ഒ​ഴി​വു​ക​ള്‍ ആ​യി​ര​ത്തോ​ളം; സ്‌​കൂ​ളു​ക​ളി​ല്‍ അ​ഭി​മു​ഖ​പ്പൂ​രം!
Friday, May 27, 2022 1:38 AM IST
കാ​സ​ര്‍​ഗോ​ഡ്: ര​ണ്ടു​വ​ര്‍​ഷ​ത്തി​നു​ശേ​ഷം കൃ​ത്യ​സ​മ​യ​ത്ത് സ്‌​കൂ​ള്‍ തു​റ​ക്കാ​ന്‍ ക​ഴി​യു​ന്ന​തി​ന്‍റെ ആ​ഹ്ലാ​ദ​ത്തി​നൊ​പ്പം വ​രു​ന്ന ര​ണ്ടാ​ഴ്ച സ്‌​കൂ​ളു​ക​ളി​ല്‍ അ​ഭി​മു​ഖ​പ്പൂ​ര​മാ​കും. ഹ​യ​ര്‍ സെ​ക്ക​ന്‍​ഡ​റി​ക്കും ഹൈ​സ്‌​കൂ​ളി​നു​മൊ​പ്പം ഇ​ത്ത​വ​ണ ജി​ല്ല​യി​ല്‍ എ​ല്‍​പി, യു​പി വി​ഭാ​ഗ​ങ്ങ​ളി​ല​ട​ക്കം അ​ധ്യാ​പ​ക ഒ​ഴി​വു​ക​ള്‍ നി​ര​വ​ധി​യാ​ണ്. ഹൈ​സ്‌​കൂ​ള്‍ വി​ഭാ​ഗ​ത്തി​ലെ ഭൗ​തി​ക​ശാ​സ്ത്ര​ത്തി​ന് മാ​ത്ര​മാ​ണ് പി​എ​സ് സി ​റാ​ങ്ക് പ​ട്ടി​ക നി​ല​വി​ലു​ള്ള​ത്. മ​റ്റെ​ല്ലാ വി​ഷ​യ​ങ്ങൾക്കും അ​തി​ഥി അ​ധ്യാ​പ​ക​ര്‍ ത​ന്നെ​യാ​കും ശ​ര​ണം.

ഹൈ​സ്‌​കൂ​ള്‍ വ​രെ​യു​ള്ള വി​ഭാ​ഗ​ങ്ങ​ളി​ല്‍ മാ​ത്രം ജി​ല്ല​യി​ലാ​കെ 594 ഒ​ഴി​വു​ക​ളാ​ണ് ഇ​തി​ന​കം ക​ണ​ക്കാ​ക്ക​പ്പെ​ട്ടി​ട്ടു​ള്ള​ത്. ഒ​ഴി​വു​ക​ള്‍ ത​സ്തി​ക, മ​ല​യാ​ളം മീ​ഡി​യം, ക​ന്ന​ഡ മീ​ഡി​യം എ​ന്ന ക്ര​മ​ത്തി​ല്‍: എ​ല്‍​പി സ്‌​കൂ​ള്‍ അ​സി​സ്റ്റ​ന്‍റ് (223, 32), യു​പി സ്‌​കൂ​ള്‍ അ​സി​സ്റ്റ​ന്‍റ് (187, 13), ഹൈ​സ്‌​കൂ​ള്‍ വി​ഭാ​ഗം ഭൗ​തി​ക​ശാ​സ്ത്രം (21, 7), ഗ​ണി​തം (27, 10), സാ​മൂ​ഹ്യ​ശാ​സ്ത്രം (7, 10), പ്ര​കൃ​തി​ശാ​സ്ത്രം (8, 2), ഇം​ഗ്ലീ​ഷ് (10), മ​ല​യാ​ളം (28), ക​ന്ന​ഡ (9). ഇ​തോ​ടൊ​പ്പം പു​തു​താ​യി ഉ​ണ്ടാ​കു​ന്ന ഒ​ഴി​വു​ക​ളും അ​വ​ധി​യെ​ടു​ത്തു പോ​കു​ന്ന​തും ഹ​യ​ര്‍ സെ​ക്ക​ന്‍​ഡ​റി, വി​എ​ച്ച്എ​സ് വി​ഭാ​ഗ​ങ്ങ​ളി​ലെ ഒ​ഴി​വു​ക​ളും ചേ​രു​മ്പോ​ള്‍ എ​ണ്ണം ആ​യി​ര​ത്തോ​ള​മാ​കും.

