4

ജീ​വി​ത​ത്തി​ൽ ഒ​രി​ക്ക​ലെ​ങ്കി​ലും കാ​ണാ​ൻ ആ​ഗ്ര​ഹി​ക്കു​ന്ന ര​ണ്ടി​ട​ങ്ങ​ൾ മ​ന​സി​ൽ പ​ണ്ടേ കു​റി​ച്ചി​ട്ടി​ട്ടു​ണ്ട്. ആ​ദ്യ​ത്തേ​ത് ട്രാ​ൻ​സി​ൽ​വാ​നി​യ​യി​ലെ കാ​ർ​പാ​ത്യ​ൻ മ​ല​നി​ര​ക​ളി​ൽ ഇ​രു​പ​ത്തി​ര​ണ്ടോ​ളം ഏ​ക്ക​റി​ൽ പ​ര​ന്നു​കി​ട​ക്കു​ന്ന എ​ഴു​പ​തി​ല​ധി​കം മു​റി​ക​ളു​ള്ള ഒ​രു കോ​ട്ട​യാ​ണ്. ആ ​കോ​ട്ട ഒ​റ്റ​യ്ക്ക് ന​ട​ന്നുകാ​ണാ​നു​ള്ള മ​നോ​ധൈ​ര്യം എ​നി​ക്കി​ന്നു​മി​ല്ല. ന​ര​ക​ത്തി​ലെ ക്ഷു​ദ്ര​പ്ര​വാ​ച​ക​നും ര​ക്ത​ദാ​ഹ​ത്തി​ന്‍റെ നി​ത്യ​പ്ര​ഭു​വു​മാ​യ ഒ​രാ​ളു​ടെ പാ​ർ​പ്പ് അ​തി​നു​ള്ളി​ലാ​ണ്. അ​യാ​ൾ വൃ​ദ്ധ​നും കു​ലീ​ന​നു​മാ​ണ്.

പ​ക​ൽ​വെ​ളി​ച്ച​ത്തി​ൽ പു​റ​ത്തി​റ​ങ്ങി​യാ​ൽ പൗ​രു​ഷം ചോ​ർ​ന്നു​പോ​കു​ന്ന​തി​നാ​ൽ രാ​ത്രി​യാ​കും​വ​രെ അ​യാ​ൾ ശ​വ​പ്പെ​ട്ടി​ക്കു​ള്ളി​ൽ മ​യ​ങ്ങു​ന്നു. ആ ​മ​യ​ക്കം എ​പ്പോ​ൾ വേ​ണ​മെ​ങ്കി​ലും ഉ​ണ​രാ​വു​ന്ന ഒ​ന്നാ​ണ്. അ​തി​നാ​ൽ പ​ക​ൽ​വെ​ളി​ച്ച​ത്തി​ൽ​ മാ​ത്രം സ​ന്ദ​ർ​ശി​ക്കേ​ണ്ട ഒ​രി​ട​മാ​ണ് ആ ​കോ​ട്ട. ജോ​നാ​ഥ​ൻ ഹാ​ർ​ക്ക​ർ എ​ന്ന അ​ഭി​ഭാ​ഷ​ക​ൻ ത​ല​നാ​രി​ഴ​യ്ക്കാ​ണ് ആ ​കോ​ട്ട​യ്ക്കു​ള്ളി​ൽ​നി​ന്നു ര​ക്ഷ​പ്പെ​ട്ട​ത്. ആ ​ര​ക്ഷ​പ്പെ​ട​ൽ ആ​യു​സി​ന്‍റെ പേ​രി​ൽ ഒ​രാ​ൾ​ക്കു​ മാ​ത്രം കി​ട്ടി​യ ആ​നു​കൂ​ല്യ​മാ​യി​രു​ന്നു. അ​ദ്ദേ​ഹ​ത്തെ സാ​ഹ​സി​ക​മാ​യി ര​ക്ഷ​പ്പെ​ടു​ത്തി​യ​ത് എ​ഴു​ത്തു​കാ​ര​നാ​യ ബ്രാം​ സ്റ്റോ​ക്ക​ർ ആ​യി​രു​ന്നു എ​ന്ന് മു​തി​ർ​ന്ന​ശേ​ഷ​മാ​ണ് എ​നി​ക്കു തി​രി​ച്ച​റി​യാ​ൻ ക​ഴി​ഞ്ഞ​ത്. അ​ത് വൈ​കി ല​ഭി​ച്ച വി​വേ​ക​ങ്ങ​ളി​ലൊ​ന്നാ​യി​രു​ന്നു. ഭ​യ​ത്തി​ന്‍റെ ത​മോ​മൂ​ർ​ത്തി​യാ​യ ആ ​പ്ര​ഭു​വി​ന്‍റെ വാ​സ​സ്ഥാ​ന​മാ​ണെ​ങ്കി​ലും അ​തൊ​ന്ന് ക​ണ്ടു​വ​രാ​ൻ ഇ​പ്പോ​ഴും ഉ​ള്ളി​ൽ ഒ​രു പൂ​തി​യു​ണ്ട്.

