കോക്കൂര് സ്കൂള് റോഡിലെ ട്രാന്സ്ഫോര്മറുകള്.
ചങ്ങരംകുളം: മതിയായ സുരക്ഷാ മാനദണ്ഡങ്ങള് പാലിക്കാതെ റോഡരികില് സ്ഥാപിച്ച ട്രാന്സ്ഫോര്മറുകള് അപകടഭീഷണി ഉയര്ത്തുന്നതായി പരാതി. കോക്കൂര് ഗവൺമെന്റ് ഹയര് സെക്കന്ഡറി സ്കൂളിലേക്കുള്ള വഴികളില് രണ്ടിടങ്ങളിലായാണ് സുരക്ഷാകവചങ്ങളില്ലാത്ത ട്രാന്സ്ഫോര്മറുകളുള്ളത്.
ആയിരക്കണക്കിന് വിദ്യാര്ഥികള് പഠിക്കുന്ന പ്രധാന സ്കൂള് റോഡിലാണ് കെഎസ്ഇബിയുടെ അനാസ്ഥ. നൂറുകണക്കിന് വിദ്യാര്ഥികളും നാട്ടുകാരും നിത്യേന സഞ്ചരിക്കുന്ന പ്രധാന റോഡിനോട് ചേര്ന്നാണ് ഇവ സ്ഥിതി ചെയ്യുന്നത്. അപകടങ്ങള് സംഭവിക്കുന്നതിന് മുന്പ് ട്രാന്സ്ഫോര്മറുകള്ക്ക് സുരക്ഷാകവചങ്ങള് ഒരുക്കണമെന്നാണ് നാട്ടുകാരുടെ ആവശ്യം.