ബാ​രാ​പോ​ളി​ലെ പ​ഴ​യ കി​ണ​റി​ന്‍റെ അ​റ്റ​കു​റ്റപ്പണി​ക​ൾ ആ​രം​ഭി​ച്ചു
Saturday, April 20, 2024 1:32 AM IST
കൂ​ട്ടു​പു​ഴ: ജ​ൽ​ജീ​വ​ൻ പ​ദ്ധ​തി​യു​ടെ ഭാ​ഗ​മാ​യി ഉ​ളി​ക്ക​ൽ പ​ഞ്ചാ​യ​ത്തി​ലെ കോ​ളി​ത്ത​ട്ടി​ലെ സം​ഭ​ര​ണി​യി​ലേ​ക്ക് വെ​ള്ളം എ​ത്തി​ക്കു​ന്ന കൂ​ട്ടു​പു​ഴ ബാ​രാ​പോ​ൾ പു​ഴ​യു​ടെ തീ​ര​ത്തെ കി​ണ​റി​ന്‍റെ ന​വീ​ക​ര​ണ പ്ര​വൃ​ത്തി​ക​ൾ ആ​രം​ഭി​ച്ചു. കോ​ളി​ത്ത​ട്ട്, പേ​ര​ട്ട മേ​ഖ​ല​ക​ളി​ൽ കു​ടി​വെ​ള്ളം എ​ത്തി​ക്കു​ന്ന​ത്തി​നാ​യി 20 വ​ർ​ഷ​ങ്ങ​ൾ​ക്ക് മു​ന്പ് ആ​രം​ഭി​ച്ച പ​ദ്ധ​തി​യു​ടെ കി​ണ​ർ ജൽ​ജീ​വ​ൻ പ​ദ്ധ​തി​ക്കാ​യി ഉ​പ​യി​ഗി​ക്കു​ന്ന​തി​ന്‍റെ ഭാ​ഗ​മാ​യാ​ണ് ന​വീ​ക​ര​ണ പ്ര​വൃ​ത്തി​ക​ൾ ന​ട​ത്തു​ന്ന​ത്.

പു​ഴ​യി​ൽ നി​ന്ന് കി​ണ​റി​ലേ​ക്ക് വെ​ള്ളം എ​ത്തി​ക്കാ​ൻ ആ​വ​ശ്യ​മാ​യ ക​നാ​ലി​ന്‍റെ നി​ർ​മാ​ണ​മാ​ണ് ന​ട​ത്തു​ന്ന​ത്.​ 20 മീ​റ്റ​റാ​ണ് ക​നാ​ലി​ന്‍റെ ദൂ​രം. നി​ല​വി​ൽ പു​ഴ​യി​ൽ നി​ന്നും കി​ണ​റി​ലേ​ക്ക് സ്ഥാ​പി​ച്ചി​രി​ക്കു​ന്ന വ​ലി​യ പൈ​പ്പു​ക​ൾ ചെ​ളി ക​യ​റി അ​ട​ഞ്ഞ നി​ല​യി​ലാ​ണ്. പൈ​പ്പു​ക​ൾ എ​ടു​ത്തു​മാ​റ്റി​യ ശേ​ഷ​മാ​ണ് പു​തി​യ ക​നാ​ൽ നി​ർ​മി​ക്കു​ക.

മ​ഴ​ക്കാ​ല​ങ്ങ​ളി​ൽ ചെ​ളി​യും മ​ണ്ണും കി​ണ​റി​ലേ​ക്ക് പ്ര​വേ​ശി​ക്കാ​തി​രി​ക്കാ​ൻ ക​നാ​ലി​ന്‍റെ ആ​രം​ഭ​ത്തി​ൽ പ്ര​ത്യേ​കം നെ​റ്റ് ഘ​ടി​പ്പി​ക്കും.65 കു​തി​ര​ശ​ക്തി​യു​ടെ ര​ണ്ട് മോ​ട്ടോറു​ക​ളാ​ണ് ഇ​വി​ടെ പ്ര​വ​ർ​ത്തി​ക്കേ​ണ്ട​ത്. ഇ​തി​നാ​വ​ശ്യ​മാ​യ വെ​ള്ളം കി​ണ​റി​ൽ ല​ഭ്യ​മാ​ക്കു​ന്ന​തി​നുവേ​ണ്ടി​യാ​ണ് ക​നാ​ലി​ന്‍റെ നി​ർ​മാ​ണം .

പ്ര​വൃ​ത്തി​കൾ
മ​ന്ദ​ഗ​തി​യി​ൽ

ക​ഴി​ഞ്ഞ ഏ​ഴു​മാ​സ​മാ​യി ക​രാ​റു​കാ​ർ​ക്ക് പ​ണം ല​ഭി​ക്കാ​തെ വ​ന്ന​തോ​ടെ എ​ല്ലാ മേ​ഖ​ല​ക​ളി​ലും ജ​ൽ​ജീ​വ​ൻ മി​ഷ​ന്‍റെ പ്ര​വൃ​ത്തി​ക​ൾ മ​ന്ദ​ഗ​തി​യി​ലാ​ണ്. ചു​രു​ങ്ങി​യ തൊ​ഴി​ലാ​ളി​ക​ൾ മാ​ത്ര​മാ​ണ് പ​ല​സ്ഥ​ല​ങ്ങ​ളി​ലും ജോ​ലി ചെ​യ്യു​ന്ന​ത്. പേ​ര​ട്ട ഭാ​ഗ​ത്ത് കു​ടി​വെ​ള്ളം എ​ത്തി​ച്ചിരു​ന്ന പ​ഴ​യ പ​ദ്ധ​തി ജ​ല​ജീ​വ​ൻ പ​ദ്ധ​തി​യു​ടെ ഭാ​ഗ​മാ​യ നി​ർ​മാ​ണ പ്ര​വൃ​ത്തി​ക​ൾ കാ​ര​ണം പൂ​ർ​ണ​മാ​യും നി​ല​ച്ചു. പേ​ര​ട്ട ടൗ​ണിൽ ഉ​ൾ​പ്പെ​ടെ 14 ഓ​ളം ടാ​പ്പു​ക​ൾ നോ​ക്കു​കു​ത്തി​യാ​ണ്. പൊ​തു പൈ​പ്പി​നെ ആ​ശ്ര​യി​ച്ചി​രു​ന്ന​വ​ർ ബ​ദ​ൽ സം​വി​ധാ​ന​ങ്ങ​ൾ ഒ​ന്നും ഏ​ർ​പ്പെ​ടു​ത്താ​തെ വ​ന്ന​തോ​ടെ ദു​രി​ത​ത്തി​ലായി.

Copyright @ 2022 , Rashtra Deepika Ltd.