കേരള സ്റ്റേറ്റ് സർവീസ് പെൻഷനേഴ്സ് യൂണിയൻ പയ്യന്നൂർ ബ്ലോക്ക് സമ്മേളനം പയ്യന്നൂർ ബ്ലോക്ക് പഞ്ചായത്ത് പ്രസിഡന്റ് കെ.കെ. ജോയി ഉദ്ഘാടനം ചെയ്തു പ്രസംഗിക്കുന്നു.
ചെറുപുഴ: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ പയ്യന്നൂർ ബ്ലോക്ക് സമ്മേളനം ചെറുപുഴയിൽ നടന്നു. പയ്യന്നൂർ ബ്ലോക്ക് പഞ്ചായത്ത് പ്രസിഡന്റ് കെ.കെ. ജോയി ഉദ്ഘാടനം ചെയ്തു. ബജറ്റിൽ പ്രഖ്യാപിച്ച ശമ്പള-പെൻഷൻ പരിഷ്കരണ കമ്മീഷനെ അടിയന്തിരമായി നിയമിക്കണമെന്നും പെൻഷൻ പരിഷ്കരണം കാലതാമസമില്ലാതെ നടപ്പാക്കണമെന്നും സമ്മേളനം ആവശ്യപ്പെട്ടു.
സംസ്ഥാന സെക്രട്ടറി കെ. കരുണാകരൻ, ജില്ലാ വൈസ് പ്രസിഡന്റ് പി. കുഞ്ഞിക്കണ്ണൻ, കെ. ദേവകി, സി.ഐ. വത്സല, ടി. ദാമോദരൻ, കെ.സി. ലക്ഷ്മണൻ, വി. കുഞ്ഞിരാമൻ, പി.കെ. ചന്ദ്രശേഖരൻ, ജോസഫ് കല്ലമ്പളളിൽ എന്നിവർ പ്രസംഗിച്ചു. കൗൺസിൽ യോഗം കെഎസ്എസ്പിയു ജില്ലാ പ്രസിഡന്റ് ടി. ശിവദാസൻ ഉദ്ഘാടനം ചെയ്തു. ബ്ലോക്ക് സെക്രട്ടറി പി. കൃഷ്ണൻ പ്രവർത്തന റിപ്പോർട്ടും വരവ്-ചെലവ് കണക്ക് ട്രഷറർ വി. ജനാർദ്ദനനും അവതരിപ്പിച്ചു. ഭാരവാഹികളായി കെ. ദാമോദര പൊതുവാൾ -പ്രസിഡന്റ്, പി. കൃഷ്ണൻ -സെക്രട്ടറി എന്നിവരെ തെരഞ്ഞെടുത്തു.