കൂത്താട്ടുകുളം: വർധിച്ചുവരുന്ന റോഡപകടങ്ങൾ കുറയ്ക്കാൻ ബോധവത്കരണ പരിപാടികളുമായി ദേവമാതാ ആശുപത്രി. ഇൻഫന്റ് ജീസസ് ഹയർസെക്കൻഡറി സ്കൂൾ, സംസ്ഥാന മോട്ടോർവാഹനവകുപ്പ് എന്നിവയുമായി സഹകരിച്ചാണ് പദ്ധതി നടപ്പിലാക്കുന്നത്.
റോഡ് സുരക്ഷാ മാസാചരണത്തിന്റെ ഭാഗമായുള്ള പദ്ധതിയുടെ ഉദ്ഘാടനം നാളെ രാവിലെ പത്തിന് ഇൻഫന്റ് ജീസസ് സ്കൂളിൽ നടക്കും. പാലക്കുഴ പഞ്ചായത്ത് പ്രസിഡന്റ് ടി.എൻ. സുനിൽ ഉദ്ഘാടനം ചെയ്യും. സ്കൂൾ പ്രിൻസിപ്പൽ സിസ്റ്റർ ലിസ പുത്തൻവീട് അധ്യക്ഷത വഹിക്കും. ദേവമാതാ ആശുപത്രി അഡ്മിനിസ്ട്രേറ്റർ സിസ്റ്റർ റോസ്മിൻ പഴയകരി മുഖ്യപ്രഭാഷണം നടത്തും.
ആശുപത്രി നഴ്സിംഗ് സൂപ്രണ്ട് സിസ്റ്റർ അനറ്റ് കട്ടിപറമ്പിൽ, പിടിഎ പ്രസിഡന്റ് ബൈജു ജയിംസ്, അധ്യാപക പ്രതിനിധി അഗസ്റ്റിൻ ടോമി എന്നിവർ പ്രസംഗിക്കും. മോട്ടോർവാഹനവകുപ്പ് എറണാകുളം എൻഫോഴ്സ്മെന്റ് ടീമിലെ അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ അജയ് മോഹൻദാസ് സെമിനാർ നയിക്കും.