ര​ണ്ടാ​മ​ത്തെ ഇ​ടം ല​ണ്ട​നി​ലെ ബേ​ക്ക​ർ സ്ട്രീ​റ്റി​ലെ ഒ​രു പ​ഴ​യ കെ​ട്ടി​ട​മാ​ണ്. ആ ​കെ​ട്ടി​ട​ത്തി​ന്‍റെ വി​ലാ​സം കൈ​യി​ൽ ചു​രു​ട്ടി​പ്പി​ടി​ക്കാ​ൻ തു​ട​ങ്ങി​യി​ട്ട് കാ​ല​മേ​റെ​യാ​യി. 221 ബി, ​ബേ​ക്ക​ർ സ്ട്രീ​റ്റ്, ല​ണ്ട​ൻ എ​ന്നാ​ണ് ആ ​വി​ലാ​സം. ശ​രി​ക്കു പ​റ​ഞ്ഞാ​ൽ ബേ​ക്ക​ർ സ്ട്രീ​റ്റ് റെ​യി​ൽ​വേ ​സ്റ്റേ​ഷ​നി​ൽ​നി​ന്ന് അ​വി​ടേ​ക്ക് ന​ട​ന്നെ​ത്താ​വു​ന്ന ദൂ​രം മാ​ത്രം. മ​ര​ണ​മി​ല്ലാ​ത്ത ഒ​രു കു​റ്റാ​ന്വേ​ഷ​ക​ന്‍റെ ഓ​ഫീ​സ് മു​റി​യാ​ണ് ഞാ​ൻ കാ​ണാ​നാ​ഗ്ര​ഹി​ക്കു​ന്ന​ത്. അ​വി​ടെ ഹോം​സും സ​ന്ത​ത​സ​ഹ​ചാ​രി​യാ​യ ഡോ​ക്‌​ട​ർ ജോ​ൺ വാ​ട്സ​നും വീ​ട്ടു​ട​മ​യാ​യ മി​സി​സ് ഹ​ഡ്സ​നും ഉ​ണ്ടാ​കും. ചി​ല​പ്പോ​ൾ ഹോം​സ് മാ​ത്ര​മേ ഉ​ണ്ടാ​കു​ക​യു​ള്ളൂ. ചി​ല​പ്പോ​ൾ അ​ദ്ദേ​ഹ​ത്തെ കാ​ണാ​നാ​വി​ല്ല. അ​ന്വേ​ഷി​ച്ചാ​ൽ മ​റു​പ​ടി ഉ​ട​ൻ ല​ഭി​ക്കും. “ഷെ​ർ​ല​ക് ഹോം​സ് കേ​സ​ന്വേ​ഷ​ണ​വു​മാ​യി ബ​ന്ധ​പ്പെ​ട്ട് പു​റ​ത്തു പോ​യി​രി​ക്കു​ക​യാ​ണ്. എ​പ്പോ​ൾ മ​ട​ങ്ങി​യെ​ത്തു​മെ​ന്ന് പ​റ​യാ​നാ​വി​ല്ല. വ​രു​മ്പോ​ൾ നി​ങ്ങ​ൾ തി​ര​ക്കി​വ​ന്ന വി​വ​രം അ​റി​യി​ക്കാം. ഈ​യി​ടെ അ​ദ്ദേ​ഹം പു​തി​യ കേ​സു​ക​ൾ ഒ​ന്നും എ​ടു​ക്കാ​റി​ല്ല. പി​ന്നെ​ല്ലാം നി​ങ്ങ​ളു​ടെ ഭാ​ഗ്യം​പോ​ലെ​യി​രി​ക്കും” ഇ​ങ്ങ​നെ കൃ​ത്യ​മാ​യി മ​റു​പ​ടി ത​രു​ന്ന ഒ​രു ഓ​ഫീ​സ് ലോ​ക​ത്ത് എ​വി​ടെ​യെ​ങ്കി​ലും ഉ​ണ്ടോ എ​ന്ന് സം​ശ​യ​മാ​ണ്.

