു​മാ​ത്തൂ​രി​ന് പ​രി​ക​ർ​മി​ക​ളാ​യി ഉ​ണ്ടാ​യി​രു​ന്നു.

കു​റു​മാ​ത്തൂ​ർ ത​റ​യി​ൽ ക​യ​റി​യ​തോ​ടെ വാ​ദ്യ​ക്കാ​ർ ദ്രു​ത​ഗ​തി​യി​ൽ വാ​ദ്യ​ങ്ങ​ൾ മു​ഴ​ക്കി. തു​ള​സി​ക്ക​തി​രും ജ​ല​വും ഉ​പ​യോ​ഗി​ച്ചു​ള്ള പൂ​ജ​യ്ക്ക് ശേ​ഷ​മാ​ണ് ആ​ലിം​ഗ​ന പു​ഷ്പാ​ഞ്ജ​ലി ന​ട​ത്തി​യ​ത്. പു​ഷ്പാ​ഞ്ജ​ലി ക​ഴി​ഞ്ഞ് കു​റു​മാ​ത്തൂ​ർ ത​റ​യി​ൽ​നി​ന്ന് ഇ​റ​ങ്ങു​ന്ന​തു​വ​രെ വാ​ദ്യം തു​ട​ർ​ന്നു. ഒ​ടു​വി​ൽ ഭ​ണ്ഡാ​രം പെ​രു​ക്കി.
തി​രു​വ​ഞ്ചി​റ​യി​ൽ പ്ര​ദ​ക്ഷി​ണം ചെ​യ്തു പ്ര​സാ​ദ​വും വാ​ങ്ങി കു​റ​ുമാ​ത്തൂ​ർ സ്ഥാ​നി​ക​ൻ മ​ട​ങ്ങി.

Tags : nattu vishesham Kotiyur Vaishakh festival