പ്രിയേഷ്
ഉള്ളൂർ: തിരുവനന്തപുരം മെഡിക്കൽ കോളജ് ആശുപത്രിയിലെ അത്യാഹിത വിഭാഗത്തിനു മുന്നിൽനിന്നു ബൈക്കുകൾ മോഷ്ടിച്ചയാളെ മെഡിക്കൽ കോളജ് പൊലിസ് പിടികൂടി. കൊല്ലം ചാത്തന്നൂർ ചെറുകര വൃന്ദാവനം വീട്ടിൽനിന്നും ഞെക്കാട് ബൈജു നിവാസിൽ താമസിച്ചുവരുന്ന പ്രിയേഷ് (23) ആണ് പിടിയിലായത്. പ്രതിക്കെതിരേ അയിരൂർ, കൊല്ലം, ഈസ്റ്റ് കല്ലമ്പലം സ്റ്റേഷനുകളിൽ പോക്സോ, ലഹരി വിൽക്കൽ, മോഷണ കേസുകൾ നിലവിലുണ്ട്.
ആയൂർ പൊലിസ് സ്റ്റേഷനിൽ ഒരു കേസിൽ അറസ്റ്റിലായപ്പോഴാണ് മെഡിക്കൽ കോളജിലെ ബൈക്ക് മോഷണം തെളിയുന്നത്. പോക് സോ കേസിലെ ഇരയെ കാണാൻ മെഡിക്കൽ കോളജിൽ വന്നപ്പോഴാണ് രണ്ടു ദിവസങ്ങളിലായി രണ്ടു ബൈക്കുകൾ പ്രിയേഷ് മോഷ്ടിച്ചു കൊല്ലത്തേക്ക് കൊണ്ടുപോയത്. രണ്ടു ബൈക്കും മെഡിക്കൽ കോളജ് പൊലിസ് കണ്ടെടുത്തു. മെഡിക്കൽ കോളജ് സിഐ ഗിരിലാൽ, എസ്ഐ വിപിൻ എന്നിവർ ഉൾപ്പെട്ട സംഘം പിടികൂടിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.