കൊട്ടാരക്കര: പുതിയ കേരളം തരിശുരഹിത കേരളം, കർഷക തൊഴിലാളി പെൻഷൻ വിതരണത്തിന് കേന്ദ്രസഹായം അനുവദിക്കുക, പട്ടയ പ്രശ്നങ്ങൾ പരിഹരിക്കുക തുടങ്ങിയ ആവശ്യങ്ങൾ ഉന്നയിച്ചു കേരള സ്റ്റേറ്റ് കർഷക തൊഴിലാളി യൂണിയൻ സംസ്ഥാന സെക്രട്ടറി എൻ ചന്ദ്രൻ നയിക്കുന്ന സംസ്ഥാന ജാഥയ്ക്ക് കൊട്ടാരക്കര, നെടുവത്തൂർ, കുണ്ടറ, കുന്നത്തൂർ ഏരിയ കമ്മിറ്റികൾ കൊട്ടാരക്കരയിൽ സ്വീകരണം നല്കി.
കൊട്ടാരക്കര താലൂക്ക് ആശുപത്രി ജംഗ്ഷനിൽ നിന്നും വാദ്യമേളങ്ങളുടെ അകമ്പടിയോടെ ജാഥയെ സ്വീകരിച്ച് ഘോഷയാത്രയായി സമ്മേളന വേദിയായ ചന്തമുക്ക് മുനിസിപ്പൽ മൈതാനിയിൽ എത്തിച്ചു. തുടർന്ന് നടന്ന സ്വീകരണസമ്മേളനത്തിൽ കെ എസ് കെ ടി യു സംസ്ഥാന കമ്മിറ്റി അംഗം കെ ഹർഷകുമാർ അധ്യക്ഷനായി. കൊട്ടാരക്കര ഏരിയ സെക്രട്ടറി വി കമലഹാസൻ, ജാഥാ ക്യാപ്റ്റൻ എൻ ചന്ദ്രൻ, വൈസ് ക്യാപ്റ്റൻ ലളിത ബാലൻ, മാനേജർ സി ബി ദേവദർശനൻ, ജാഥ അംഗങ്ങളായ എൻ. രതീന്ദ്രൻ, ടി കെ വാസു, സംസ്ഥാന കമ്മിറ്റി അംഗങ്ങളായ ഡി വിശ്വസേനൻ, സുരേഷ് ബാബു, സിപിഎം നെടുവത്തൂർ ഏരിയാ സെക്രട്ടറി ജെ രാമാനുജൻ, സിഐടിയു ജില്ലാവൈസ് പ്രസിഡന്‍റുമാരായ വി. രവീന്ദ്രൻനായർ, സി. മുകേഷ്, തുടങ്ങിയവർ പ്രസംഗിച്ചു.