മുക്കം: പൗരത്വ ഭേദഗതി നിയമം നടപ്പിലാക്കാനുള്ള കേന്ദ്ര സർക്കാർ വിജ്ഞാപനത്തിൽ പ്രതിഷേധിച്ച് തിരുവമ്പാടി നിയോജകമണ്ഡലം യൂത്ത് കോൺഗ്രസ് കമ്മിറ്റിയുടെ നേതൃത്വത്തിൽ നോർത്ത് കാരശേരിയിൽ നിന്ന് മുക്കത്തേക്ക് നൈറ്റ് മാർച്ച് സംഘടിപ്പിച്ചു.
നോർത്ത് കാരശേരിയിൽ വച്ച് യൂത്ത് കോൺഗ്രസ് സംസ്ഥാന ജനറൽ സെക്രട്ടറി അഡ്വ. കെ.പി. സുഫിയാൻ നിയോജക മണ്ഡലം പ്രസിഡന്‍റ് അഡ്വ. മുഹമ്മദ്‌ ദിഷാലിന് ദീപശിഖ നൽകി പരിപാടിക്ക് തുടക്കം കുറിച്ചു. മുക്കം മിനി പാർക്കിൽ നടന്ന സമാപന പരിപാടി ഡിസിസി ജനറൽ സെക്രട്ടറി ബാബു പൈക്കാട്ടിൽ ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് അഡ്വ. മുഹമ്മദ്‌ ദിഷാൽ അധ്യക്ഷനായിരുന്നു.
മുക്കം ബ്ലോക്ക്‌ കോൺഗ്രസ് പ്രസിഡന്‍റ് എം. സിറാജുദ്ദീൻ, എം.ടി. അഷ്‌റഫ്‌, ബോസ് ജേക്കബ്, അലക്സ്‌ തോമസ്, വി.എൻ. ഷുഹൈബ്, നിഷാദ് വീച്ചി, ജിതിൻ പല്ലാട്ട്, വേണു കല്ലുരുട്ടി, സമാൻ ചാലൂളി, എം. മധുമാഷ്, ഷിജു ചെമ്പനാനി, സലീം തോട്ടത്തിൻ കടവ്, നിഷാദ് മുക്കം, ജുനൈദ് പാണ്ടികശാല, ജംഷിദ് ഒളകര തുടങ്ങിയവർ പ്രസംഗിച്ചു.