ക​ണ​ക്കാ​ക്ക​പ്പെ​ട്ട ഒ​ഴി​വു​ക​ളെ​ല്ലാം പി​എ​സ്സി ക്ക് ​റി​പ്പോ​ര്‍​ട്ട് ചെ​യ്തി​ട്ടു​ണ്ടെ​ങ്കി​ലും റാ​ങ്ക് പ​ട്ടി​ക നി​ല​വി​ലു​ള്ള ഭൗ​തി​ക​ശാ​സ്ത്രം മ​ല​യാ​ളം മീ​ഡി​യ​ത്തി​ല്‍ മാ​ത്ര​മാ​ണ് ത​ത്കാ​ലം നി​യ​മ​ന​സാ​ധ്യ​ത​യു​ള്ള​ത്. കോ​വി​ഡ് സാ​ഹ​ച​ര്യ​ത്തി​ല്‍ പി​എ​സ്‌​സി നി​യ​മ​ന ന​ട​പ​ടി​ക​ളി​ലു​ണ്ടാ​യ കാ​ല​താ​മ​സ​മാ​ണ് മ​റ്റൊ​രു ത​സ്തി​ക​യി​ലും റാ​ങ്ക് ലി​സ്റ്റ് നി​ല​വി​ലി​ല്ലാ​ത്ത അ​വ​സ്ഥ​യി​ലെ​ത്തി​ച്ച​ത്. എ​ല്‍​പി, യു​പി അ​സി​സ്റ്റ​ന്‍റ് ത​സ്തി​ക​ക​ളി​ല്‍ പ​ഴ​യ റാ​ങ്ക് ലി​സ്റ്റി​ല്‍​നി​ന്നും മെ​യി​ന്‍ ലി​സ്റ്റി​ലെ മു​ഴു​വ​ന്‍ പേ​ര്‍​ക്കും നി​യ​മ​നം ല​ഭി​ച്ചി​രു​ന്നു.

മു​ന്‍​കാ​ല​ങ്ങ​ളി​ല്‍ ഒ​ഴി​വു​ക​ള്‍ എം​പ്ലോ​യ്‌​മെ​ന്‍റ് എ​ക്‌​സ്‌​ചേ​ഞ്ചു​ക​ളി​ലേ​ക്ക് റി​പ്പോ​ര്‍​ട്ട് ചെ​യ്ത് താ​ത്കാ​ലി​ക നി​യ​മ​ന​ങ്ങ​ള്‍ ന​ട​ത്താ​റു​ണ്ടാ​യി​രു​ന്നു. അ​താ​കു​മ്പോ​ള്‍ യോ​ഗ്യ​ത​യും ര​ജി​സ്റ്റ​ര്‍ ചെ​യ്ത​തി​ന്‍റെ സീ​നി​യോ​റി​റ്റി​യും പ്ര​കാ​രം ഏ​റെ​ക്കു​റെ ക്ര​മ​മാ​യി​ത്ത​ന്നെ ഉ​ദ്യോ​ഗാ​ര്‍​ഥി​ക​ള്‍​ക്ക് അ​വ​സ​രം ല​ഭി​ച്ചി​രു​ന്നു.

എ​ന്നാ​ല്‍ ക​ഴി​ഞ്ഞ ഏ​താ​നും വ​ര്‍​ഷ​ങ്ങ​ളാ​യി അ​ത​ത് സ്‌​കൂ​ളു​ക​ള്‍ അ​ഭി​മു​ഖം ന​ട​ത്തി താ​ത്കാ​ലി​ക നി​യ​മ​ന​ങ്ങ​ള്‍ ന​ട​ത്തു​ന്ന രീ​തി​യാ​ണ് കൈ​ക്കൊ​ള്ളു​ന്ന​ത്. ത​ദ്ദേ​ശ സ്ഥാ​പ​ന​ങ്ങ​ളു​ടെ​യും പി​ടി​എ​യു​ടെ​യും രാ​ഷ്ട്രീ​യ​മു​ള്‍​പ്പെ​ടെ​യു​ള്ള ഘ​ട​ക​ങ്ങ​ളും വ്യ​ക്തി​ബ​ന്ധ​ങ്ങ​ളും ഇ​ത്ത​രം നി​യ​മ​ന​ങ്ങ​ളെ സ്വാ​ധീ​നി​ക്കു​ന്ന​താ​യ ആ​രോ​പ​ണ​ങ്ങ​ളും പ​ല​പ്പോ​ഴും പ​റ​ഞ്ഞു​കേ​ള്‍​ക്കു​ന്നു​ണ്ട്.

