പന്മന: മനയിൽ ഫുട്ബോൾ അസോസിയേഷന്റെ നേത്യത്വത്തിൽ മുൻ എംഎൽഎ എൻ.വിജയൻ പിള്ളയുടെയും മനയിൽ വാഴതെക്കതിൽ അഹമ്മദ് കുഞ്ഞിന്റേയും സ്മരണാർഥം നടക്കുന്ന അഖിലേന്ത്യ ഫ്ളഡ് ലൈറ്റ് ഫുട്ബോൾ മേള - പന്തോട്ടം 24, സീസൺ 2ന്റെ ഭാഗമായിട്ടുള്ള പ്രവർത്തന ഫണ്ട് ധനശേഖരണം എൻ. കെ.പ്രേമചന്ദ്രൻ എംപി പന്മന മനയിൽ അജിത് ഭവനത്തിൽ ജെ.സുരേന്ദ്രനിൽ നിന്ന് ആദ്യ സംഭാവന ഏറ്റു വാങ്ങി ഉദ്ഘാടനം ചെയ്തു.
എംഎഫ്എ പ്രസിഡന്റ് പന്മന മഞ്ജേഷ് അധ്യക്ഷത വഹിച്ചു. പന്മന ഗ്രാമ പഞ്ചായത്ത് പ്രസിഡന്റ് പന്മന ബാലക്യഷ്ണൻ, ജില്ലാ പഞ്ചായത്തംഗം അഡ്വ.സി. പി. സുധീഷ് കുമാർ, ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശേരി, മാമൂലയിൽ സേതുക്കുട്ടൻ, കോലത്ത് വേണുഗോപാൽ, രക്ഷാധികാരി സമിതിയംഗം ബിജു കണ്ണങ്കര, സംഘാടക സമിതി ഭാരവാഹികളായ വർക്കിംങ്ങ് ചെയർമാൻ സി. മനോജ് കുമാർ, എ. ആഷിം, മൺസൂർ. എ,നൗഷാദ് ചെങ്ങഴത്ത്, മുഹമ്മദ് ഷെരീഫ്, എൻ.ഉപേന്ദ്രൻ, സജിത് എസ്.,സുഹൈൽ, അയൂബ് എന്നിവർ പങ്കെടുത്തു.