ഹോം​സി​ന്‍റെ സ​ഹാ​യം അ​ഭ്യ​ർ​ഥി​ച്ചു​ വ​രു​ന്ന ക​ത്തു​ക​ളും ഫോ​ൺ സ​ന്ദേ​ശ​ങ്ങ​ളും എ​ണ്ണി​ത്തീ​ർ​ക്കാ​നാ​വി​ല്ല. എ​ല്ലാ സ​ന്ദേ​ശ​ങ്ങ​ൾ​ക്കും ഓ​ഫീ​സി​ൽ​നി​ന്ന് കൃ​ത്യ​മാ​യ മ​റു​പ​ടി ല​ഭി​ക്കും.​ അ​ത് വി​ശ്വാ​സ​ത്തി​ന്‍റെ വി​ശു​ദ്ധ​മാ​യ ഒ​രു ഉ​ട​മ്പ​ടികൂ​ടി​യാ​യി​രു​ന്നു. എ​ന്നാ​ൽ, സ്വി​റ്റ്സ​ർ​ല​ൻ​ഡി​ലെ റീ​ഷെ​ൻ​ബാ​ക്ക് വെ​ള്ള​ച്ചാ​ട്ട​ത്തി​നു മു​ക​ളി​ലെ പാ​റ​ക്കെ​ട്ടി​ൽ​വ​ച്ച് ഷെ​ർ​ല​ക് ഹോം​സും അ​ദ്ദേ​ഹ​ത്തി​ന്‍റെ ശ​ത്രു​വാ​യ പ്ര​ഫ​സ​ർ മോ​റി​യാ​ർ​ട്ടി​യും ത​മ്മി​ൽ ഏ​റ്റു​മു​ട്ടി​യെ​ന്നും ഇ​രു​വ​രും പാ​റ​ക്കെ​ട്ടി​ൽനി​ന്നു താ​ഴേ​ക്കുവീ​ണ് ദാ​രു​ണ​മാ​യി കൊ​ല്ല​പ്പെ​ട്ടു​വെ​ന്നും അ​ഡ്വ​ഞ്ച​ർ ഓ​ഫ് ദി ​ഫൈ​ന​ൽ പ്രോ​ബ്ലം ( The Adventure of the Final Problem) എ​ന്ന പ​ര​മ്പ​ര​യി​ലൂ​ടെ ഡോ​യ​ൽ ലോ​ക​ത്തെ അ​റി​യി​ച്ചു. ഇ​തു വാ​യി​ച്ച വാ​യ​ന​ക്കാ​ർ ക്ഷു​ഭി​ത​രാ​യി. അ​വ​ർ ക​റു​ത്ത ബാ​ഡ്ജ് ധ​രി​ച്ച് ബേ​ക്ക​ർ​ സ്ട്രീ​റ്റി​ൽ പ്ര​തി​ഷേ​ധം ന​ട​ത്തി. ഡോ​യ​ലി​ന്‍റെ അ​മ്മ​പോ​ലും അ​ദ്ദേ​ഹ​ത്തെ ശ​കാ​രി​ച്ചു.​ ധാ​രാ​ളം അ​ധി​ക്ഷേ​പ​വാ​ക്കു​ക​ൾ ഡോ​യ​ലി​ന് കേ​ൾ​ക്കേ​ണ്ടി​വ​ന്നു. ഒ​ടു​വി​ൽ വാ​യ​ന​ക്കാ​രു​ടെ നി​ർ​ബ​ന്ധ​ത്തി​നു വ​ഴ​ങ്ങി ഡോ​യ​ലി​ന് ഹോം​സി​നെ പു​ന​ർ​ജീ​വി​പ്പി​ക്കേ​ണ്ടി​വ​ന്നു. പ​ക​രം വി​ശ്വാ​സ്യ​ത നി​ല​നി​ർ​ത്താ​ൻ മോ​റി​യാ​ർ​ട്ടി​യെ മാ​ത്രം അ​പാ​യ​പ്പെ​ടു​ത്തു​ക​യും ചെ​യ്തു. അ​ങ്ങ​നെ അ​ത്ഭു​ത​ക​ര​മാ​യി ര​ക്ഷ​പ്പെ​ട്ട ഹോം​സ് മൂ​ന്നു​വ​ർ​ഷ​ത്തി​നു​ശേ​ഷം ല​ണ്ട​നി​ൽ മ​ട​ങ്ങി​യെ​ത്തി.