വ​രു​ന്ന ര​ണ്ടാ​ഴ്ച​ക​ളി​ല്‍ മി​ക്ക​വാ​റും എ​ല്ലാ സ്‌​കൂ​ളു​ക​ളി​ലും ഒ​രേ സ​മ​യ​ത്ത് അ​ഭി​മു​ഖ​ങ്ങ​ളു​ടെ തി​ര​ക്കാ​കു​മ്പോ​ള്‍ ഉ​ദ്യോ​ഗാ​ര്‍​ഥി​ക​ള്‍ ഒ​രേ സ​മ​യം പ​ല​യി​ട​ങ്ങ​ളി​ല്‍ ഓ​ടി​യെ​ത്തേ​ണ്ടി​വ​രു​ന്ന അ​വ​സ്ഥ​യാ​കും. മി​ക്ക​വ​രും ഏ​റ്റ​വു​മ​ടു​ത്തു​ള്ള ര​ണ്ടോ മൂ​ന്നോ സ്ഥ​ല​ങ്ങ​ള്‍ തെ​ര​ഞ്ഞെ​ടു​ത്ത് തൃ​പ്തി​പ്പെ​ടേ​ണ്ടി​വ​രും.

ന​ഗ​ര​പ്ര​ദേ​ശ​ങ്ങ​ളി​ല്‍ ഉ​ദ്യോ​ഗാ​ര്‍​ഥി​ക​ളു​ടെ തി​ര​ക്കേ​റു​മ്പോ​ള്‍ അ​ര്‍​ഹ​രാ​യ പ​ല​ര്‍​ക്കും അ​വ​സ​രം ല​ഭി​ക്കാ​താ​കു​ന്ന നി​ല​യാ​കും. അ​തേ​സ​മ​യം താ​ര​ത​മ്യേ​ന വി​ദൂ​ര സ്ഥ​ല​ങ്ങ​ളി​ല്‍ യോ​ഗ്യ​രാ​യ ഉ​ദ്യോ​ഗാ​ര്‍​ഥി​ക​ളെ ല​ഭി​ക്കാ​ത്ത അ​വ​സ്ഥ​യു​മു​ണ്ടാ​യേ​ക്കാം. ഈ ​അ​വ​സ്ഥ മു​ന്‍​കൂ​ട്ടി ക​ണ്ട് കാ​ലേ​കൂ​ട്ടി സീ​റ്റു​റ​പ്പി​ച്ച് മ​ഞ്ചേ​ശ്വ​രം, കാ​സ​ര്‍​ഗോ​ഡ് താ​ലൂ​ക്കു​ക​ളി​ലെ വി​ദൂ​ര​സ്ഥ​ല​ങ്ങ​ളി​ലേ​ക്ക് വ​ണ്ടി​ക​യ​റു​ന്ന​വ​രു​മു​ണ്ട്.

എ​ന്താ​യാ​ലും പു​ത്ത​നു​ടു​പ്പും പു​സ്ത​ക​ങ്ങ​ളു​മാ​യി സ്‌​കൂ​ളി​ലെ​ത്തി​യാ​ലും പു​തി​യ ടീ​ച്ച​ര്‍ വ​രു​ന്ന​തും​കാ​ത്ത് ര​ണ്ടാ​ഴ്ച​യെ​ങ്കി​ലും ഇ​രി​ക്കേ​ണ്ട അ​വ​സ്ഥ​യി​ലാ​യി​രി​ക്കും ന​ല്ലൊ​രു വി​ഭാ​ഗം കു​ട്ടി​ക​ള്‍.