ജ​പ്തി​ക്കെ​തി​രേ ബാ​ങ്കി​നു മു​ന്നി​ൽ വ്യാ​പാ​രി​യു​ടെ സ​മ​രം ഇ​ന്ന്
Friday, March 15, 2024 4:54 AM IST
കൂ​രാ​ച്ചു​ണ്ട്: ജ​പ്തി ന​ട​പ​ടി​യി​ൽ പ്ര​തി​ഷേ​ധി​ച്ച് കൂ​രാ​ച്ചു​ണ്ടി​ൽ വ്യാ​പാ​രി ബാ​ങ്കി​ന് മു​ന്പി​ൽ ഉ​പ​വാ​സ സ​മ​രം ന​ട​ത്തു​ന്നു. കാ​ന​റ ബാ​ങ്കി​ന്‍റെ കൂ​രാ​ച്ചു​ണ്ട് ബ്രാ​ഞ്ചി​ൽ നി​ന്നും ബി​സി​ന​സ് ലോ​ണ്‍ എ​ടു​ത്ത ചെ​റു​കി​ട വ്യാ​പാ​രി​യാ​യ വാ​ളി​യാം​പ്ലാ​ക്ക​ൽ ജോ​ബി​യാ​ണ് ബാ​ങ്ക് അ​നീ​തി കാ​ട്ടു​ന്നു​വെ​ന്ന് ആ​രോ​പി​ച്ച് ഇ​ന്ന് രാ​വി​ലെ 10 മു​ത​ൽ വൈ​കി​ട്ട് നാ​ലു​വ​രെ ഉ​പ​വാ​സ സ​മ​രം ന​ട​ത്തു​ന്ന​ത്.

2022 ഓ​ഗ​സ്റ്റി​ൽ ഭൂ​മി പ​ണ​യ​പ്പെ​ടു​ത്തി ബാ​ങ്കി​ൽ നി​ന്നും 35 ല​ക്ഷം രൂ​പ വാ​യ്പ​യെ​ടു​ത്തി​രു​ന്നു. ഒ​രു വ​ർ​ഷം കൊ​ണ്ട് നാ​ലു ല​ക്ഷം രൂ​പ​യോ​ളം പ​ലി​ശ​യി​ന​ത്തി​ലും മ​റ്റ് സ​ർ​വീ​സ് ചാ​ർ​ജ് ഇ​ന​ത്തി​ലും അ​ട​ച്ചു. ഇ​തി​നി​ടെ വ്യാ​പാ​ര​ത്തി​ൽ വ​ന്ന മാ​ന്ദ്യം മൂ​ലം മു​ത​ൽ സം​ഖ്യ​യി​ലേ​ക്ക് പ​ണ​മ​ട​യ്ക്കാ​ൻ ക​ഴി​ഞ്ഞി​ല്ല. 2024 ഫെ​ബ്രു​വ​രി​യി​ൽ ഭൂ​മി വി​റ്റ് 35 ല​ക്ഷം രൂ​പ ലോ​ണ്‍ സം​ഖ്യ​യും അ​ട​ച്ചു.

അ​ന്നു​വ​രെ 35 ല​ക്ഷം രൂ​പ അ​ട​ച്ചാ​ൽ മ​തി​യെ​ന്ന് പ​റ​ഞ്ഞി​രു​ന്ന അ​ധി​കൃ​ത​ർ നാ​ല​ര ല​ക്ഷം കൂ​ടി വീ​ണ്ടും അ​ട​യ്ക്ക​ണ​മെ​ന്ന് ആ​വ​ശ്യ​പ്പെ​ടു​ക​യും അ​തി​ന് ക​ഴി​യാ​തെ വ​ന്ന​പ്പോ​ൾ വാ​യ്പ നി​ഷ്ക്രി​യ ആ​സ്തി​യാ​യി എ​ന്നു പ​റ​ഞ്ഞ് ത​നി​ക്കെ​തി​രേ സ​ർ​ഫാ​സി ആ​ക്ട് പ്ര​കാ​രം ജ​പ്തി ന​ട​പ​ടി​യി​ലേ​ക്ക് ക​ട​ന്നു​വെ​ന്നും ജോ​ബി വാ​ർ​ത്താ​സ​മ്മേ​ള​ന​ത്തി​ൽ ആ​രോ​പി​ച്ചു.

Copyright @ 2022 , Rashtra Deepika Ltd.