​ വ​ന്ന​യു​ട​നെ അ​ഡ്വ​ഞ്ച​ർ ഓ​ഫ് എം​പ്റ്റി ഹൗ​സ് (The Adventure of the Empty House) എ​ന്ന കൃ​തി​യി​ലൂ​ടെ പ്ര​ത്യ​ക്ഷ​പ്പെ​ടു​ക​യും ചെ​യ്തു.

കു​റ്റാ​ന്വേ​ഷ​ണ നോ​വ​ലു​ക​ളും പ്രേ​ത​ക​ഥ​ക​ളും വാ​യി​ച്ചു ഹ​രം​പി​ടി​ച്ചി​രു​ന്ന കാ​ല​ത്താ​ണ് ഒ​രു സു​ഹൃ​ത്ത് ‘ഫ്രാ​ങ്ക​ൻ​സ്റ്റൈ​ൻ’ എ​ന്നൊ​രു പു​സ്ത​കം വാ​യി​ക്കാ​ൻ ത​രു​ന്ന​ത്. അ​ത് വാ​യി​ക്കാ​നെ​ടു​ത്ത ദി​വ​സം ന​ല്ല ഓ​ർ​മ​യു​ണ്ട്. ഒ​രു മാ​ർ​ച്ച് മാ​സം. പ​ത്താം ക്ലാ​സ് പ​രീ​ക്ഷ​യ്ക്ക് ര​ണ്ടു ദി​വ​സം ഉ​ള്ള​പ്പോ​ൾ. പ​രീ​ക്ഷാപ്പേ​ടി മാ​റ്റാ​നാ​ണ് ഞാ​ൻ അ​തു വാ​യി​ച്ചു​തു​ട​ങ്ങി​യ​ത്. അ​തൊ​രു പ​രീ​ക്ഷ​ണ​മാ​യി​രു​ന്നു.​ പ​ക്ഷേ, എ​ന്‍റെ പേ​ടി ഇ​ര​ട്ടി​ച്ചു. എ​ന്‍റെ മു​ന്നി​ൽ ആ​ജാ​നു​ബാ​ഹു​വാ​യ ഒ​രു ഭീ​ക​ര​സ​ത്വം ആ​കാ​ശ​ത്തോ​ളം പൊ​ക്ക​ത്തി​ൽ നി​ൽ​ക്കു​ക​യാ​ണ്. അ​തി​ന​ടു​ത്ത് ആ ​രാ​ക്ഷ​സ​രൂ​പ​ത്തെ സൃ​ഷ്‌​ടി​ച്ച ശാ​സ്ത്ര​പ്ര​തി​ഭ വി​ക്‌​ട​ർ ഫ്രാ​ങ്ക​ൻ​സ്റ്റൈ​ൻ ഭ​യ​ന്നു നി​ൽ​ക്കു​ക​യാ​ണ്. അ​യാ​ൾ​ക്കു പി​ന്നി​ൽ ഞാ​നും വി​റ​ച്ചു​നി​ന്നു. വി​ക്ട​ർ, ജ​ർ​മ​നി​യി​ലെ ഇം​ഗോ​ൾ​സ്റ്റാ​റ്റി​ലെ സ​ർ​വ​ക​ലാ​ശാ​ല​യി​ൽ പ​ഠി​ക്കു​ന്ന കാ​ല​ത്ത് കൃ​ത്രി​മ​മാ​യി ജീ​വ​ൻ സൃ​ഷ്‌​ടി​ക്കാ​നു​ള്ള പ​രീ​ക്ഷ​ണ​ങ്ങ​ളി​ൽ ഏ​ർ​പ്പെ​ടു​ക​യും മൃ​ത​ദേ​ഹാ​വ​ശി​ഷ്‌​ട​ങ്ങ​ൾ ചേ​രും​പ​ടി ചേ​ർ​ത്ത് ഒ​രു ഭീ​ക​ര മ​നു​ഷ്യ​രൂ​പ​ത്തെ സൃ​ഷ്‌​ടി​ക്കു​ക​യും അ​തി​നു​ള്ളി​ലേ​ക്ക് ജീ​വ​ൻ ക​ട​ത്തി​വി​ടു​ക​യും ചെ​യ്തു. അ​ത്ര​യും അ​യാ​ളി​ലെ പ്ര​തി​ഭ ചെ​യ്ത സാ​ഹ​സി​ക നേ​ട്ട​ങ്ങ​ളാ​യി​രു​ന്നു.

ആ ​നേ​ട്ട​ത്തി​ൽ ശാ​സ്ത്ര​ലോ​കം വി​ക്‌​ട​റോ​ട് ക​ട​പ്പെ​ട്ടി​രി​ക്കു​ന്നു. എ​ന്നാ​ൽ വി​ക്‌​ട​ർ സൃ​ഷ്‌​ടി​ച്ച ആ ​ഭീ​ക​ര​സ​ത്വം ത​ന്‍റെ ആ​ഗ്ര​ഹ​ങ്ങ​ൾ​ക്ക് അ​നു​സൃ​ത​മാ​യി മ​നു​ഷ്യ​ർ പെ​രു​മാ​റ​ണ​മെ​ന്നു ശ​ഠി​ച്ച​തോ​ടെ പ്ര​ശ്ന​ങ്ങ​ൾ ആ​രം​ഭി​ക്കാ​ൻ തു​ട​ങ്ങി. അ​തു ന​ട​ക്കാ​തെ വ​ന്ന​തോ​ടെ ആ ​രാ​ക്ഷ​സ​ൻ ആ​ദ്യം വി​ക്‌​ട​റി​നു​ നേ​രേ തി​രി​യു​ന്നു.​ പി​ന്നീ​ട് ഭാ​ര്യ​യാ​യ എ​ലി​സ​ബ​ത്ത് ലെ​വ​ൻ​സിനെ​യും ആ​ത്മ​സു​ഹൃ​ത്ത് ഹെ​ൻ​ട്രി ക്ലെ​ർ​വാ​ലി​നെ​യും ക്രൂരമാ​യി കൊ​ല​പ്പെ​ടു​ത്തു​ന്നു. പൈ​ശാ​ചി​ക​മാ​യ മു​ഹൂ​ർ​ത്ത​ങ്ങ​ളു​ടെ മു​ന്നി​ൽ മാ​പ്പു​സാ​ക്ഷി​യാ​യ വി​ക്‌​ട​റെ ഉ​പേ​ക്ഷി​ച്ചി​ട്ട് എ​നി​ക്കു പോ​കാ​നാ​യി​ല്ല.​ ആ രാ​ക്ഷ​സ​നെ നേ​ർ​ക്കു​നേ​ർ കാ​ണാ​നാ​യി യാ​ത്ര​തി​രി​ച്ച വി​ക്‌​ട​റി​നൊ​പ്പം ഞാ​നും കു​റേ​ദൂ​രം ന​ട​ന്നു. പി​ന്നെ​പ്പോ​ഴോ ഞാ​ൻ പി​ൻ​വാ​ങ്ങി. ജീ​വ​നി​ലു​ള്ള കൊ​തി​യും പി​ന്നെ ഭ​യ​വു​മാ​യി​രു​ന്നു ആ ​പി​ന്മാ​റ്റ​ത്തി​ന്‍റെ കാ​ര​ണ​ങ്ങ​ൾ.

എ​ന്‍റെ ഭ​യ​ത്തി​ന്‍റെ ഞ​ര​ക്ക​ങ്ങ​ൾ പ​ത്താം ക്ലാ​സി​ലെ മ​ല​യാ​ളം പ​രീ​ക്ഷാ​പേ​പ്പ​റി​ൽ ഉ​ണ്ടാ​കു​മെ​ന്ന് ഞാ​നി​പ്പോ​ൾ ഓ​ർ​ത്തു​പോ​കു​ന്നു. പി​ന്നെ​യും നാ​ളു​ക​ൾ ക​ഴി​ഞ്ഞാ​ണ് ‘ഫ്രാ​ങ്ക​ൻ​സ്റ്റൈ​ൻ’ ഒ​റ്റ​യി​രി​പ്പി​ന് വാ​യി​ച്ചു​തീ​ർ​ത്ത​ത്. ആ ​വാ​യ​ന എ​ന്നെ ഭ​യ​പ്പെ​ടു​ത്തി​യി​ല്ല. പി​ന്നീ​ട് എ​പ്പോ​ഴോ ഫ്രാ​ങ്ക​ൻ​സ്റ്റൈ​നെ അ​വ​ലം​ബ​മാ​ക്കി​യി​ട്ടു​ള്ള ര​ണ്ടു സി​നി​മ​ക​ൾ ക​ണ്ടു; ‘ഫ്രാ​ങ്ക​ൻ​സ്റ്റൈ​ൻ ഐ​ല​ൻ​ഡും’ ‘ഫ്രാ​ങ്ക​ൻ​സ്റ്റൈ​ൻ അ​ൺ​ബൗ​ണ്ടും’. ര​ണ്ടും എ​ന്‍റെ ഭ​യ​ത്തെ അ​പ്പാ​ടെ തു​ട​ച്ചു​മാ​റ്റി.

ക​ഴി​ഞ്ഞ ദി​വ​സം ഒ​രി​ക്ക​ൽ​കൂ​ടി ഞാ​ൻ ഡ്രാ​ക്കു​ള​യും ഫ്രാ​ങ്ക​ൻ​സ്റ്റൈ​നും ക​ണ്ടു. ഭ​യ​മൊ​ഴി​ഞ്ഞ മ​ന​സി​ൽ ഇ​പ്പോ​ൾ കൗ​തു​കം വ​ന്നു കൂ​ടു​കൂ​ട്ടി​യി​രി​ക്കു​ന്നു. പ​ക്ഷേ, ബാ​ല​ച​ന്ദ്ര​ൻ ചു​ള്ളി​ക്കാ​ടി​ന്‍റെ ‘ഡ്രാ​ക്കു​ള’ വാ​യി​ക്കു​മ്പോ​ൾ എ​ന്തേ പ്രേ​ത​ന​ക്ഷ​ത്രം പി​റ​ക്കു​ന്ന പാ​തി​ര വ​ന്നു വാ​തു​ക്ക​ൽ മു​ട്ടു​ന്നു. നീ​ച​കാ​മ​ത്തി​ന്‍റെ നി​താ​ന്ത​ന​ക്ത​ഞ്ച​ര​ൻ വ​ന്നു ഭ്രൂ​ണം ഭ​ക്ഷി​ക്കാ​ൻ ക്ഷ​ണി​ക്കു​ന്നു. ഞാ​നു​റ​ങ്ങാ​തി​രി​ക്കു​ന്നു. എ​ന്താ​ണ് സം​ഭ​വി​ക്കു​ന്ന​തെ​ന്ന് എ​നി​ക്കി​ന്നും അ​റി​യി​ല്ല.

Tags : Fearless Kadharsis