പാ​രീ​സ്: ​ക​ന​ത്ത സ​ന്നാ​ഹ​ത്തോ​ടെ ഫ്രാ​ൻ​സ് വീ​ണ്ടു​മൊ​രു വാ​രാ​ന്ത്യ പ്ര​തി​ഷേ​ധ​ത്തെ നേ​രി​ട്ടു. പ്രാ​ദേ​ശി​ക​സ​മ​യം ഇ​ന്ന​ലെ ഉ​ച്ച​വ​രെ 135 പേ​ർ അ​റ​സ്റ്റി​ലാ​യെ​ങ്കി​ലും കാ​ര്യ​മാ​യ അ​ക്ര​മ​സം​ഭ​വ​ങ്ങ​ളു​ണ്ടാ​യി​ല്ല.

ക​ഴി​ഞ്ഞ ശ​നി​യാ​ഴ്ച​ത്തെ തെ​രു​വു​യു​ദ്ധ​ത്തി​ന്‍റെ​യും കൊ​ള്ള​യു​ടെ​യും പ​ശ്ചാ​ത്ത​ല​ത്തി​ൽ ഇ​ന്ന​ലെ രാ​ജ്യ​ത്തു​ടനീ​ളം ക​ർ​ശ​ന നി​യ​ന്ത്ര​ണ​ങ്ങ​ളും ക​ന​ത്ത സു​ര​ക്ഷ​യും ഏ​ർ​പ്പെ​ടു​ത്തി​യി​രു​ന്നു.

ഒ​ട്ടേ​റെ സ്ഥ​ല​ങ്ങ​ളി​ൽ പ്ര​ക​ട​ന​ങ്ങ​ൾ നി​രോ​ധി​ച്ചി​രു​ന്നു. ത​ല​സ്ഥാ​ന​മാ​യ പാ​രീ​സ്, ലി​ല്ലി, സ്ട്രാ​സ്ബ​ർ​ഗ്, മാ​ഴ്സെ, ടു​ളൗ​സ്, ആ​മി​യ​ൻ​സ് തു​ട​ങ്ങി കു​റ​ച്ചു ന​ഗ​ര​ങ്ങ​ളി​ൽ മാ​ത്ര​മാ​ണ് പ്ര​ക​ട​ന​ങ്ങ​ൾ അ​നു​വ​ദി​ച്ച​ത്.

പാ​രീ​സി​ൽ ഒ​രു പ്ര​ക​ട​ന​ത്തി​നു മാ​ത്ര​മാ​ണ് അ​നു​മ​തി​യു​ണ്ടാ​യി​രു​ന്ന​ത്. ന​ഗ​ര​ത്തി​ൽ സ​ർ​വം ശാ​ന്ത​മാ​ണെ​ന്ന് പൊ​ലി​സ് ഇ​ന്ന​ലെ ഉ​ച്ച​യ്ക്കു പ​റ​ഞ്ഞു. പ്ര​ക​ട​ന​ക്കാ​ർ പൊ​ലി​സി​നും സ​ർ​ക്കാ​രി​നും എ​തി​രേ മു​ദ്രാ​വാ​ക്യം മു​ഴ​ക്കി.

നാ​ന്‍റ​സ് ന​ഗ​ര​ത്തി​ൽ പ്ര​തി​ഷേ​ധ​ക്കാ​ർ നി​രോ​ധി​ത മേ​ഖ​ല​യി​ൽ പ്ര​വേ​ശി​ക്കാ​ൻ ശ്ര​മി​ച്ച​പ്പോ​ൾ പൊ​ലിസി​ന് ക​ണ്ണീ​ർ​വാ​ത​ക​വും ജ​ല​പീ​ര​ങ്കി​യും പ്ര​യോ​ഗി​ക്കേ​ണ്ടി​വ​ന്നു.

ദുഃ​സ​ഹ​മാ​യ ജീ​വി​ത​ച്ചെ​ല​വി​നും ഇ​ന്ധ​ന വി​ല​വ​ർ​ധ​ന​യ്ക്കും എ​തി​രേ രാ​ജ്യ​ത്തു​ട​നീ​ളം എ​ഴു​ന്നൂ​റി​ല​ധി​കം പ്ര​ക​ട​ന​ങ്ങ​ൾ ന​ട​ത്തു​മെ​ന്നാ​ണ് ജ​ന​കീ​യ പ്ര​തി​ഷേ​ധ കൂ​ട്ടാ​യ്മ​യാ​യ മ​ഞ്ഞ​ക്കുപ്പാ​യ​ക്കാ​ർ അ​റി​യി​ച്ചി​രു​ന്ന​ത്.

എ​ന്നാ​ൽ, ഇ​ന്ന​ലെ രാ​വി​ല​യോ​ടെ ഏ​താ​ണ് 136 പ്ര​തി​ഷേ​ധ​ങ്ങ​ളി​ലാ​യി 35,000 പേ​രാ​ണ് പ​ങ്കെ​ടു​ത്ത​തെ​ന്ന് ആ​ഭ്യ​ന്ത​ര​മ​ന്ത്രി ലോ​റ​ന്‍റ് നൂ​ന​സ് പ​റ​ഞ്ഞു. ക​ഴി​ഞ്ഞ ശ​നി​യാ​ഴ്ച രാ​വി​ലെ 264 പ്ര​ക​ട​ന​ങ്ങ​ളി​ലാ​യി 60,000 പേ​ർ പ​ങ്കെ​ടു​ത്തി​രു​ന്നു.

ക​ഴി​ഞ്ഞ​യാ​ഴ്ച​ത്തെ അ​ക്ര​മ​ങ്ങ​ളു​ടെ പ​ശ്ചാ​ത്ത​ല​ത്തി​ൽ ഫ്രാ​ൻ​സി​ലു​ട​നീ​ളം 70,000 സു​ര​ക്ഷാ​ ഭ​ട​ന്മാ​രെ വി​ന്യ​സി​ച്ചി​രു​ന്നു.ക​ഴി​ഞ്ഞ ശ​നിയാഴ്ച വൈ​കി​ട്ടോ​ടെ അ​ഞ്ച​ര ല​ക്ഷം പേ​ർ പ്ര​തി​ഷേ​ധ​ത്തി​ൽ പ​ങ്കാ​ളി​ക​ളാ​യി​രു​ന്നു.

Tags : Protests France Arrested Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash